Jeremías 7:13 - Bible in Tzeltal Bachajón

¹³ Yo'tic, te bin ut'il hich apasojic spisil ini, xchi te Jehová, soc te bin ut'il la jc'oponlanex, pero ma ba la awa'iyic, soc la jquiq'uex, pero ma ba la ajac'bonic,

Bible in Tzeltal de Oxchuc y Tenejapa

¹³ Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Jeremías 7:13 ပူးပေါင်းရင်းမြစ်များ

Proverbios 1:24

Ho'on la jquiq'uex tal, pero ma ba la ac'an la awa'iyic; la jach jc'ab pero mayuc mach'a la yich'bon ta cuenta.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Isaías 65:12

ho'on ya cac' te ya xlajex ta espada, soc apisilic yac aquejan abahic ta stojol te lajele. Como la jquiq'uex, pero ma ba la ajac'bonic, c'opojon, pero ma ba la awa'iybonic; ha la apasic te bin chopol ta jtojol soc la atsahic te bin ma jmulan, xchi te Jehová.

Isaías 66:4

ha nix hich ya jtsahbe wocoletic yu'unic, soc ya jticon ta stojolic te bin ya xi'ique; como te c'alal la jquic', mayuc mach'a la sjac', c'opojon, mayuc mach'a la ya'iybon jc'op; ha la spasic te bin chopol ta jtojol soc la stsahic te bintic ma jmulan, xchi.

Jeremías 11:7

C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Jeremías 11:8

Pero ma ba la ya'iyic, ma ba la yich'ic ta cuenta; ha la st'unic bahel te bintic chopol la snop ta yo'tanic. Ha yu'un ya me cac' ta stojolic spisil bin ya yal te chapbil-c'op ini, ha te la jpas ta mandar te ya me sch'uhunic spasel, pero ma ba la spasic, xchi.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Jeremías 13:11

Como hich te bin ut'il ya sut' ta chuquel sch'uht te winic, hich la jcac' te ya sut' ta chuquel ta jtojol spisil te sna Israel soc spisil te sna Judá, scuenta yu'un ha pueblo cu'un ya xc'oht, scuenta yu'un ya ya'bon ta na'el te jbihil soc ya yich' halbeyel yutsil jc'oblal soc te ya x'ich'otic ta muc' a, pero ma ba la ya'iyic, xchi te Jehová.

Jeremías 25:3

C'alal ta yoxlajunebal (13) ha'bil te ay ta ajwalil yu'un Judá te Josías snich'an Amón c'alal ora yo'tic, ha oxeb scha'winic (23) ha'bil, talem ta jtojol te sc'op Jehová, soc spisil ora la jc'oponlanex, pero ma ba la awa'iyic.

Jeremías 26:5

teme ma ba yac awa'iybeyic sc'op te jalwanejetic, te a'batetic cu'un te bayel buelta la jticombeyex tal, te ma ba la awa'iybeyic te sc'opique,

Jeremías 29:19

Como ma ba la ya'iybonic jc'op, xchi te Jehová, te bayel buelta la jticombe ta scuenta te a'batetic cu'un, ha te jalwanejetique. Ha nix hichex, ma ba la awa'iybonic te jc'ope, xchi te Jehová.

Jeremías 32:33

La yac' spatic ta jtojol, ma ha'uc te yelawique. Aunque ta shahchibal to tal la jca'be snopic, ma ba la ya'iyic soc ma ba la sc'anic tojobtesel.

Jeremías 35:14

Ch'uhumbil te sc'op Jonadab snich'an Recab, te la spas ta mandar te snich'nab te ma me xyuch'ic vino, hich c'alal ora mayuc yuch'ojic vino, yu'un sch'uhumbeyejic smandar te state. Yan te ho'one, bayel buelta la jc'oponex, pero ma ba la awich'onic ta cuenta.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 44:23

Ta scaj te la achiq'uic pom soc la ata amulic ta stojol Jehová soc ma ba la ach'uhumbeyic sc'op te Jehová soc ma ba la at'unic te Ley o te mandariletic o te testigo-c'op yu'une, ha scuentahil te tal ta atojolic te bintic chopol ini, hich te bin ut'il ay c'alal ora ini, xchi.

Jeremías 44:4

Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Jeremías 5:21

A'iya awa'iyic ini, ha'ex pueblohex te sonsohex soc mayuc awo'tanic, te ay asitic, pero ma xawilic q'uinal, te ay achiquinic, pero ma xawa'iyic q'uinal.

Jeremías 6:10

¿Mach'a ya jc'opon soc ya jtsits, yu'un ya ya'iy? Macal schiquinic, ma xhu' ya ya'iyic c'op. Ya xq'uexawic yu'un te sc'op Jehová, mayuc yutsil yo'tanic yu'un.

Jeremías 7:25

c'alal bin ora loq'uic tal ta Egipto te ame'atatic c'alal yo'tic. Bayel buelta la jticonlambeyex spisil te a'batetic cu'un, ha te jalwanejetique.

Oseas 11:2

C'alal bayel la jquic', namal to xan la yac' sba ta jtojol. La ya'be chic'bil mahtaniletic te baaletic, soc la schic'beyic pom te loc'ombahetique.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Oseas 9:17

Ya xp'ajotic yu'un te Dios cu'un como ma ba la ya'iybeyic te sc'ope; xmelmon ya xbehenic ta nacionetic.

Zacarías 7:13

Hich la yal: Hich te bin ut'il c'alal la jcawtay, ma ba la ya'iyic, ha nix hich c'alal la yawtayon ma ba la jca'iy, xchi te Jehová te scuentahinej spisil,

San Mateo 23:37

¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!