Jeremías 7:14 - Bible in Tzeltal Bachajón

¹⁴ hich nix ya jpasbe te na ini te yich'beyejon te jbihile, te ha smuc'ulinej awo'tanic, te la jca'beyex soc te ame'atatique.

Bible in Tzeltal de Oxchuc y Tenejapa

¹⁴ Jich yu'un, jich nix te bit'il la jpasbey te ch'ul templo ta Silo, jich nix ya jpasbey in templo to te ac'bilon ta jwentae, te la cac'beyex te ja'ex soc te antiguo ame'-atatique, te ja' smuc'ulinej awo'tanique.

Jeremías 7:14 ပူးပေါင်းရင်းမြစ်များ

2 Reyes 25:9

La schic'be te sna Jehová, te sna ajwalil soc spisil te nahetic ta Jerusalén, spisil te snahic mach'atic ich'bilic ta muc'.

2 Crónicas 7:21

Te Na ini te c'ax t'ujbil ta ora ini, xcham yo'tanic yu'un spisil mach'atic ya xc'axic tey a, soc hich me ya yalic: ¿Bin yu'un hich la spas Jehová ta stojol te q'uinal soc ha'i Na ini? xchihic.

Salmos 78:60

Ha yu'un la yihquitay te nahilpac' templo ta Silo, te nahilpac' banti nahinem ta yohlil te ants-winiquetique.

Isaías 64:11

Te ch'ul awilal cu'uncotic te ay yutsil, te banti la yalbat yutsil ac'oblal te jme'jtatcotic, lajix ta c'ahq'uel, soc jihnemic spisil bintic mulantic sba cu'uncotique.

Jeremías 12:7

La jquihquitay hilel jna, la jloq'ues ta co'tan te bin a'boton quich'; la jcac' ta sc'ab scontratac te mach'a c'ux ta co'tan.

Jeremías 23:39

ha yu'un ya jch'ayex ta co'tan soc ya jbulex loq'uel ta jtojol, ha'ex soc te pueblo la jca'beyex soc te ame'atatique.

Jeremías 26:18

Te Miqueas te talem ta Moreset c'opoj ta sc'op-jalwanej te c'alal ay ta ajwalil yu'un Judá a te Ezequías, hich la yalbe spisil te pueblo yu'un Judá: Hich yaloj te Jehová te scuentahinej spisil: Te Sión ya yich' tuquel ta arado hich te bin ut'il q'uinal, te Jerusalén ya xc'atp'uj ta busul jinel soc te wits yu'un te templo ya xnoj ta pimil q'uinal, xchi.

Jeremías 26:4

Hich yac awalbe: Hich yaloj te Jehová: Teme ma ba yac awich'bonic ta cuenta soc ma ba yac at'unic te Ley cu'un te la jca'beyexe,

Jeremías 7:10

¿yu'un bal ya xtal atehc'an abahiquix ta jtojol li' ta jna ini te yich'beyejon te jbihile, te hich yac awalic: Libre ayotic, xchihex, yu'un yac apasulanic xan bahel spisil te bintic ilobtic sbahe?

Jeremías 7:12

Bahanic ta lugar cu'un ta Silo ta banti la jcac' te jbihil ta shahchibal, ilawilic bin la jpasbe ta scaj schopolil te Israel te pueblo cu'une.

Jeremías 7:4

Ma me smuc'ulin awo'tanic te lotil c'opetic ini, te hich ya yal: ¡Ha templo yu'un Jehová, ha templo yu'un Jehová, ha templo yu'un Jehová! te xchihe.

Lamentaciones 2:7

Te Cajwaltic la sp'aj te scajtajib ta chiq'uel mahtanil yu'un soc mayuc sc'oblal c'oht ta yo'tan te ch'ul awilal yu'une; la ya'be ta sc'ab scontra te spahc'ul te nahetic yu'un ajwalil; awonic ta sna Jehová hich te bin ut'il ta sc'ahc'alel q'uin.

Lamentaciones 4:1

¡Bin ut'il ihc'ub te oro! ¡Bin ut'il ch'ay yutsil st'ujbilal te oro! Puhquemic bahel ta xuhc' callehetic te tonetic yu'un te ch'ul awilal.

Ezequiel 23:31

La at'umbe sbe te awixe. Ha yu'un ya cac' ta ac'ab te vaso yu'une.

Ezequiel 24:21

Halbeya te sna Israel te hich yaloj te Jehová: Ya jbohlobtesbe sc'oblal te ch'ul awilal cu'un, te yutsilal te bin awipinejic, te bin ya smulan asitic soc te bin c'ux ta awo'tanique. Te ach'ix-queremetic awu'unic te la awihquitayic hilel, ya me xlajic ta espada.

Deuteronomio 12:5

Ya me xbahex ta lugar te ya stsa ta awohlilic te Jehová te Dios awu'unic te banti ya xnahin te sbihile; tey me ya xbahex a.

Deuteronomio 28:52

Ya me sjoytaylan ta ya'beyel guerra spisil te pueblohetic awu'un ha to c'alal ya xhemts'uj cohel ta spisil aq'uinal te ts'ahquetic te ha toyol soc te ay yipic, te ha smuc'ulinej awo'tan. Ya sjoytaylan ta ya'beyel guerra spisil te pueblohetic ayic ta aq'uinal te la ya'bat Jehová te Dios awu'une.