Jeremías 51:16 - Bible in Tzeltal Bachajón

¹⁶ Ta scuenta te sc'op tulan ya xc'opoj ha'etic ta ch'ulchan yu'un, ha ya yac' mohuc bahel tocal c'alal ta sti'il bahlumilal. Ya yac' tihluc tsantsehwaletic ta yohlil te ha'al soc ya sloq'ues tal ic' ta banti q'uejbil yu'une.

Bible in Tzeltal de Oxchuc y Tenejapa

¹⁶ Ta swenta sc'op chawuc ya xc'opoj te ja' ay ta ch'ulchane; ya yac' xmo tel tocal c'alal ta sti'il balumilal; ya yac' xlem te tsantsewaletic ta yolil te ja'ale; ya sloq'ues tel ic' te bay q'uejbil yu'une.

Jeremías 51:16 ပူးပေါင်းရင်းမြစ်များ

Génesis 8:1

Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

Job 37:13

Hich ya spas ta scuenta castigo, o ta scuenta te q'uinal, o ta scuenta sc'uxul yo'tan.

Job 38:22

¿Ay bal ochemat c'alal ta sq'uejojibal te me'sic, awiloj bal te sq'uejojibal te bat

Job 40:9

¿Ay bal ac'ab hich te bin ut'il ay yu'un Dios? ¿Ya bal at'omtes ac'op hich te bin ut'il ya xc'opoje?

Salmos 104:7

La awut, hich ahnic bahel, c'alal la ya'iybat te chahwuc awu'un ora ahnic bahel;

Salmos 135:7

Ya shach tal tocaletic c'alal ta sti'il bahlumilal; ya sticon tal te tsantsehwaletic soc te ha'al, soc ya sloq'ues tal te ic' ta stsobojibal.

Salmos 147:18

Ya sticon tal sc'op, hich ya x'uhl; ya yac' behenuc te ic' yu'un, hich ya x'oquin te ha'etique.

Salmos 18:13

La st'ohmtes chahwuc ta ch'ulchan te Jehová; chicnaj sc'op te Mach'a toyol ay; ay batetic soc ac'aletic te stsacojic c'ahc'.

Salmos 46:6

Ya x'awonic te nacionetic, ya xnihquic ban c'alal scuentahinejic; tulan c'opoj te Diose, uhl bahel yu'un te q'uinale.

Salmos 68:33

ha te mach'a mohem ta cawu yac ta behel ta ch'ulchan te stalel ay ta namey! Ya yac' chicnajuc te sc'op, ha te sc'op te bayel yipe.

Salmos 78:26

Ta ch'ulchan la yac' bahel te ic' ya xtal ta stojol banti ya xloc' tal c'ahc'al, soc ta scuenta yu'el la yic' tal ic' ta stojol sur,

Éxodo 10:13

Hich te Moisés la stoy mohel te snahbate' ta stojol te sq'uinal Egipto; te Jehová la yac' tal ic' ta banti ya xloc' tal c'ahc'al ta sjunal c'ahc'al soc sjunal ahc'abal. Te c'alal sacub q'uinal, te ic' la yic' tal te c'ulubetique.

Éxodo 10:19

Ha yu'un te Jehová la yac' tal mero tulan ic' ta stojol banti ya xmahl c'ahc'al te la yic' bahel te c'ulubetic, la yac'ticlan ochel ta Mar Rojo; ma ba hil jcohtuc c'ulub ta spahmal sq'uinal Egipto.

Éxodo 14:21

Te Moisés la stoy sc'ab ta stojol te mar, te Jehová la yac' tal tulan ic' sjunal ahc'abal ta stojol banti ya xloc' tal c'ahc'al; hich la sjam sba te ha' soc taquij te slumile.

Ezequiel 10:5

Te sc'op te xiq'uic te querubinetic chican c'alal ta shahchibal amac', hich te bin ut'il sc'op te Dios te c'alal ya xc'opoje.

Amós 9:7

Snich'nabex Israel, ¿Ma bal hichuc ayex ta jtojol te bin ut'il te etiopiahetic? xchi te Jehová. ¿Ma bal lajuc quic' loq'uel tal te Israel ta sq'uinal Egipto, te filisteohetic ta Caftor, soc te arameohetic ta Kir?

Jonás 1:4

Pero te Jehová la yac' hahchuc tulan ic' ta mar, c'ax tulan te yic'al ha'al ta mar, c'an jatuc te barco yu'un.

Jonás 4:8

C'alal loc' tal te c'ahc'ale, Dios la yac' taluc q'uixin ic' ta stojol banti ya xloc' tal c'ahc'al. Chic'bot sjol te Jonás yu'un te c'ahc'ale, laj yip yu'un. Ya sc'an ya xcham, hich la yal: Ha lec te yacuc xchamon te bin ut'il cuxulon, xchi.