Jeremías 51:53 - Bible in Tzeltal Bachajón

⁵³ Aunque ya xmo bahel c'alal ta ch'ulchan te Babilonia soc te ya ya'be xan yip te ahnibal yu'un te ay ta toyol, ya jticon bahel jlajinwanejetic ta stojol, xchi te Jehová.

Bible in Tzeltal de Oxchuc y Tenejapa

⁵³ Manchuc me c'alal ta yolil ch'ulchan c'oem te Babilonia swenta yu'un toyol me ya xc'ot te tulanil anjibal ts'ajc' yu'une, ya me jticun bael ta jinel yu'un te scontrotaque. Jo'on Ajwalilon, jich ya cal —xi'.

Jeremías 51:53 ပူးပေါင်းရင်းမြစ်များ

Génesis 11:4

Patil la yalic: Conic, jpastic muc'ul pueblo soc muc'ul toyol ts'ahc te ya xc'oht c'alal ta ch'ulchan; hich muc' ya xc'oht jc'oblaltic soc hich ma ba ya xpuhcotic bahel ta sba te bahlumilal, xchihic.

Job 20:6

Aunque ya xtohy mohel ta ch'ulchan te stoybahil soc te ya sta te tocal te sjole,

Isaías 13:17

Ilawil, ya jtijbe yo'tanic te medohetic yu'un ya scontrahinic, ha te mach'atic te mayuc sc'oblal yu'unic te plata soc ma xbic'taj yo'tanic yu'un oro.

Isaías 41:25

Ay mach'a la jtij hahchel ta stojol norte, ya me xtal; ta stojol sloq'uib c'ahc'al ya sc'oponon ta jbihil. Ya sts'o' ta teq'uel ajwaliletic hich te bin ut'il ahch'al, hich te bin ut'il te jpac'ojom ya sts'o' ta teq'uel ahch'al.

Isaías 47:5

Hich ya yal: Huhcana aba, ch'aban, ochan ta yihc'al q'uinal, yantsil-nich'anat te caldeohetic, yu'un ma ba hich ya xhalotix ac'oblal: ajwalil-antsat yu'un nacionetic, ma xchihuc ac'oblal.

Isaías 47:7

Hich la awal: Sbahtel q'uinal ajwalil-antson, xchihat, pero ma ba la ana' ini ma ba la anop bin ut'il ya xc'ohat ta loq'uel.

Jeremías 49:16

Ha la slo'loyat te atoybahil soc te stoybahil te awo'tane. Ha'at te nahinemat ta c'ubul tontiquil, te ha awu'un te stoyolil te witsiltic, aunque toyol yac apas apechech hich te bin ut'il muc'ul jxic, tey ya jcohtesat a, xchi te Jehová.

Jeremías 50:21

¡A'beyahic guerra te Merataim, soc te mach'atic nahinemic ta Pecod! Milticlana, jc'axel lajinlana, xchi te Jehová, pasa spisil te bintic la jcalbat ta mandar.

Jeremías 50:25

Te Jehová la sjambe yawil te a'tejibaletic yu'un guerra, la sloq'ues tal te a'tejibaletic yu'un te yilimba, como te Jehová te Dios te scuentahinej spisil ay ya'tel te ya spas ta sq'uinal te caldeohetique.

Jeremías 50:45

Ha yu'un a'iya awa'iyic te bin schapoj te Jehová ta stojol Babilonia, te bin snopoj te ya spasbe te mach'atic nahinemic ta Temán. Ya me stasic bahel te tut tuminchijetic yu'un te jtsohb tuminchijetic, pajal ya slajinic soc te yaxal aquiltic yu'unique.

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Jeremías 51:25

Jcontrahinejat, ha'at jinaw witsat, xchi te Jehová, ha'at te la ajin spisil te q'uinale. Ya jach jc'ab ta scontrahinelat, ya jtselat cohel ta tontiquil, soc ya jc'atp'unat ta c'ahq'uem wits.

Jeremías 51:48

Te ch'ulchan soc te bahlumilal soc spisil te bintic ay tey a ya me x'awonic soc yutsil yo'tanic yu'un te Babilonia, como ya xtal ta norte jinawetic te ya scontrahinic, xchi te Jehová.

Jeremías 51:56

Como ya xtal jinaw ta stojol Babilonia, ya yich'ic tsaquel te soldadohetic yu'un, soc ya yich' wac'ticlanel te t'ihmalte'etic yu'une. Como te Jehová, te Dios te ya ya'be stoj jujutuhl, ya me ya'be stoj.

Jeremías 51:58

Hich ya yal te Jehová te scuentahinej spisil: Te pimil ts'ahc yu'un Babilonia jc'axel ya yich' jinel soc ya xlajic ta c'ahc' te toyol ochibaletic yu'une. Tojol a'tejic te pueblohetic, tojol luhbic te nacionetic, yu'un ya xlaj ta c'ahq'uel spisil, xchi.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

Amós 9:2

Aunque ya sjoq'uic c'alal ta stsobojibal mach'atic chamenic, tey ya jtsacticlan ta jc'ab a; aunque ya xmohic bahel c'alal ta ch'ulchan, tey ya jcohtes tal a.

Amós 9:4

Teme ya x'ic'otic bahel ta chuquel yu'un te scontratac, tey ya jticon bahel a te espada te ya xmilotic yu'un. Ya cac' jsit ta stojolic yu'un ya jpasbe te bin ma lecuc, ma ha'uc te bin leque.

Habacuc 2:9

Obol sba te mach'a ma stojiluc ya sta te bin ya xtuhun yu'un ta sna, yu'un toyol ya yac' spechech, yu'un ma xtahot yu'un te bin chopole.