Jeremías 7:10 - Bible in Tzeltal Bachajón

¹⁰ ¿yu'un bal ya xtal atehc'an abahiquix ta jtojol li' ta jna ini te yich'beyejon te jbihile, te hich yac awalic: Libre ayotic, xchihex, yu'un yac apasulanic xan bahel spisil te bintic ilobtic sbahe?

Bible in Tzeltal de Oxchuc y Tenejapa

¹⁰ Ja'uc me to, ta patil ya xtalex li' ta bay templo to, te ac'bilon ta jwenta, ya xtal atejc'an abaic ta jtojol. Yu'un ya acuyic te lec ayex ta ac'opic a, te jich nix ya apasulayic bael in bitic to te ma sts'ijq'uix cu'une.

Jeremías 7:10 ပူးပေါင်းရင်းမြစ်များ

1 Reyes 9:3

Hich halbot yu'un te Jehová: La jca'iybatix ac'op soc te bin la awalbon wocol ta jtojol. La jch'ultesix te Na te ha'at la apas scuenta yu'un tey ya x'ayin spisil ora a te jbihile. Tey ya cac' jsit soc co'tan ta spisil ora a.

2 Reyes 21:4

Soc la spasticlan scajtajib ta chiq'uel mahtaniletic ta sna Jehová te hich yalbeyej sc'oblal te Jehová: Ya cac' jbihil ta Jerusalén, te xchihe.

2 Crónicas 33:4

Soc la spas scajtajib ta chiq'uel mahtaniletic yu'un loc'ombahetic ta sna Jehová, te hich halbot sc'oblal yu'un Jehová: Stalel me ya x'ayin te jbihil ta Jerusalén, te xchihe.

2 Crónicas 33:7

Soc la yac' ta sna Dios te loc'omba te ha nix spasoj, te hich halbot sc'oblal yu'un Dios te David soc Salomón te snich'an: Ta Na ini soc ta Jerusalén, te tsahbil cu'un ta yohlil spisil ta chahp sts'umbal Israel, tey ya cac' ayinuc a te jbihil sbahtel q'uinal.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Isaías 48:2

Pero yac awalic te ha alumalic te ch'ul pueblo soc te smuc'ulinej awo'tanic te Dios yu'un Israel, te ha sbihil te Jehová te scuentahinej spisil.

Jeremías 32:34

La yaq'uic bintic ilobtic sba ta na te yich'oj te jbihile, hich la sbohlobtesbeyic sc'oblal.

Jeremías 34:15

Yo'tic la asuhtes awo'tanic, la apasic te bin toj ta jtojol, jujutuhlex la awaq'uic ta libre te alumalique; la achap ac'opic ta jtojol ta na banti ya yich' halel te jbihile.

Jeremías 44:9

¿Ch'ay balix ta awo'tanic te bintic chopol la spasic te ame'atatic, te bintic chopol la spasic te ajwaliletic yu'un Judá soc te yihnamic, soc te bintic chopol la apasic te ha'ex soc awihnamic ta sq'uinal Judá soc ta callehetic yu'un Jerusalén?

Jeremías 7:11

¿Ha bal ch'en yu'un j'eleq'uetic ta atojolic te na ini te yich'beyejon te jbihile? Ho'on quilojix, xchi te Jehová.

Jeremías 7:14

hich nix ya jpasbe te na ini te yich'beyejon te jbihile, te ha smuc'ulinej awo'tanic, te la jca'beyex soc te ame'atatique.

Jeremías 7:30

Como te swinquilel Judá spasojic te bin chopol ta jtojol, xchi te Jehová; la yaq'uic te bintic ilobtic sba ta na te yich'oj te jbihile, la sbohlobtesbeyic sc'oblal.

Ezequiel 20:39

Soc te ha'ex, snahex Israel, hich yaloj te Jehová: ¡Jujutuhlex, t'unahic te loc'ombahetic awu'unic yu'un yac awac' abahic ta stojolic, teme ma xac'an yac ach'uhumbonic te jc'ope; pero ma me ba yac abohlobtesbeyiquix sc'oblal te jch'ul bihil ta scuenta te mahtaniletic soc te loc'ombahetic awu'unique!

Ezequiel 23:29

Ya me yil-o'tantayat soc ya me yich'bat spisil te sit awa'tel; ya me swahtanat hilel, soc ya me xchicnaj te sbohlil te antsinel awu'un, te bin chopol la amulan soc te la awac' aba ta antsinele.

Ezequiel 23:37

Como la yac' sbahic ta antsinel soc ay ch'ich' ta sc'abic. La yac' sbahic ta antsinel soc te loc'ombahetic yu'unic, soc la yaq'uic c'axuc ta c'ahc' ta chiq'uel te yal-snich'nabic te la yalatayic ta jcuenta.

Ezequiel 23:39

Te c'alal la yaq'uic ta milbil mahtaniletic te yal-snich'nabic ta stojol te loc'ombahetic yu'unic, ha nix yorahil a ochic talel ta ch'ul awilal cu'un, hich la sbohlobtesbeyic sc'oblal. ¡Hich la spasic ta jna!

Ezequiel 33:25

Ha yu'un hich xawalbeyic: Hich yaloj te Jehová, te Ajwalil: Yac ati'ic ti'bal soc sch'ich'el, soc yac awil mohel te loc'ombahetic awu'unic soc yac amalic ch'ich', ¿yu'un bal yac awu'untayic te q'uinale?

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

Ezequiel 5:11

Ha yu'un, cuxulon, xchi te Jehová, te Ajwalil, te bin ut'il la abohlobtesbonic sc'oblal te ch'ul awilal cu'un ta scuenta spisil te bintic ilobtic sba awu'un, ha nix hich ya me jlajinat; ma ba ya jpasbat perdón, ma ba ya jna'bat yo'bolil aba.

Daniel 9:18

Ac'a achiquin a, Dios cu'un, a'iya awa'iy; jama asit, ilawil te jinel cu'uncotic soc te muc'ul pueblo te yich'oj te abihile. Ma yu'unuc te ay bin ya jc'ambatcotic ta scaj te toj bin ya jpascotic, pero ta scaj bayel sc'uxul awo'tan.

Oseas 6:9

Hich te bin ut'il j'eleq'uetic ya smacliyic jtuhl winic, hich ya spas jchahp sacerdotehetic, ya xmilawanic soc ya spasic bintic ilobtic sba ta be te ya xbaht ta Siquem.

Amós 4:5

Ac'a pan te yich'oj levadura scuenta mahtanil ta yalel wocol, soc pucbeyahic ta bayuc sc'oblal te mahtaniletic te sc'anojel awo'tan yac awaq'uique, como hich yac ac'anic, snich'nabex Israel, xchi te Jehová, te Ajwalil.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Malaquías 3:15

Quilojtic te tse'el yo'tanic te jtoybahetic, soc te ma ha'uc nax lec ya xc'ohtic te mach'atic chopol ya'telic, ha ya yilbeyic yo'tan Dios, pero mayuc bin ya xpasbotic yu'un, xchihex.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

San Juan 18:28

La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.