Jeremías 7:23 - Bible in Tzeltal Bachajón

²³ Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Bible in Tzeltal de Oxchuc y Tenejapa

²³ Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Jeremías 7:23 ပူးပေါင်းရင်းမြစ်များ

Job 36:11

Teme ya ya'iyic soc ya yac' sbahic ta a'batinel yu'une, lec ya xc'ohtic te jayeb xan tiempo ya xcuxajic soc ay me yutsil ya xc'ax yu'unic te ha'biletique.

Salmos 119:3

mayuc bin chopol ya spasic, ya st'unic te behetic yu'une.

Salmos 40:6

Ma ha'uc ya sc'an awo'tan mahtanil soc milbil mahtanil, pero la ajambon jchiquin; te scohtol chic'bil mahtanil soc mahtanil yu'un stojel mulil ma ha'uc ac'anoj.

Salmos 81:13

Te lajuc ya'iybon jc'op te pueblo cu'un, te lajuc st'umbon te behetic cu'un te Israel,

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Éxodo 16:32

Hich la yal te Moisés: Ha smandar Jehová ini: Nojesahic ta maná jun gomer, q'uejahic yu'un te patil al-nich'anetic awu'unic, scuenta yu'un ya xhu' ya yilic te pan la jca'beyex awe'ic ta jochol taquin q'uinal te c'alal la jloq'uesex tal ta sq'uinal Egipto, xchi.

Isaías 3:10

Halbeya te mach'a toj te lec ya xc'oht ta loq'uel, como ya me swe'be sit te ya'tel sc'ab.

Jeremías 11:4

ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Jeremías 11:7

C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Jeremías 13:11

Como hich te bin ut'il ya sut' ta chuquel sch'uht te winic, hich la jcac' te ya sut' ta chuquel ta jtojol spisil te sna Israel soc spisil te sna Judá, scuenta yu'un ha pueblo cu'un ya xc'oht, scuenta yu'un ya ya'bon ta na'el te jbihil soc ya yich' halbeyel yutsil jc'oblal soc te ya x'ich'otic ta muc' a, pero ma ba la ya'iyic, xchi te Jehová.

Jeremías 22:21

La jc'oponat te c'alal ay bayel bintic ay awu'un, pero hich la awal: ¡Ma ba ya ca'iy! xchihat. C'alal ta aqueremil hich ay te atalele, mayuc bin ora la awa'iybon te jc'ope.

Jeremías 22:3

Hich yaloj te Jehová: Stojil me xawa'iy chahpanwanej soc pasa te bin stojil ta pasele. Ac'ahic ta libre ta sc'ab te j'uts'inwanej te mach'a tembil ta uts'inel yu'un soc ma me xawelc'ambe sbiluc te jyanlum, te me'ba' soc te me'ba' ants, soc ma me xamalbe sch'ich'el ta lugar ini te mach'a mayuc smule.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Jeremías 31:33

Hich ay te chapbil-c'op te ya jpas soc te sna Israel ta patil bahel, xchi te Jehová: Ya cac' ta sjolic te ley cu'un soc ya jts'ihbabe ta yo'tanic. Ho'on Dioson yu'unic ya xc'ohon, soc ha pueblo cu'un ya xc'ohtic.

Jeremías 32:23

Ha'ic ochic talel soc la yu'untayic, pero ma ba la sch'uhumbat ac'op soc ma ba la st'unic te Ley awu'une; mayuc bin la spasic te la awalbe ta mandar. Ha yu'un la aticombe tal ta stojolic spisil te bintic chopol ini.

Jeremías 38:20

La sjac' te Jeremías: Ma ba ya yac'at ta sc'abic. Ch'uhumbeya sc'op Jehová te la jcalbatix awa'iy, hich lec ya xc'ohat soc hich ya xcuxajat.

Jeremías 42:6

Chican teme lec o teme ma lecuc, ya jch'uhumbecotic te Jehová te Dios cu'untic te ya jticonatcotic bahel ta stojole, scuenta yu'un hich lec ya xc'ohotic a, yu'un te ya jch'uhumbecotic sc'op te Jehová te Dios awu'une, xchihic.

Sofonías 3:2

Ma ba la ya'iy c'op soc ma ba la yich' tojobtesel; ma ba la smuc'ulin yo'tan te Jehová, ma ba nohpoj ta stojol te Dios yu'une.

Zacarías 6:15

Te mach'atic namal ayic ya xtal scoltayic ta spasel te templo yu'un Jehová. Ta hich ora yac ana'ic te ticombilon tal ta atojolic yu'un te Jehová te scuentahinej spisil. Hich ya xc'oht ta pasel teme yac ach'uhumbeyic spasel te bin ya yal te Jehová te Dios awu'unique.

Zacarías 7:7

¿Ma bal ha'uc ini te c'opetic la yal te Jehová ta scuenta te nahil jalwanejetic, te c'alal ay mach'atic nahinemic ta Jerusalén soc te lamal q'uinal a, soc te ay mach'atic nahinemic a ta pueblohetic yu'un ta sjoyobal soc te Neguev soc te Sefela?

Romanos 16:26

pero ta ora ini chicanix ta scuenta te bin ts'ihbabil hilel yu'un te jalwanejetic ta scuenta smandar Dios te sbahtel q'uinal ay, te a'bot sna'ic spisil nacionetic scuenta yu'un ya sch'uhunic;

2 Corintios 10:5

ya jintic tsaltamba-c'op soc spisil toybahil te ya scontrahin te bin ay ta na'el yu'un Dios, soc ya jtsacticlantic spisil snopojibal yu'un ya sch'uhunic smandar a te Cristo.

Deuteronomio 11:27

ha bendición teme yac ach'uhumbeyic spasel te mandariletic yu'un Jehová te Dios awu'unic te ya calbeyex ta ora ini;

Deuteronomio 13:4

Ya me at'unic te Jehová te Dios awu'unic soc ya me awich'ic ta muc', ya me ach'uhunic te mandariletic yu'un soc ya me awa'iybeyic te sc'ope; ya me awac' abahic ta a'batinel yu'un soc jun me awo'tanic ta stojol.

Deuteronomio 13:5

Te jalwanej o hal-wayichil ya me yich' milel ta scaj te la ya'bat anop toybahil ta stojol Jehová te Dios awu'unic te la sloq'uesat tal ta sq'uinal Egipto soc te la scoltayat loq'uel tal ta mosohil, ya c'an ya'bat awihquitay hilel te be yalbeyejat at'un te Jehová te Dios awu'une. Hich me yac aloq'ues a te bin chopol ta awohlil.

Deuteronomio 30:2

teme ya suhtat ta stojol te Jehová te Dios awu'un, soc teme ha'at soc awal-anich'nab, ta spisil awo'tan soc ta spisil ach'uhlel hich yac ach'uhumbe sc'op te bin ut'il spisil bintic yac jpasbelat ta mandar ta ora ini,

Deuteronomio 30:20

te c'ux yac awa'iy ta awo'tan te Jehová te Dios awu'un, te yac awich'be ta muc' sc'op soc te yac at'un bahel, como ha cuxlejal awu'un te Jehová soc ya yac' te hal c'ahc'al ya xcuxajat, scuenta yu'un ya xnahinat tey ta q'uinal te jc'axel la yal ta jamal te Jehová ta stojol te atatic Abraham, Isaac soc Jacob te ya ya'be, xchi te Moisés.

Deuteronomio 30:8

Te ha'at yac awa'iybe xan sc'op te Jehová soc yac apas spisil te mandariletic yac jpasbelat ta mandar ta ora ini.

Deuteronomio 4:10

Te bin c'ahc'alil la atehc'an abahic ta stojol te Jehová te Dios awu'unic ta wits Horeb, te c'alal hich la yalbon te Jehová: Tsoba tal te pueblo scuenta yu'un ya calbe ya'iy te c'opetic cu'un, scuenta yu'un ya snopic te ya yich'onic ta muc' te jayeb c'ahc'al cuxulic ta q'uinal, soc te ya ya'beyic snop te yal-snich'nab, te xchihe,

Deuteronomio 4:40

Ch'uhuna te mandariletic yu'un te yac calbelat ta ora ini, scuenta yu'un lec ya xc'ohat soc lec ya xc'oht a te patil awal-anich'nab, soc te ya xnahtub aworahil te ayat ta q'uinal te ya ya'bat scuenta sbahtel q'uinal te Jehová te Dios awu'une, xchi te Moisés.

Deuteronomio 5:16

Ich'a ta muc' te atat soc anan, hich te bin ut'il la spasat ta mandar te Jehová te Dios awu'un, scuenta yu'un naht aworahil ya xcuxajat soc te lec ya xc'ohat ta aq'uinal ya ya'bat te Jehová te Dios awu'une.

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!

Deuteronomio 5:33

Behenanic ta be te la spasex ta mandar te Jehová te Dios awu'unic, scuenta yu'un hich ya xcuxajex soc lec ya xc'ohex a, soc te naht aworahil ya xnahinex tey ta q'uinal te yac awu'untayique.

Deuteronomio 6:3

A'iya me awa'iy hiche, Israel, soc tsahtayahic me ta pasel, scuenta yu'un lec ya xc'ohex tey ta q'uinal te banti ya x'oquin leche soc chab soc hich ya xp'ohlex a, hich te bin ut'il la yalbat te Jehová te Dios yu'un te ame'atatique.

Hebreos 5:9

soc te c'alal ts'acal c'oht, ha J'ac'-colel c'oht scuenta sbahtel q'uinal yu'un te mach'atic ya sch'uhumbeyic smandar,

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.