Jeremías 51:5 - Bible in Tzeltal Bachajón5 Como te Israel soc te Judá ma ba ihquitaybilic yu'un te Dios yu'unic, te Jehová te scuentahinej spisil, aunque noj ta mulil te sq'uinalic ta scontrahinel te Ch'ul Dios yu'un Israel. အခန်းကိုကြည့်ပါ။Bible in Tzeltal de Oxchuc y Tenejapa5 Te Israel soc Judá, manchuc me staoj smulic ta jtojol, soc teme nojel ta mulil yu'unic te slumale, ma ba pijt'esbilic cu'un, jo'on Ajwalilon, te Spisil ya xju' cu'une, te Ch'ul Dioson yu'un Israel. အခန်းကိုကြည့်ပါ။ |
Aunque ayotcotic ta mosohil, ma ba spihtesejotic ta yo'tan te Dios cu'uncotic ta banti ayotic ta mosohil, ha la yac' te sc'uxul yo'tan ta jtojolcotic ta stojol te ajwaliletic yu'un Persia; la ya'botcotic xan yip co'tancotic ta scha'pasel xan te sna te Dios cu'uncotic soc ta scha'pasel te banti jihnem soc la scoltayotcotic yu'un jcontracotic ta Judá soc ta Jerusalén.
Ta hich ora ya cac' te hich ya xc'ohtic te jtsobawetic yu'un Judá te bin ut'il yawil c'ahc' ta yohlil busul si', soc hich te bin ut'il tsumbil c'ahc' ta yohlil tombil trigo. Ya slajinlan ta wa'el soc ta q'uexam spisil te nacionetic ta sjoyobal, pero te mach'atic nahinemic ta Jerusalén ya xnahinic yan buelta ta mero slumalic.