Jeremías 52:9 - Bible in Tzeltal Bachajón

⁹ La stsaquic te ajwalil, la yiq'uic bahel ta stojol te ajwalil yu'un Babilonia te ay ta Ribla, ta sq'uinal Hamat, te banti halbot bin ya xpasbot.

Bible in Tzeltal de Oxchuc y Tenejapa

⁹ Te caldeoetic la xchuquic te muc' ajwalil Sedequías, la yiq'uic bael ta stojol te muc' ajwalil yu'un Babilonia te ay ta lum Ribla, ta sq'uinal Hamat. Te Nabucodonosor la yal mandal ta ac'beyel castigo te Sedequías.

Jeremías 52:9 ပူးပေါင်းရင်းမြစ်များ

1 Reyes 8:65

Ta hich ora te Salomón la spas q'uin soc spisil Israel, mero bayel talemic c'alal ta yochibal Hamat ha to ta uc'um yu'un Egipto, la spasic q'uin ta stojol Jehová te Dios cu'untic scuenta huqueb c'ahc'al, soc huqueb xan c'ahc'al, ha chanlajuneb (14) c'ahc'al te q'uine.

2 Reyes 23:33

Te faraón Necao la yotses ta cárcel te Joacaz ta Ribla ta sq'uinal Hamat scuenta yu'un hich ma x'a'tej ta ajwalil ta Jerusalén a. Soc te Necao la ya'be stoj Judá ho'winic (100) talento plata soc jun talento oro.

2 Reyes 25:6

Chucul a te ajwalil la yiq'uic bahel ta stojol te ajwalil yu'un Babilonia ta Ribla, tey la yich' halbeyel te bin castigo ya xc'oht ta scuenta.

2 Crónicas 33:11

Ha scuentahil te Jehová la yic' tal te jtsobawetic yu'un te soldadohetic yu'un te ajwalil ta Asiria. La schuquic bahel te Manasés ta gancho ta sni' soc ta cadenahetic pasbilic ta bronce, la yiq'uic bahel ta Babilonia.

2 Crónicas 8:3

Ta patil, te Salomón baht ta Hamat-Soba, la yu'untay.

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.

Jeremías 39:5

Pero te soldadohetic yu'un te caldeohetic la snutsic bahel, la stahic te Sedequías ta spamlej yu'un Jericó. La stsaquic, la yiq'uic bahel ta Ribla ta sq'uinal Hamat ta stojol te Nabucodonosor ajwalil yu'un Babilonia, te la yal bin ya xpasbot.

Lamentaciones 4:20

Och ta yaquil te mach'a tsahbil yu'un Jehová, ha te mach'a cuxulotic ta scuenta, ha te mach'a hich la jcalbetic sc'oblal: Ya xcuxajotic ta yaxinal ta yohlil te nacionetic, te xchihotique.

Ezequiel 11:10

Ya me xlajex ta espada; ya ca'beyex castigo ta sti'il sq'uinal Israel. Ya me ana'ic te ho'on Jehovahon.

Ezequiel 23:24

Ya xtal scontrahinat soc chahpalchahp carretahetic, soc bayel winiquetic; ya xtal sjoytayat ta bayuc soc muc' soc tut mahquilaletic soc smahquil jolaletic. Ho'on ya ca'be ta scuentahic te ya schahpanat, ta scuenta te leyetic yu'unic ya schahpanat.

Números 13:21

Hich mohic bahel soc la stsahtayic te q'uinal c'alal ta jochol taquin q'uinal Zin ha to ta Rehob, ta nopol yochibal Hamat.

Números 34:11

ya xco bahel ta Sefam c'alal ta Ribla, te ay ta stojol banti ya xloc' tal c'ahc'al yu'un Aín, tey ya xco bahel ta stojol banti ya xloc' tal c'ahc'al yu'un te mar Cineret;

Josué 13:5

te sq'uinal te gibletic, soc spisil te Líbano ta stojol banti ya xloc' tal c'ahc'al, c'alal ta Baal-gad te ay ta ye'tal wits Hermón, ha to c'alal ta yochibal Hamat.