Jeremías 50:4 - Bible in Tzeltal Bachajón

⁴ Ta hich sc'ahc'alel, ta hich ora, xchi te Jehová, ya xtalic te yal-snich'nab Israel soc te yal-snich'nab Judá, yacalic ta oq'uel a ya xtal slehic te Jehová te Dios yu'unique.

Bible in Tzeltal de Oxchuc y Tenejapa

⁴ Te Cajwaltic jich ya yal: —Te bi c'aalil ya xc'ot ta pasele, te ants-winiquetic yu'un Israel soc yu'un Judá yacalic me ta oq'uel ya xtal sleonic jo'on te Yajwalon te Dioson yu'unique.

Jeremías 50:4 ပူးပေါင်းရင်းမြစ်များ

2 Crónicas 7:14

teme ya spehc'an sbahic te pueblo cu'un te yich'beyejonic te jbihil, teme ya sc'oponon soc ya slehbon te jsit quelaw, teme ya suhtes yo'tanic yu'un te bintic chopol spasojique, hich ya ca'iybe sc'opic c'alal ta ch'ulchan, ya jpasbe perdón yu'un smulic, soc ya cac' lecubuc te sq'uinalique.

Salmos 105:4

Lehahic te Jehová soc te yu'ele; lehahic spisil ora te sit yelaw.

Isaías 14:1

Te Jehová ya me sna'be yo'bolil sba te Jacob, ya stsa yan buelta te Israel soc ya yac' ayinuc xan ta sq'uinalic. Ya xjoquinotic yu'un jyanlumetic te junax ya xc'ohtic soc te sts'umbal Jacob.

Isaías 45:19

Ma ba muquen c'opojon, ma c'opojon ta banti ihc' q'uinal; ma ba hich la jcalbe te sts'umbal Jacob: Lehawonic ta banti mayuc bin ay, ma xchihucon. Ho'on Jehovahon, smelelil ya xc'opojon, ha ya cal te bin stojile.

Isaías 55:6

¡Lehahic te Jehová te ya to xhu' ta tahel, c'oponahic te bin ut'il nopol to ay!

Isaías 63:4

Como ay ta co'tan te sc'ahc'alel ya'beyel spacol; c'ohtix te ha'bil yu'un te ya cac' ta libre.

Jeremías 31:31

Ya xtal sc'ahc'alel, xchi te Jehová, te ya jpas yach'il chapbil-c'op soc te sna Israel soc te sna Judá.

Jeremías 33:15

Ta hich sc'ahc'alel soc ta hich ora ya cac' puhlinuc ta stojol David te Spuhl te toj yo'tan, te stojil ya schahpanwan soc toj bin ya spas ta q'uinal.

Jeremías 41:6

Te Ismael loc' bahel ta Mizpa ta stahel, yac ta oq'uel bahel. C'alal la sta sba soc, hich la yalbe: La' ta stojol te Gedalías snich'an Ahicam, xchi.

Ezequiel 16:61

Hich me yac ana' a bintic la apas soc ya me xq'uexawat c'alal ya ca'bat scuenta awantsil-alatac te awihts'inab soc awixiltac, pero ma ha'uc ta scuenta te chapbil-c'op awu'un,

Ezequiel 39:25

Ha yu'un, hich yaloj te Jehová, te Ajwalil: Yo'tic ya cac' suhtuc talel te jchuqueletic yu'un Jacob, soc ya jna'be yo'bolil sba spisil te sna Israel; soc ya cac' ta ilel te xut'et co'tan yu'un te jch'ul bihile.

Oseas 1:11

Ya me stsob sbahic te snich'nab Judá soc Israel, soc ya me slehic jtuhl jtsobaw yu'unic; soc ya me xhahchic ta q'uinal, como muc' ya xc'oht sc'ahc'alel te Jezreel.

Oseas 11:10

Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Oseas 6:1

La'ic, suhtucotic ta stojol Jehová; ha nix la stsacotic, pero ya spoxtayotic; la yehchentesotic, pero ya spotsbotic.

Joel 2:12

Yo'tic ini, xchi te Jehová, suhtanic tal ta jtojol soc spisil awo'tanic, suhtanic ta jtojol ta spisil awo'tanic, coma awe'elic, mela awo'tanic soc oc'anic.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Santiago 4:9

Mela awo'tanic, oq'uetaya abahic. Ac'a sutp'ijuc ta oq'uel te atse'ejic, soc ac'a sutp'ijuc ta mel-o'tan te stse'elil awo'tanique.