Jeremías 7:18 - Bible in Tzeltal Bachajón

¹⁸ Te al-nich'anetic ya stsobic tal si', te tatiletic ya stsunic c'ahc', te antsetic ya swots'ic harina yu'un spasbeyel tut panetic te ajwalil-ants yu'un ch'ulchan; soc ya ya'beyic malbil mahtaniletic yantic diosetic, yu'un ya shachbonic quilimba a.

Bible in Tzeltal de Oxchuc y Tenejapa

¹⁸ Te nich'aniletic ya stsobic tel si', te tatiletic ya stsumic c'ajc', te antsetic ya yaiyic juch'majel ta swenta spasel waj te ya xba yac'beyic te lotil dios te Antsil Ajwalil yu'un Ch'ulchan te xi' sbiil yu'unique. Ya sbolc'optayonic a te ya yac'beyic vino te lotil diosetique.

Jeremías 7:18 ပူးပေါင်းရင်းမြစ်များ

1 Reyes 14:9

Yan te ha'ate, c'ax hich chopol la apas a te bin ut'il spisil te yantic nahil ay awu'un. La apasticlan yantic diosetic soc loc'ombahetic te pasbilic ta uhltesbil taq'uin, te la ahachbon quilimba a soc la awalac'patiyon.

1 Reyes 16:2

Ho'on la jtamat hahchel ta ts'ubil lum, la jcotsesat ta jcuentahinwanej yu'un te jpueblo Israel. Pero ha nix la apas te bin la spas te Jeroboam, la awa'be sta smul te Israel te pueblo cu'un, te hich la ahachbon quilimba yu'un te amulique.

Salmos 16:4

Ya xp'ohl swocolic te mach'atic ya st'unic bahel yantic diosetic. Ma ba ya cac' te malbil mahtaniletic yu'un ch'ich' yu'unic, soc ma ba ya cal ta que te sbihilique.

Isaías 3:8

Como jihnemix te Jerusalén, yahlemix te Judá; como te sc'opic soc te ya'telic scontrahinejic te Jehová, la stsal sba soc te smuc'ul yutsilale.

Isaías 57:6

Te sch'ulet tonetic ta sjuclej ha te bintic awu'un ya xc'oht, ha te bintic yac awich'ique; la awaq'uic malbil mahtanil ta stojolic soc la awa'beyic smahtanin harina. ¿Ma bal yacuc ca'be castigo yu'un spisil ini?

Isaías 65:11

Yan te ha'ex te yac awihquitayic te Jehová soc te ya xch'ay ta awo'tanic te ch'ul wits cu'un, te yac awa'beyic we'elil te dios Fortuna soc te yac achahpambe capbil vino te dios Destino,

Isaías 65:3

jun pueblo te ta mero jsit ya yac' ilinucon spisil ora, ya yac' milbil mahtaniletic ta ts'umbil nichimetic soc ya schic' pom ta sba ladrillohetic;

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Jeremías 11:17

Te Jehová te scuentahinej spisil, te mach'a la sts'unat, yalojix mandar te ay bin chopol ya xc'oht ta atojol, ta scaj te bintic chopol spasojic te sna Israel soc te sna Judá, te hich la shachbonic quilimba yu'un te la schic'beyic pom te Baal, xchi.

Jeremías 17:2

scuenta sna'ojibal yu'un te yal-snich'nabique. Te scajtajib ta chiq'uel mahtaniletic yu'unic soc te loc'ombahetic yu'un Asera ayic ta ye'tal te'etic te pimic ya'binal soc ta toyol tsehletic,

Jeremías 19:13

Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.

Jeremías 25:7

Pero ma ba la awa'iybonic te jc'ope, xchi te Jehová, la awac' ilinucon ta scaj te bin la apas ta ac'abic, te hich tal te bin chopol ta atojolique.

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.

Jeremías 44:25

Hich yaloj te Jehová te scuentahinej spisil, te Dios yu'un Israel: Te ha'ex soc te antsetic awu'unic la awalic ta awehic soc la apasic ta ac'abic, te hich la awalic: Ya me jc'ohtescotic ta pasel te bintic calojcotic ta jamal, ha te ya jchic'becotic pom te ajwalil-ants yu'un ch'ulchan soc ya ca'betic malbil mahtaniletic, xchihex. Ha yu'un pasa te bin la awalic ta jamal, pasahic te bin awalojique.

Jeremías 44:4

Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Jeremías 7:17

¿Ma bal awilojuc te bintic ya spasic ta pueblohetic yu'un Judá soc ta callehetic ta Jerusalén?

Lamentaciones 5:13

Te jcolel winiquetic la yaq'uic ta juch', te queremetic laj yipic yu'un yalal si'.

Ezequiel 16:26

La awac' yantsinat te egipciohetic, ha te apat-axuhc te muc' sbaq'uetalic; la awac' ilinucon yu'un te p'ohl te antsinel awu'une.

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Ezequiel 8:16

La yic'on bahel ta amac' ta yutil te ay ta sna Jehová; tey ta yochibal te templo yu'un Jehová, ta ohlil yu'un te ochibal soc te scajtajib ta chiq'uel mahtanil, ay ho'eb scha'winic (25) ta tuhl winiquetic swalac'patiyejic te templo, te sit yelawic ay ta stojol ta banti ya xloc' tal c'ahc'al, snijanej sbahic, yac sch'uhuntaybelic te c'ahc'ale.

Ezequiel 8:17

Hich la yalbon: ¿La bal awil, snich'anat winic? Ma tic'uc a te yac spasbelic te bintic ilobtic sba te sna Judá. Ya snojesic ta uts'inwanej te q'uinal, bayel ya yac' ilinucon. Ilawil, ya yaq'uic ta sni'ic te jchej ya'binal sc'ab te'.

1 Corintios 10:22

¿Ya bal sc'an te ya cac'tic chicnajuc te xut'et yo'tan te Cajwaltique? ¿Yu'un bal c'ax bayel xan quiptic a te bin ut'il ay stuquele?

Deuteronomio 32:16

La shachbeyic xut'et yo'tan ta scaj te yantic diosetic; la stijbeyic yilimba yu'un te bintic ilobtic sba.

Deuteronomio 32:21

La yaq'uic xut'etuc co'tan ta scaj te bin ma diosuc, la yaq'uic ilinuc co'tan ta scaj te loc'ombahetic yu'unique. Ha nix ya cac' xut'etuc yo'tanic ta scuenta mach'atic ma pueblohuc, ya cac' ilinuc yo'tanic ta scuenta jun nación te mayuc sp'ijil.

Deuteronomio 4:19

Soc ma me xatoy mohel asit ta ch'ulchan, te c'alal yac awil te c'ahc'al, u, eq'uetic, spisil te bintic ayic ta ch'ulchan, te ya yu'untaybat awo'tan, te yac aquejan aba ta stojolic soc te yac ach'uhuntay, como ta spisil ini te Jehová te Dios awu'un la yac'ticlambe spisil te nacionetic ta ye'tal te ch'ulchane.