Jeremías 50:9 - Bible in Tzeltal Bachajón

⁹ Como ya jtij hahchel jtsohb muc'ul nacionetic ta stojol norte te ya xtal scontrahinic Babilonia. Tey ya xchahpan sbahic ta ya'beyel guerra a, ya me stsalic. Te ya'tejibal st'ihmalte'ic pajal soc ya'tejibal st'ihmalte'ic te mach'atic ya sna'ic ta lec guerra, te ma ba jochol sc'ab ya suhtic talel.

Bible in Tzeltal de Oxchuc y Tenejapa

⁹ Melel ya me cac'bey spas te jtsojp tulanil lumetic ta norte te ya yac'bey guerra Babilonia, te c'alal ya sta yoraile. Ya me xchol sbaic ta guerra soc ya me stsalic. Mero p'ijic ta guerra, te ya st'imuy te st'imique, toj ya xc'ot tey a.

Jeremías 50:9 ပူးပေါင်းရင်းမြစ်များ

2 Samuel 1:22

Te st'ihmalte' Jonatán mayuc bin ora suht ta spat, te espada yu'un Saúl ma ba jochol suht tal, te ma ba yich'beyej sch'ich'el te mach'atic lajic, te ma ba yich'beyej sjuhp'el mach'atic ma xiwic.

Cantares 3:8

Spisilic yich'ojic espada, ya sna'ic yaq'uel guerra ta lec; ta tuhlultuhl chucul te espada yu'un ta sch'uhtic, ta scaj te bintic xiweltic sba ta ahc'abal.

Isaías 21:2

La ya'bon quil tulan nahalsit: Te j'ac'aw ta c'abal ya x'ac'awan ta c'abal, te jlajinwanej ya xlajinwan. ¡Mohan, Elam! ¡Joytaya, Media! Ya cac' lahmajuc spisil ahcan.

Isaías 41:25

Ay mach'a la jtij hahchel ta stojol norte, ya me xtal; ta stojol sloq'uib c'ahc'al ya sc'oponon ta jbihil. Ya sts'o' ta teq'uel ajwaliletic hich te bin ut'il ahch'al, hich te bin ut'il te jpac'ojom ya sts'o' ta teq'uel ahch'al.

Jeremías 15:14

Ya cac'at ta mosohil yu'un acontratac ta q'uinal te ma xana'be sba, como ta scuenta te quilimba tsumbilix c'ahc' te ya xtihl ta atojolic, xchi te Jehová.

Jeremías 25:14

Ha nix hich ya x'ochic ta mosohil yu'un bayel nacionetic soc muc'ul ajwaliletic; ya ca'be stojolic ha chican bin spasojic soc te ya'tel te sc'abique, xchi.

Jeremías 25:26

spisil te ajwaliletic ta stojol norte, te nopol ayic soc namal ayic, ta tuhlultuhl, spisil te ajwaliletic te ayic ta bahlumilal. Ta slajibal ya me yuch' te ajwalil yu'un Babilonia.

Jeremías 50:14

¡Chola abahic ta sjoyobal te Babilonia, apisilic te ay at'ihmalte'ic! ¡T'imahic bahel ta stojol, ma me ayuc ya'tejibalul t'ihmalte' ya xhil awu'unic, como la sta smul ta stojol Jehová!

Jeremías 50:21

¡A'beyahic guerra te Merataim, soc te mach'atic nahinemic ta Pecod! Milticlana, jc'axel lajinlana, xchi te Jehová, pasa spisil te bintic la jcalbat ta mandar.

Jeremías 50:26

La'ic ta bayuc ta ya'beyel guerra, jambeyahic te nahetic yu'un swe'elic, busanahic hilel hich te bin ut'il busul jimbil nahetic, jinahic ta jc'axel; ¡ma me ayuc bin ya xhil!

Jeremías 50:29

Ic'ahic tal ta scontrahinel Babilonia j'ac'-t'ihmalte'etic, spisil mach'atic ya yaq'uic t'imalte'; joytayahic ta sjoyobal, ma me ayuc mach'a ya xcol loq'uel. A'beyahic stoj chican bin yilel te ya'telic; ha chican bin la spas, hich me yac apasbe, como la shachbe yo'tan te Jehová, te Ch'ul Dios yu'un Israel.

Jeremías 50:3

Como ta norte ya xmo tal jun nación te ya scontrahin, te jochol ya yihquitay hilel te sq'uinale. Mayuc ants-winic ni chambahlam te ya xnahinic tey a, spisilic bahtic ta ahnel.

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.