Jeremías 52:4 - Bible in Tzeltal Bachajón

⁴ Ta slajunebal c'ahc'al yu'un te slajunebal u, ta sbalunebal ha'bil yochel ta ajwalil a te Sedequías, te ajwalil Nabucodonosor tal soc spisil soldadohetic yu'un ta Jerusalén, soc la sjoytayic. La sbut'ic mohel lum ta spat ts'ahc ta sjoyobal.

Bible in Tzeltal de Oxchuc y Tenejapa

⁴ Ta slajunebal c'aal sjajch'el a te slajunebal u, ta sbalunebal ja'wil yat'el ta ajwalil a te Sedequías, te muc' ajwalil Nabucodonosor talic soc spisil soldadoetic yu'un ta Jerusalén. La sjoytayic, la spuc sbaic ta sjoyobal. La sbut'ic moel lum ta pat sts'ajc', swenta yu'un ya yac'beyic guerra.

Jeremías 52:4 ပူးပေါင်းရင်းမြစ်များ

Isaías 29:3

Ya joytayat ta contrahinel; ya joytayat ta mohibal ts'ahc soc ya jach mohibal te' ta acontra.

Jeremías 21:2

Joc'obeya te Jehová ta jcuentacotic, como te Nabucodonosor ajwalil yu'un Babilonia yac ya'belotic guerra. Te Jehová ya wan spasbotic jchahp a'teliletic yu'un, te hich ya yihquitayotic hilel, xchihic.

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

Jeremías 34:1

Ha te sc'op Jehová te tal ta stojol Jeremías c'alal la ya'beyic guerra te Jerusalén te Nabucodonosor ajwalil yu'un Babilonia soc spisil te soldadohetic yu'un, spisil te nacionetic te cuentahimbilic yu'un soc spisil te pueblohetic yu'un, hich la yal:

Jeremías 39:1

Ta slajunebal u yu'un te sbalunebal ha'bil yochel ta ajwalil yu'un Judá a te Sedequías, te Nabucodonosor ajwalil yu'un Babilonia soc spisil te soldadohetic yu'un la sjoytayic ta guerra te Jerusalén.

Jeremías 4:17

Ha ya sjoytayic hich te bin ut'il mach'atic ya scanantayic q'uinal, como la stoy sba ta jtojol, xchi te Jehová.

Jeremías 52:7

la yich' jamel te sts'ahcul te pueblo, spisil te soldadohetic loq'uic ta ahnel. Ta ahc'abal loq'uic bahel ta pueblo ta ochibal te ay ta yohlil te cheb ts'ahc te nopol ayic ta ts'umbil nichimetic yu'un te ajwalile, bahtic ta sbehlal Arabá, aunque joytaybil yu'un te caldeohetic te pueblohe.

Ezequiel 21:22

Te jna'ojel la yac' ta na'el te swa'el-c'ab, ha te Jerusalén, yu'un ya yal mandar te ya me xhahch ya'be guerra, yu'un ya xhahch te miltamba, yu'un ya xtohy aw yu'un guerra, yu'un ya schahpan a'tejibaletic yu'un sjinel te ochibaletic, yu'un ya spas mohel but'bil lum soc smohibaletic te sts'ahcule.

Ezequiel 21:27

¡Jimbilix, jimbilix, jimbilix ya xc'oht cu'un, ma hichuc ya xc'oht ta pasel ha to c'alal ya xtal te mach'a ha nix ay ta scuenta, ho'on ya ca'be ta sc'ab! xchi.

Ezequiel 26:8

Ya me smilbat ta espada te tut pueblohetic awu'un te ayic ta aq'uinal; ya schahpan toyol mohibaletic yu'un guerra, ya sbusambat lum scuenta smohibal te ts'ahc awu'une; soc ya scontrahinat soc bayel mahquilaletic yu'un guerra.

Ezequiel 33:21

Ta yo'ebal c'ahc'al ta slajunebal u yu'un te slahchayebal (12) ha'bil te ac'otic bahel ta chuquel, tal ta jtojol jtuhl winic te ahn loq'uel ta Jerusalén, hich la yalbon: ¡Tsalbilix te pueblo! xchi.

Ezequiel 40:1

Ta yo'ebal scha'winic (25) ha'bil te ayotic ta chuquel a, ta shahchel te ha'bil, ta slajunebal c'ahc'al yu'un te u, ta schanlajunebal (14) ha'bil a te tsalot te muc'ul pueblo, ha nix ta sc'ahc'alel a te la yac' tal sc'ab ta jtojol te Jehová, la yic'on bahel tey a.

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

Zacarías 8:19

Hich yaloj te Jehová te scuentahinej spisil: Te scomel we'elil ta schanebal u, ta yo'ebal, shuquebal soc ta slajunebal u, ya xc'atp'uj ta tse'el-o'tanil soc yutsil-o'tanil, soc ta muc'ul q'uinetic yu'un te sna Judá. Ha yu'un c'uxuc ta awo'tanic te bin smelelil soc te lamal q'uinale.

San Lucas 19:43

Ya me sta yorahil te ya xtalat ta joytayel yu'un acontrahic, buen macbil ta bayuc ya xc'ohat yu'unic;

San Lucas 21:20

Pero te c'alal yac awilic te joytaybilix yu'un soldadohetic te Jerusalén, na'ahic me te la stahix yorahil te ya yich' jinel.