Jeremías 7:2 - Bible in Tzeltal Bachajón

² Tehc'ana aba ta yochibal te sna Jehová, tey me yac awal a te c'op ini: A'iya awa'iyic te sc'op Jehová, spisil Judá te ya x'ochex tal ta ochibaletic ini yu'un yac ach'uhuntayic te Jehová.

Bible in Tzeltal de Oxchuc y Tenejapa

² —Ac'a aba ta yochibal templo cu'un, jo'on te Awajwalone, ac'a ta na'el stojol tey a in c'op to: “Spisil ants-winiquetic ta Judá te ya x'ochex ta yochibal templo te ya aquejan abaic ta jtojol te Awajwalonique, aiya awaiyic stojol te jc'ope.

Jeremías 7:2 ပူးပေါင်းရင်းမြစ်များ

1 Reyes 22:19

La yal xan te Micaías: A'iya me awa'iy te sc'op Jehová: La jquil te Jehová hucul ta smuc'ul huctajib, spisil te mach'atic ayic ta ch'ulchan tec'ajtic ta stojol ta swa'el soc ta sq'uexam.

Salmos 122:2

Ochotiquix bahel ta ochibaletic awu'un, Jerusalén.

Isaías 1:10

¡Príncipaletic yu'un Sodoma, a'iybeya awa'iyic te sc'op Jehová! ¡Pueblo yu'un Gomorra, a'iybeya awa'iy te ley yu'un te Dios cu'untique!

Jeremías 10:1

A'iya awa'iy, pueblo Israel, te sc'op Jehová te ya yalbate.

Jeremías 11:6

Hich la yalbon te Jehová: Puca ta halel spisil te c'opetic ini ta pueblohetic yu'un Judá soc ta callehetic yu'un Jerusalén, hich me xawal: A'iybeya awa'iyic sc'oblal bin ya yal te chapbil-c'op ini soc ch'uhunahic spasel.

Jeremías 19:14

Hich suht loq'uel ta Tofet te Jeremías ta banti ticonot yu'un Jehová ta yalel sc'op-jalwanej, baht stehc'an sba ta yamaq'uil te sna Jehová soc hich la yalbe spisil te pueblo:

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Jeremías 2:4

A'iybeya awa'iyic sc'op te Jehová, pueblohex yu'un Jacob, soc spisil ta chahp yu'un Israel.

Jeremías 26:2

hich la yal: Hich yaloj te Jehová: Tehc'ana aba ta yamaq'uil te sna Jehová, c'opona spisil te mach'atic talemic ta pueblohetic yu'un Judá yu'un ya sch'uhuntayic ta sna Jehová, halbeya spisil te c'opetic la jcalbat ta mandar te yac awalbe; ma me ayuc jp'ahluc te ma xawale.

Jeremías 28:5

Te jalwanej Jeremías hich la sjac'be sc'op te jalwanej Hananías ta stojol te sacerdotehetic soc spisil te pueblo te ayic ta sna Jehová:

Jeremías 34:4

Pero, Sedequías ajwalil yu'un Judá, a'iya me awa'iy bin ya yal te Jehová, yu'un hich ya yalbat ac'oblal: Ma ba ya xlajat ta espada;

Jeremías 36:10

Ta sna Jehová, ta stsahlul-na yu'un Gemarías snich'an Safán te jts'ihbajel, ta amac' te ay ta ahc'ol ta yochibal te Yach'il Puerta yu'un te sna Jehová, te Baruc la yil ta stojol spisil te ants-winiquetic te sc'op Jeremías te ts'ihbabil ta hun.

Jeremías 36:6

Ha yu'un, bahan ta sna Jehová te bin ora ya scom swe'elic, halbeya ya'iyic te sc'op Jehová te la jcalbat, te ts'ihbabil awu'un ta balbil hun; halbeya ya'iyic spisil mach'atic yu'un Judá te talemic ta pueblohetic yu'unique.

Jeremías 44:24

Te Jeremías hich la yalbe xan spisil te pueblo soc te antsetic: A'iya awa'iyic te sc'op Jehová, apisilic yu'un Judá te ayex ta sq'uinal Egipto:

Jeremías 7:1

Hich ay te sc'op Jehová te tal ta stojol Jeremías:

Ezequiel 37:1

C'oht ta jtojol te sc'ab Jehová, la yic'on bahel ta scuenta te espíritu yu'un Jehová, la yac'on hilel ta yohlil spamlej te nojel ta baquetic.

Oseas 5:1

Sacerdotehetic, a'iya awa'iyic ini, sna Israel, ac'a achiquinic, sna ajwalil a'iya awa'iyic: Ha'ex awu'unic te castigo, como yaquil c'ohemex ta Mizpa, limbil yaquil ta sba Tabor c'ohemex,

Amós 7:16

Ha yu'un, a'iybeya awa'iy te sc'op Jehová. Ha'at yac awal: Ma me xawal sc'op-jalwanej ta scontrahinel Israel, ma me xc'opojat ta scontrahinel te sna Isaac, xchihat.

Miqueas 1:2

A'iya awa'iyic apisilic, pueblohetic; a'iya awa'iyic lumq'uinal soc spisil mach'atic ayic tey a, te Jehová te Ajwalil ha testigo ta scontrahimbelex, ha te Ajwalil c'alal ta sch'ul templo.

Miqueas 3:1

Patil hich la jcal: A'iya awa'iyic, príncipaletic yu'un Jacob, soc jtsobawetic yu'un te sna Israel, ¿ma bal hichuc ya sc'an te yac ana'ic te bin stojil ta pasele?

Miqueas 3:9

A'iya awa'iyic ini, jtsobawex yu'un te sna Jacob, capitanex yu'un te sna Israel, te yac ap'ajic stojil chahpanel soc te yac ajinic spisil te bintic toj,

San Mateo 13:9

Te mach'a ay schiquin, ac'a me ya'iy, xchi.

San Juan 18:20

La sjac' te Jesús: Ta comonsitil la jc'opon te mach'atic ayic ta bahlumilal. Spisil ora la jca'iy p'ijubteswanej ta sinagoga soc ta Templo ta banti ya stsob sbahic spisil te judíohetique, mayuc bin muquen la jcal.

Hechos 5:20

Bahanic, tehc'ana abahic ta Templo, halbeya ya'iyic te pueblo spisil bin ut'il ay sc'oblal te yach'il cuxlejale, xchi.

Hechos 5:42

Jujun c'ahc'al, ta Templo soc ta nahnatic, mayuc la scom sbahic ta p'ijubteswanej soc ta yalbeyel sc'oblal te Jesucristo.

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Apocalipsis 2:17

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

Apocalipsis 2:29

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 3:13

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 3:22

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 3:6

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.