Jeremías 5:6 - Bible in Tzeltal Bachajón

⁶ Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Bible in Tzeltal de Oxchuc y Tenejapa

⁶ Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Jeremías 5:6 ပူးပေါင်းရင်းမြစ်များ

2 Crónicas 36:14

Hich nix spisil te jtsobawetic yu'un te sacerdotehetic soc te pueblo, la sp'oltesic te mulil, la st'unic te bintic ilobtic sba te ya spasic te nacionetic, la sbohlobtesbeyic sc'oblal te sna Jehová te ch'ultesbil yu'un ta Jerusalén.

Esdras 10:10

Te sacerdote Esdras la stehc'an sba, hich la yalbe: Te ha'exe atahoj amulic ta scaj te la awic' awihnaminic jyanlum-antsetic, hich la atohytesbeyic xan smul a te Israel.

Esdras 9:6

hich la jcal: Dios cu'un, ma jna' bin ya jpas, soc ay q'uexlal ya ca'iy te ya jach mohel jsit ta atojol, Dios cu'un, como te jmulcotic sohlix mohel ta jolcotic, soc te faltahetic cu'uncotic c'ohemix c'alal ta ch'ulchan.

Job 10:16

Teme ya jach te jole, ha'at yac anutson hich te bin ut'il choj, soc yac apas jchahp a'teliletic ta jcontra.

Salmos 104:20

Yac awac' tal yihc'al q'uinal, hich ya x'och te ahc'abal, soc ya xloq'uic tal spisil te ha'mal chambahlametique.

Salmos 80:13

Te ha'mal chitametic ya stuch'ticlanic, te ha'mal chambahlametic ya slajinic ta we'el.

Isaías 1:23

Te príncipaletic awu'un ha jtoybahetic soc smohlol j'eleq'uetic. Spisilic toyol yo'tanic ya schon sbahic soc ya st'unic bahel mahtaniletic; ma ba toj ya schahpanic te me'ba'etic, soc ma xc'oht ta stojolic te swocol te me'ba' antsetique.

Isaías 59:12

Como bayel toybahil cu'uncotic ta atojol, soc ya yalotcotic te jmulcotique. Ay ta co'tancotic te c'axun-mandar cu'uncotic soc ya jna'cotic te mulil cu'uncotic:

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 2:15

Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Jeremías 2:31

Jcaj ts'umbalilex ini, a'iybeya awa'iyic sc'op te Jehová. ¿Yu'un bal jochol taquin q'uinalon ta stojol Israel, o q'uinalon te ay ta yihc'al q'uinal? ¿Bin yu'un hich ya yal te pueblo cu'un: Ayotcotic ta libre; ma ba ya xtalotcotiquix ta atojol, te xchihe?

Jeremías 25:38

Hich loc' tal te bin ut'il choj ta sch'en, jc'axel jihn te q'uinal yu'unic ta scaj yilimba te j'uts'inwanej, ta scaj sc'ahc'al te yilimbahe.

Jeremías 30:14

Spisil te mach'atic smulanejat ya xch'ayat ta yo'tanic; ma ba ya slehat, yu'un la jquehchentesat hich te bin ut'il acontra, ha te castigo yu'un j'uts'inwanej, ta scaj te c'ax muc' achopolil soc te bayel amul.

Jeremías 30:15

¿Bin yu'un ya x'awonat ta scaj awehchen? Mayuc spoxil te bin c'ux yac awa'iy, como ta scaj bayel te c'ax muc' achopolil soc bayel amul te hich la jpasbate.

Jeremías 30:24

Ma ba ya xlahmaj te sc'ahc'al yilimba Jehová ha to c'alal ya xc'oht ta pasel yu'un te bin snopoj ta yo'tane. Ta patil bahel ya xc'oht ta awo'tanic ini.

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Jeremías 49:19

Hich te bin ut'il ya xloc' tal choj ta pimil q'uinal yu'un Jordán soc ya xbaht ta yaxal c'unil ha'maletic, ora nax ya cac' ahnuc loq'uel tey a te Edom, soc ya cac' tey a te mach'a tsahbil cu'un, como ¿mach'a pajalon soc? ¿Mach'a ya xhu' ya stsalon? ¿Mach'a jcanan-tuminchij te ya xhu' ya scontrahinon?

Jeremías 8:5

¿Bin yu'unix a te spisil ora howiyem bahel te pueblo Jerusalén ini? La smech'ic te lo'loyel, ma sc'anic ya suhtic talel.

Jeremías 8:7

Te cigüeña-mut ta sjamalil ch'ulchan ya sna' te jujucaj yorahil, soc te xpuliwoc, te ulich soc te smutil ha' ya sna'ic te bin ora ya suhtic talel; yan te pueblo cu'un ma sna'be sba te mandariletic yu'un Jehová.

Lamentaciones 1:5

Te scontratac ha príncipaletic c'ohtic, lec c'ohtic te mach'atic p'ajotic yu'un, como te Jehová la ya'be swocol yu'un bayel te smule. Te yal-snich'nab bahtic ta chuquel ta stojol te contrahe.

Ezequiel 16:25

Ta jujun xuhc calle la apas toyol awilal soc la ac'atp'un ta bin ilobtic sba te at'ujbilale: la awac' aba ta stojol spisil mach'atic c'axic tey a, bayel p'ohlem te antsinel awu'une.

Ezequiel 22:27

Te príncipaletic yu'unic hich c'ohemic te bin ut'il ha'mal ts'i'etic te ya stuch'ticlan swe'elic; ya smalic ch'ich' soc ya slajinic cuxlejaliletic scuenta yu'un ma stojiluc ay bin ya stahic a.

Ezequiel 23:19

Pero p'ohl te antsinel yu'une c'alal la sna' te bin ora ach'ix to a, te c'alal la yac' sba ta antsinel ta sq'uinal Egipto.

Daniel 7:4

Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.

Daniel 7:6

Patil la jquil yan chambahlam, pajal yilel soc c'anbo'olay choj te ay chaneb xic' ta spat soc ay chaneb sjol; a'bot ya'tel ta cuentahinwanej.

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.

Habacuc 1:8

Te cawuhetic yu'unic c'ax hich ya x'ahnimajic a te bin ut'il c'an bo'olay choj, c'ax hich ya xti'awanic a te bin ut'il ha'mal ts'i'etic ta ahc'abal; ya x'ahnimajic bahel te jmoheletic ta cawu, namal ya xtalic, ya xwihlic talel hich te bin ut'il jxic te ora ya xwihl ta tsaquel.

Sofonías 3:3

Te príncipaletic te ayic ta yohlil ha xhihet chojetic; te jchahpanwanejetic yu'unic ha ha'mal ts'i'etic te ya xbehenic ta ahc'abal te ma ba ya yihquitayic hilel jch'ixuc bac yu'un sacubel q'uinal.

Números 32:14

Yo'tic ha'ex la ajelolin atatic, ha'ex snich'nabex jmulawil winiquetic, yac awaq'uic tohyuc xan yilimba Jehová ta stojol Israel.

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.