Jeremías 7:26 - Bible in Tzeltal Bachajón

²⁶ Pero ma ba la ya'iybonic jc'op, ma ba la yac' schiquinic, la stulanijtes yo'tanic, c'ax hich chopol c'ohtic a te bin ut'il te sme'statique.

Bible in Tzeltal de Oxchuc y Tenejapa

²⁶ Ja'uc me to, ma la ach'uunbonic jc'op, ni la awich'bonic ta muc', amen la awac' aba soc awo'tanic, c'ax jich te bit'il la yac' sbaic te antiguo ame'-atatique —xi'.

Jeremías 7:26 ပူးပေါင်းရင်းမြစ်များ

1 Reyes 14:22

Te Judá chopol bin la spas ta stojol Jehová. C'ax hich ilin yu'un a te Jehová te bin ut'il ilin yu'un smulic te sme'static.

1 Reyes 14:9

Yan te ha'ate, c'ax hich chopol la apas a te bin ut'il spisil te yantic nahil ay awu'un. La apasticlan yantic diosetic soc loc'ombahetic te pasbilic ta uhltesbil taq'uin, te la ahachbon quilimba a soc la awalac'patiyon.

2 Reyes 17:14

Pero ma ba la yich'ic ta cuenta, mero tulan la yac' sbahic, hich te bin ut'il te sme'static, te ma ba la sch'uhunic te Jehová te Dios yu'unique.

2 Reyes 17:15

Ha la sch'aybeyic te mandariletic, te chapbil-c'op la schap soc te sme'static soc te scomelic te halbotic yu'une. La st'unic diosetic te mayuc stuquic, soc ha nix hich mayuc stuc bahtic yu'un, ha la st'umbeyic stalel te nacionetic ayic ta sjoyobal, te pasotic ta mandar yu'un Jehová te manchuc hich ya spasique.

2 Crónicas 30:8

Ma me tulanuc xawac' awo'tanic, hich te bin ut'il la spas te ame'atatique; ac'a abahic ta cuentahinel yu'un Jehová, soc la'ic ta ch'ul awilal yu'un te la sch'ultes scuenta sbahtel q'uinal. Ac'a abahic ta a'batinel yu'un te Jehová te Dios awu'unic, hich me ya xquehchaj a te yilimba ta atojolic.

2 Crónicas 33:10

Te Jehová la sc'opon te Manasés soc te pueblo yu'un, pero ma la yich'beyic ta cuenta.

2 Crónicas 33:23

Pero mayuc bin ora la spehc'an sba ta stojol Jehová, hich te bin ut'il la spehc'an sba te Manasés te state; bayel xan mulil la spas.

Nehemías 9:29

La atsitsticlan te yacuc suhtic xan ta stojol te Ley awu'une; pero bayel la stoy sbahic, ma ba la yich'ic ta cuenta te mandariletic awu'un, la sta smulic ta stojol te bintic halbil awu'un, te ha ya ya'be scuxlejal te mach'atic ya sch'uhunic spasel. La swalac'patiyic scuenta toybahil, tulan la yac' sbahic, ma ba la sc'an la ya'iyic.

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Isaías 48:4

Como jna'oj te tulan awo'tan, te ha bahlal taq'uin te anuc', soc ha bronce te ati'bahe.

Isaías 5:4

¿Binti xan yan pasel la sc'an ta stojol te ts'usubil cu'un te ma ba jpasoje? ¿Bin ut'il ay a te la jmahliy te ya yac' lequil ts'usubetic pero la yac' ha'mal ts'usubetic?

Jeremías 11:8

Pero ma ba la ya'iyic, ma ba la yich'ic ta cuenta; ha la st'unic bahel te bintic chopol la snop ta yo'tanic. Ha yu'un ya me cac' ta stojolic spisil bin ya yal te chapbil-c'op ini, ha te la jpas ta mandar te ya me sch'uhunic spasel, pero ma ba la spasic, xchi.

Jeremías 16:12

Pero te ha'exe c'ax hich chopol apasojic a te bin ut'il ame'atatique. Como ilawil, tuhlultuhlex la at'unic bahel te bin snopoj te achopol-o'tanic, ma ba la awa'iybonic te jc'ope.

Jeremías 17:23

Pero ma ba la ya'iyic, ma ba la yac' schiquinic a; la stulanijtes yo'tanic yu'un te ma ba ya ya'iyic soc ma ba ya yich'ic tojobtesel.

Jeremías 19:15

Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.

Jeremías 22:21

La jc'oponat te c'alal ay bayel bintic ay awu'un, pero hich la awal: ¡Ma ba ya ca'iy! xchihat. C'alal ta aqueremil hich ay te atalele, mayuc bin ora la awa'iybon te jc'ope.

Jeremías 25:3

C'alal ta yoxlajunebal (13) ha'bil te ay ta ajwalil yu'un Judá te Josías snich'an Amón c'alal ora yo'tic, ha oxeb scha'winic (23) ha'bil, talem ta jtojol te sc'op Jehová, soc spisil ora la jc'oponlanex, pero ma ba la awa'iyic.

Jeremías 25:7

Pero ma ba la awa'iybonic te jc'ope, xchi te Jehová, la awac' ilinucon ta scaj te bin la apas ta ac'abic, te hich tal te bin chopol ta atojolique.

Jeremías 26:5

teme ma ba yac awa'iybeyic sc'op te jalwanejetic, te a'batetic cu'un te bayel buelta la jticombeyex tal, te ma ba la awa'iybeyic te sc'opique,

Jeremías 29:19

Como ma ba la ya'iybonic jc'op, xchi te Jehová, te bayel buelta la jticombe ta scuenta te a'batetic cu'un, ha te jalwanejetique. Ha nix hichex, ma ba la awa'iybonic te jc'ope, xchi te Jehová.

Jeremías 3:13

Na'a me hiche te achopolil, como acontrahinej te Jehová, te Dios awu'un, soc la awac' aba ta antsinel ta stojol yantic diosetic ta ye'tal spisil pimil ya'binal te'etic, ma ba la awa'iybon te jc'ope, xchi te Jehová.

Jeremías 32:23

Ha'ic ochic talel soc la yu'untayic, pero ma ba la sch'uhumbat ac'op soc ma ba la st'unic te Ley awu'une; mayuc bin la spasic te la awalbe ta mandar. Ha yu'un la aticombe tal ta stojolic spisil te bintic chopol ini.

Jeremías 34:14

Ta shuquebal ha'bil jujutuhl ya me yaq'uic ta libre te yermano hebreo te schonoj sba ta stojolique. Ta waqueb ha'bil ya yac' sba ta a'batinel awu'un, patil ya me awac' ta libre. Pero te ame'atatic ma ba la ya'iybonic jc'op, ma ba la yich'onic ta cuenta.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 44:16

Ma ba ya quich'cotic ta cuenta te c'op la awalbotic ta scuenta Jehová.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Jeremías 6:10

¿Mach'a ya jc'opon soc ya jtsits, yu'un ya ya'iy? Macal schiquinic, ma xhu' ya ya'iyic c'op. Ya xq'uexawic yu'un te sc'op Jehová, mayuc yutsil yo'tanic yu'un.

Jeremías 6:17

La jcac' ta atojolic j'il-q'uinaletic te hich ya yalbeyex: ¡A'iya me awa'iyic yoq'uel te corneta! xchihic. Pero hich la yalic: Ma ba ya ca'iycotic, xchihic.

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,

Jeremías 9:13

Hich la yal te Jehová: Como la yihquitaybon te ley cu'un te la jcac' ta stojolic; ma ba la sch'uhumbonic te jc'op soc ma ba la st'unic bahel.

Ezequiel 12:2

Snich'anat winic, nahinemat ta yohlil toyba pueblo. Ay sitic pero ma xyilic q'uinal; ay schiquinic, pero ma xya'iyic q'uinal, como ha toyba pueblo.

Ezequiel 12:3

Ha yu'un, ha'at snich'anat winic, chahpana abiluc yu'un ya xloc'at bahel, ta c'ahc'alel ya me xloc'at bahel ta comon sitil. Ya me xloc'at hahchel ta ana, ya xbahat ta yan lugar ta comon sitil. Ya wan xc'oht ta yo'tanic, aunque toyba pueblo.

Ezequiel 20:30

Ha yu'un hich xawalbe te sna Israel: Hich yaloj te Jehová: ¿Ma bal hichuc yac abohlobtes abahic te bin ut'il ame'atatic soc yac awac' abahic ta antsinel ta stojol te bintic ilobtic sba yu'unique?

Daniel 9:6

Ma ba la jquich'cotic ta cuenta te jalwanejetic te a'batetic awu'un te c'opojic ta scuenta abihil ta stojol te ajwaliletic, te príncipaletic, jme'jtatcotic soc spisil te pueblo yu'un te q'uinale.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Zacarías 7:11

Pero ma ba la sc'an la ya'iyic, la swalac'patiyic soc la smac schiquinic.

Malaquías 3:7

C'alal ta yorahil ame'atatic la awihquitayic hilel te leyetic cu'un, ma ba la acanantayic. ¡Suhtanic tal ta jtojol, hich ya suhton tal ta atojolic! xchi te Jehová te scuentahinej spisil. Pero yac awalic: ¿Bin ut'il ya suhtotic? xchihex.

San Mateo 21:38

Pero te j'a'teletic c'alal la yilbeyic te snich'an, hich la yalbe sbahic: Ha ini te ya xbaht yich' te q'uinale. La'ic, jmiltic, hich ya quich'betic te sq'uinale, xchihic.

San Mateo 23:32

¡Hu'tesbeyahic ta pasel hiche te bin hahchem ta pasel yu'un te ame'atatique!

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

Romanos 2:5

Pero ta scaj te tonoben awo'tan soc te ma ba suhtem awo'tan, ha'at nix yac atsobel ilimba ta yorahil ya xchicnaj te ilimba soc te stojil chahpanel yu'un Dios,

Deuteronomio 8:20

Hich te bin ut'il Jehová ya slajinlan te nacionetic ta atojolic, ha nix hich ya xlajex, ta scaj te ma ba la ach'uhumbeyic sc'op te Jehová te Dios awu'unique.