Jeremías 7:20 - Bible in Tzeltal Bachajón

²⁰ Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Bible in Tzeltal de Oxchuc y Tenejapa

²⁰ Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Jeremías 7:20 ပူးပေါင်းရင်းမြစ်များ

2 Reyes 22:17

ta scaj te la yihquitayonic, la schic'beyic pom yantic diosetic, la yaq'uic ilinuc co'tan yu'un spisil bintic la spasic. Tihlemix quilimba ta stojol te lugar ini, ma ba ya xtup'.

Isaías 10:17

Te sacal q'uinal yu'un Israel ya sutp'ij ta c'ahc', te Ch'ul Dios yu'unic ya sutp'ij ta yat c'ahc' te ta junax c'ahc'al ya schic' soc ya slajin te pimil ch'ixetic soc te ch'ixetic yu'une.

Isaías 42:25

Ha yu'un la smal cohel ta stojolic te sc'ahc'al yilimba soc te yip te guerra. La ya'be sc'ahc'al ta bayuc, pero ma ba c'oht ta yo'tanic; lajinotic yu'un, pero ma ba la yich'ic ta cuenta.

Isaías 66:24

Ya me xloq'uic bahel soc ya me yilbeyic te chamen sbaq'uetalic te ants-winiquetic te la stoy sbahic ta jtojol; como ma ba ya xcham te shahalic, soc ma ba ya xtup' te sc'ahc'alique. Ihlaybil ya xc'ohtic yu'un spisil ants-winiquetic, xchi te Jehová.

Jeremías 11:16

Ha yaxal olivo soc buen t'ujbil sit, xchi abihil yu'un te Jehová. Pero ta scuenta tulan xju'et yic'al la ya'be sc'ahc'al, soc la swac'ticlambe te sc'abc'abe.

Jeremías 12:4

¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Jeremías 14:16

Soc te pueblo te la yalbeyic te c'op ini ya me yich'ic ch'ojel loq'uel ta callehetic yu'un Jerusalén ta scaj wi'nal soc espada, mayuc mach'a ya xmucotic yu'un o te yihnamic o te ach'ix-queremetic yu'unique. Ya jmalbe ta stojolic te schopolilique.

Jeremías 17:27

Yan teme ma ba yac ach'uhumbonic jc'op ta sch'ultesel te sc'ahc'alel cux-o'tan, te yac awich'ic ochel tal ihcatsil ta ochibaletic yu'un Jerusalén ta sc'ahc'alel cux-o'tan, ya ca'be sc'ahc'al te ochibaletic yu'un te ya slajinlan te muc'ul nahetic yu'un Jerusalén, mayuc mach'a ya xhu' yu'un stup'el, xchi.

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

Jeremías 18:23

Pero ha'at, Jehová, yac ana'be spisil te bin chapbil yu'unic yu'un ya smilonic. Ma me xapasbe perdón yu'un te schopolilic, soc ma me xatup'be ta atojol te smulique. ¡Ac'a sc'ohchin yoquic ta atojol, hich me xapasbe ta yorahil awilimba!

Jeremías 21:12

Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Jeremías 44:6

Ha yu'un mal cohel ta stojolic te quilimba soc te sc'ahc'al co'tan, soc tihl ta stojol te pueblohetic yu'un Judá soc ta callehetic ta Jerusalén. Hich jihnic soc jochol hilic c'alal ora ini.

Jeremías 6:11

Ha yu'un nojel co'tan ta yilimba Jehová, luhbenonix yu'un scomel jba. La yal te Jehová: Mala bahel ta stojol te alaletic ta calle soc ta stojol te queremetic banti stsoboj sbahic; como ya me yich'ic chuquel te winiquetic soc yihnamic, te mamaletic soc te mach'atic c'ax mamalixe.

Jeremías 6:12

Te snahic, sq'uinalic soc yihnamic ya x'ich'otic yu'un yantic, como ya me jach jc'ab ta stojol te mach'atic nahinemic ta q'uinal, xchi te Jehová.

Jeremías 8:13

Ya jlajimbe spisil, xchi te Jehová, ma ba ya xhil ts'usub ta sc'ab, mayuc higohetic ta ste'el, ya xluhbaj ya'binal, te bintic ca'beyej, ya xc'ax ta stojolic, xchi.

Lamentaciones 4:11

Te Jehová ts'acal c'oht te yilimba, la smal cohel te sc'ahc'al yo'tan, la ya'be sc'ahc'al te Sión te la slajin c'alal ta yich'o-ip.

Ezequiel 22:22

Hich te bin ut'il ya x'uhl plata ta horno, hich nix ya x'uhlex ta yohlil te pueblo. Hich me yac ana'ic a te ho'on Jehovahon la jmalix cohel quilimba ta atojolic, xchi.

Ezequiel 7:12

C'ohtix yorahil, talix te sc'ahc'alele. ¡Ma me xtse'ejin te mach'a ya xmambaj, ma me x'oc' te mach'a ya xchombaj! como te ilimba ay ta stojol spisilic.

Ezequiel 7:14

Ya yoq'uesinic te corneta soc ya schahpanic spisil; pero mayuc mach'a ya xloc' bahel ta guerra, como ay ta stojol spisilic te quilimba.

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Sofonías 1:2

Jc'axel ya jlajin spisil bintic ay ta sba te bahlumilal, xchi te Jehová.

Sofonías 1:3

Ya jlajin ants-winiquetic soc chambahlametic, ya jlajin te mutetic ya xwihlic ta toyol soc te chayetic ta mar, ya cac' ch'ayuc bahel te mach'atic chopol yo'tanic, soc ya jlajin ta sba bahlumilal te ants-winiquetic, xchi te Jehová.

Zacarías 7:12

La stulantesbe yo'tanic hich te bin ut'il diamante-ton scuenta yu'un ma ba ya ya'iyic te Ley soc te sc'op te Jehová te scuentahinej spisil te la sticon tal ta scuenta te espíritu yu'un, ta scuenta te nahil jalwanejetic yu'une. Ha yu'un bayel ilin te Jehová te scuentahinej spisil.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

San Mateo 3:12

Stsacojix ta sc'ab te sweluyojibal, ya yic'ay a te bin busul ta amac' yu'une. Ya me yotses ta yawil te trigo yu'un, soc te sts'ubil ya me schic' ta c'ahc' te mayuc bin ora ya xtup', xchi sc'oblalic.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.