Jeremías 7:17 - Bible in Tzeltal Bachajón

¹⁷ ¿Ma bal awilojuc te bintic ya spasic ta pueblohetic yu'un Judá soc ta callehetic ta Jerusalén?

Bible in Tzeltal de Oxchuc y Tenejapa

¹⁷ ¿Yu'un bal ma x'awil te bi ya spasic ta lumetic ta Judá soc ta calleetic ta Jerusalén?

Jeremías 7:17 ပူးပေါင်းရင်းမြစ်များ

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.

Jeremías 32:32

ta scaj spisil bintic chopol la spasic te snich'nab Israel soc snich'nab Judá te la shachbonic quilimba a, ha te ajwaliletic, príncipaletic, sacerdotehetic, jalwanejetic yu'unic, spisil te winiquetic yu'un Judá soc te mach'atic nahinemic ta Jerusalén.

Jeremías 44:17

Ha ya jpascotic spisil te bintic calojcotic: ha te ya ca'becotic pom soc malbil mahtaniletic te ajwalil-ants yu'un ch'ulchan, hich te bin ut'il la jpascotic soc te la spasic te jme'jtatcotic, te ajwaliletic soc te príncipaletic cu'untcotic ta pueblohetic yu'un Judá soc ta callehetic ta Jerusalén. Ta hich ora ay bayel we'elil cu'untcotic, tse'el co'tantcotic soc mayuc bin chopol la jquilcotic.

Jeremías 44:4

Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Jeremías 44:6

Ha yu'un mal cohel ta stojolic te quilimba soc te sc'ahc'al co'tan, soc tihl ta stojol te pueblohetic yu'un Judá soc ta callehetic ta Jerusalén. Hich jihnic soc jochol hilic c'alal ora ini.

Jeremías 6:27

Ya cac'at te ha jtsahtaywanej ya xc'ohat ta stojol te pueblo cu'un, yu'un yac ana'be sba soc yac atsahtay te behetic yu'unic, xchi te Jehová.

Jeremías 7:16

Ha yu'un, Jeremías, ma xac'oponon yu'un te pueblo ini, ma me xhahchat ta aw yu'un yac ac'oponon, ma me xawalbon wocol yu'un, como ma ba ya ca'iybat ac'op.

Jeremías 7:18

Te al-nich'anetic ya stsobic tal si', te tatiletic ya stsunic c'ahc', te antsetic ya swots'ic harina yu'un spasbeyel tut panetic te ajwalil-ants yu'un ch'ulchan; soc ya ya'beyic malbil mahtaniletic yantic diosetic, yu'un ya shachbonic quilimba a.

Ezequiel 14:23

Ya me yaq'uic te ya xmuc'ub q'uinal awa'iyic te c'alal yac awilic te stalelic soc te ya'telique; hich me yac ana'ic a te ma tojoluc spisil te bintic la jcac' taluc ta stojol, xchi te Jehová, te Ajwalil.