Jeremías 6:5 - Bible in Tzeltal Bachajón

⁵ ¡Hahchanic, ochucotic ta ahc'abal, jimbetic sna ajwaliletic yu'unic! xchihic.

Bible in Tzeltal de Oxchuc y Tenejapa

⁵ Jich yu'un ac'a cac'beytic guerra ta ajc'ubal soc ya jinbeytic te toyol sts'ajq'uetic yu'une —xiic.

Jeremías 6:5 ပူးပေါင်းရင်းမြစ်များ

2 Crónicas 36:19

La schiq'uic te sna Dios, la sjinic te sts'ahcul te Jerusalén, la schiq'uic spisil te muc'ul t'ujbil nahetic tey a soc la sjinticlanic spisil te bintic bayel sc'oblale.

Salmos 48:3

Ta nahetic yu'un ajwalil Dios la yac' sba ta na'el te ha ahnibal stuquel.

Isaías 32:14

Como ya x'ihquitayot te sna ajwalil, jochol ya xhil te pueblo te bayel yajwal, te toyol ilo-q'uinaletic soc te joyob ts'ahquetic ya sutp'ijic ta ch'entiquil ta spisil ora, te banti jun yo'tan ya xnahinic te ha'mal burrohetic soc te ya sta swe'elic te chambahlametic,

Jeremías 17:27

Yan teme ma ba yac ach'uhumbonic jc'op ta sch'ultesel te sc'ahc'alel cux-o'tan, te yac awich'ic ochel tal ihcatsil ta ochibaletic yu'un Jerusalén ta sc'ahc'alel cux-o'tan, ya ca'be sc'ahc'al te ochibaletic yu'un te ya slajinlan te muc'ul nahetic yu'un Jerusalén, mayuc mach'a ya xhu' yu'un stup'el, xchi.

Jeremías 52:13

La schic' te sna Jehová, te sna te ajwalil soc spisil te nahetic ta Jerusalén. La slajin ta c'ahc' spisil te muc'ul nahetic te ay sc'oblalique.

Jeremías 52:7

la yich' jamel te sts'ahcul te pueblo, spisil te soldadohetic loq'uic ta ahnel. Ta ahc'abal loq'uic bahel ta pueblo ta ochibal te ay ta yohlil te cheb ts'ahc te nopol ayic ta ts'umbil nichimetic yu'un te ajwalile, bahtic ta sbehlal Arabá, aunque joytaybil yu'un te caldeohetic te pueblohe.

Jeremías 9:21

como te lajel mohemix tal ta ventanahetic cu'untic soc ochemix talel ta nahetic yu'un ajwalil cu'untic, yu'un ya slajinlan te alaletic ta callehetic soc te jcolel queremetic ta plazahetic.

Oseas 8:14

Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Amós 2:5

Ha yu'un ya ca'be sc'ahc'al te Judá, ha ya slajinlan te tulan ts'ahquetic yu'un Jerusalén, xchi.

Abdías 1:1

Te snahalsit Abdías. Hich yaloj te Jehová te Ajwalil sc'oblal Edom. Ca'iybeyejtic te sc'op Jehová, ticombil jal-c'op ta stojol te nacionetic, hich ya yal: ¡Hahchucotic! ya ca'betic guerra te pueblo ini, xchi.

Zacarías 11:1

¡Líbano, jama te ochibaletic awu'un, ac'a lajuc ta c'ahc' te cedrohetic awu'une!