Jeremías 50:3 - Bible in Tzeltal Bachajón

³ Como ta norte ya xmo tal jun nación te ya scontrahin, te jochol ya yihquitay hilel te sq'uinale. Mayuc ants-winic ni chambahlam te ya xnahinic tey a, spisilic bahtic ta ahnel.

Bible in Tzeltal de Oxchuc y Tenejapa

³ Melel ta norte ya xmo tel jun nación ta scontroinbel sba soc, ya me sc'atp'unbey ta jochol q'uinal te slumale. Ma me ayuc ni ants-winiquetic, ni chambalametic, ya xbajt'ic xan ta nainel tey a, melel spisil me ya x'anic loq'uel —xi' te Cajwaltique.

Jeremías 50:3 ပူးပေါင်းရင်းမြစ်များ

Génesis 6:7

Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Isaías 41:25

Ay mach'a la jtij hahchel ta stojol norte, ya me xtal; ta stojol sloq'uib c'ahc'al ya sc'oponon ta jbihil. Ya sts'o' ta teq'uel ajwaliletic hich te bin ut'il ahch'al, hich te bin ut'il te jpac'ojom ya sts'o' ta teq'uel ahch'al.

Isaías 45:1

Te Jehová hich ya yalbe te Ciro, te mach'a tsahbil yu'un, te la jtsac ta swa'el-c'ab yu'un ya cac' scuentahin te nacionetic soc yu'un ya spojbe ya'tejibic yu'un guerra te ajwaliletic; yu'un ya jambe puertahetic ta stojol, puertahetic te ma ba ya yich'ic maquel:

Jeremías 21:6

Ya quehchentes te mach'atic nahinemic ta pueblo ini, ants-winiquetic soc chambahlametic; ya me xlajic yu'un jmilawal-chamel te xiweltic sba.

Jeremías 50:9

Como ya jtij hahchel jtsohb muc'ul nacionetic ta stojol norte te ya xtal scontrahinic Babilonia. Tey ya xchahpan sbahic ta ya'beyel guerra a, ya me stsalic. Te ya'tejibal st'ihmalte'ic pajal soc ya'tejibal st'ihmalte'ic te mach'atic ya sna'ic ta lec guerra, te ma ba jochol sc'ab ya suhtic talel.

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Jeremías 51:48

Te ch'ulchan soc te bahlumilal soc spisil te bintic ay tey a ya me x'awonic soc yutsil yo'tanic yu'un te Babilonia, como ya xtal ta norte jinawetic te ya scontrahinic, xchi te Jehová.

Jeremías 51:62

Hich me yac awal: Jehová, ha'at awaloj te yac ajin te lugar ini, mayuc mach'a ya xnahinix tey a, ants-winiquetic o chambahlametic, soc te stalel jochol ya xhil, xchihat.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Sofonías 1:3

Ya jlajin ants-winiquetic soc chambahlametic, ya jlajin te mutetic ya xwihlic ta toyol soc te chayetic ta mar, ya cac' ch'ayuc bahel te mach'atic chopol yo'tanic, soc ya jlajin ta sba bahlumilal te ants-winiquetic, xchi te Jehová.