Jeremías 51:1 - Bible in Tzeltal Bachajón

¹ Hich yaloj te Jehová: Ya jach jlajinwanej ic' ta stojol Babilonia soc ta stojol te mach'atic ya scontrahinonic.

Bible in Tzeltal de Oxchuc y Tenejapa

¹ Te Cajwaltic jich ya yal: —Ya jticun tel jinawanej ic' ta stojol Babilonia soc te caldeoetique.

Jeremías 51:1 ပူးပေါင်းရင်းမြစ်များ

2 Reyes 19:7

Ilawil, ho'on ya ca'be jun espíritu, ya me ya'iy c'opetic, hich ya suht bahel ta slumal, tey ya cac' lajuc ta espada a, xchi te Jehová, xchi.

Salmos 137:8

Yal-snich'anat Babilonia, te yac awich' jinel, bayel me yutsil te mach'a ya ya'bat atoj te bintic la apasbotcotique.

Isaías 13:13

Yu'un ya cac' ya xnihc te ch'ulchan, soc te bahlumilal ya me xyanij yawil ta scuenta yilimba te Jehová te scuentahinej spisil ta yorahil te sc'ahc'al yilimba.

Isaías 14:14

ya xmohon bahel ta stoyolil tocal, pajal ya xc'ohon soc te Mach'a Mero Toyol, xchihat.

Isaías 21:1

Ha te sc'op jalwanej ta stojol te jochol taquin q'uinal ta stojol mar: Hich te bin ut'il sutu-ic' te ya xc'ax ta Negev, hich ya xloc' tal ta jochol taquin q'uinal, ta q'uinal te xiweltic sba.

Isaías 47:1

Cohan, huhcana aba ta ts'ubil lum, ha'at yantsil-nich'anat Babilonia. Huhcana aba ta lum ta banti mayuc huctajibal, yantsil-nich'anat caldeohetic, yu'un ma ba ya xhalotix ac'oblal te uhnenat soc jteb atahel.

Jeremías 23:19

Ilawil, te tulan yic'al ha'al yu'un Jehová tulan ya xloc' bahel; tulan sutu-ic' ya xc'oht ta stojol te mach'atic chopolique.

Jeremías 49:36

Ya cac' tal ta stojol Elam te schanxuhcul iq'uetic te ya xtal ta schanxuhcul te ch'ulchane; ya pucticlan bahel ta schanxuhcul te iq'uetique. Mayuc nación te banti ma ba ya xbaht ta ahnel te mach'atic yu'un Elam.

Jeremías 50:21

¡A'beyahic guerra te Merataim, soc te mach'atic nahinemic ta Pecod! Milticlana, jc'axel lajinlana, xchi te Jehová, pasa spisil te bintic la jcalbat ta mandar.

Jeremías 50:24

La jca'bat ayacol, Babilonia, ma ba la ana' te tey ochat a. La awich' tahel soc tsaquel, como la ahachbe yo'tan te Jehová.

Jeremías 50:29

Ic'ahic tal ta scontrahinel Babilonia j'ac'-t'ihmalte'etic, spisil mach'atic ya yaq'uic t'imalte'; joytayahic ta sjoyobal, ma me ayuc mach'a ya xcol loq'uel. A'beyahic stoj chican bin yilel te ya'telic; ha chican bin la spas, hich me yac apasbe, como la shachbe yo'tan te Jehová, te Ch'ul Dios yu'un Israel.

Jeremías 50:33

Hich yaloj te Jehová te scuentahinej spisil: Uts'inot te pueblo yu'un Israel soc te pueblo yu'un Judá; spisil te mach'atic ic'otic ta chuquel yu'unic tulan tsacotic yu'unic, ma ba la yaq'uic ta libre.

Jeremías 50:9

Como ya jtij hahchel jtsohb muc'ul nacionetic ta stojol norte te ya xtal scontrahinic Babilonia. Tey ya xchahpan sbahic ta ya'beyel guerra a, ya me stsalic. Te ya'tejibal st'ihmalte'ic pajal soc ya'tejibal st'ihmalte'ic te mach'atic ya sna'ic ta lec guerra, te ma ba jochol sc'ab ya suhtic talel.

Jeremías 51:53

Aunque ya xmo bahel c'alal ta ch'ulchan te Babilonia soc te ya ya'be xan yip te ahnibal yu'un te ay ta toyol, ya jticon bahel jlajinwanejetic ta stojol, xchi te Jehová.

Jeremías 51:60

Te Jeremías la sts'ihbay ta hun spisil te bintic chopol te ya xtal ta stojol Babilonia, spisil te c'opetic la yalbe sc'oblal ta scontra te Babilonia.

Ezequiel 19:12

Pero la yich' bulel ta scuenta ilimba, la yich' ch'ojel ta lum. Taquijtesot yu'un te ic' ta stojol banti ya xloc' tal c'ahc'al, la yich' wac'ticlanel te tulan sc'abc'ab, taquijic soc laj ta c'ahq'uel.

Oseas 13:15

Aunque ya xp'ohl ta yohlil te yermanotac, ya xtal te ic' ta banti ya xloc' tal c'ahc'al, te ic' yu'un Jehová te ya xtal ta jochol taquin q'uinal, ya xtaquij te sloq'uib-ha' yu'un, ya xtup' banti ya xloc' te ha' yu'une. Ha ya spojbe spisil bintic ay ta yawil sc'ulejal te t'ujbilique.

Amós 3:6

¿Ya bal yich' oq'uesinel corneta ta pueblo te ma ba ya xnihquic ants-winiquetic yu'un? ¿Ay bal wocol ya xc'oht ta pueblo te ma ba ticombil yu'un Jehová?

Zacarías 2:8

Hich yaloj te Jehová te scuentahinej spisil, te la sticonon bahel ta stojol te nacionetic te la spojbeyex abiluquic: Te mach'a ya spiquex, hich c'ohem te ya spicbe sch'uhlel jsit.

Hechos 9:4

puch' ta lum te Saulo, la ya'iy c'op te hich la yal: Saulo, Saulo, ¿bin yu'un te yac acontrahimbelon? xchi.