Jeremías 6:8 - Bible in Tzeltal Bachajón

⁸ Tojobtesa aba, Jerusalén, scuenta yu'un ma ba ya quihquitayat, scuenta yu'un ma ba ya jsutp'inat ta jochol taquin q'uinal, ta q'uinal te mayuc yajwal, xchi.

Bible in Tzeltal de Oxchuc y Tenejapa

⁸ Tojtesa aba ta lec, Jerusalén. Teme ma jichuc ya apase, ma me lecuc co'tan yu'un, ya me jq'uej jba bael ta atojol. Ya me jc'atp'unat ta jochol taquin q'uinal; ma me ayuc ants-winiquetic ya quijq'uitaybat —xi' te Cajwaltique.

Jeremías 6:8 ပူးပေါင်းရင်းမြစ်များ

Salmos 2:10

Ha yu'un, ajwalilex, p'ijanic me; ich'ahic ta cuenta te tsitsel, jcuentahinwanejex ta q'uinal.

Salmos 50:17

Yac ap'aj te tojobtesel cu'un soc yac awac' ta apat te jc'ope.

Salmos 94:12

Bayel yutsil te mach'a ha'at yac atojobtes, Jehová, te yac ap'ijubtes ta scuenta te Ley awu'une

Proverbios 19:20

A'iya awa'iy te bin ya x'a'botat ana' soc ich'a te tojobtesel, hich me p'ij ya xc'ohat te jayeb xan c'ahc'al cuxulat.

Proverbios 4:13

Tsaca te nohptesel, ma me xacoltay; canantaya ta lec, como ha acuxlejal.

Jeremías 17:23

Pero ma ba la ya'iyic, ma ba la yac' schiquinic a; la stulanijtes yo'tanic yu'un te ma ba ya ya'iyic soc ma ba ya yich'ic tojobtesel.

Jeremías 2:15

Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.

Jeremías 31:19

C'alal la jpitix jba, la jsuhtes co'tan; c'alal la jna'ix te ay jmul, la jmajulan jtahn yu'un. Q'uexawon soc pehc'ajon, como la jcuch te q'uexlal yu'un te jqueremil, xchi.

Jeremías 32:33

La yac' spatic ta jtojol, ma ha'uc te yelawique. Aunque ta shahchibal to tal la jca'be snopic, ma ba la ya'iyic soc ma ba la sc'anic tojobtesel.

Jeremías 4:14

Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Jeremías 7:28

Ha yu'un hich yac awalbe: Ha te nación ini te ma ba la sch'uhumbeyic sc'op te Jehová te Dios yu'une, ma ba la sc'anic tojobtesel; ch'ayix te smelelil c'op, loq'uesbilix ta yehic, xchihat me.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Ezequiel 23:18

Hich la yac' chicnajuc te antsinel yu'un soc te la swahtan sba, ha yu'un la jp'aj ho'on, hich te bin ut'il la jp'ajbe te swixe.

Oseas 2:5

Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.

Oseas 9:12

Teme ay ya xmuc'ub te yal-snich'nabic, ya jloq'ues ta yohlilic. ¡Ay me swocolic te c'alal ya xloc'on bahel ta stojolic!

Levítico 26:34

Hich te lumq'uinal tse'el yo'tan ya scux yo'tan te jayeb c'ahc'al jimbil ya xhil, te c'alal ayex ta sq'uinal a te acontrahique; hich ya scux yo'tan te lumq'uinal soc buen tse'el yo'tan yu'un te jayeb c'ahc'al ya scux yo'tan.

Sofonías 3:7

Hich la jcal: Ya me xi'on, ya me yich' tojobtesel, xchihon, hich ma ba ya yich' jinel te banti nahinem te bin ora ya xtalon ta stojol. Pero la suj sbahic ta sjinel spisil te ya'telique.

Deuteronomio 32:29

¡Te ayuc sp'ijilic, te yacuc xc'oht ta yo'tanic ini, te yacuc sna'ic banti ya xc'ohtic ta loq'uel!