Jeremías 5:3 - Bible in Tzeltal Bachajón

³ Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Bible in Tzeltal de Oxchuc y Tenejapa

³ Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Jeremías 5:3 ပူးပေါင်းရင်းမြစ်များ

Génesis 19:34

Ta yan c'ahc'al, te wixil la yalbe te yihts'in: La joquin ta wayel ahc'abe te jtatique. Ha nix hich yo'tic ta ahc'abal ya ca'betic yuch' vino, ha'at me ya x'ochatix bahel, yac ajoquin ta wayel scuenta yu'un ay sts'umbal ya xc'oht a te jtatic, xchi.

1 Reyes 13:33

Aunque hich c'oht ta pasel, te Jeroboam ma ba la yihquitay hilel te schopol a'tel, pero la stsa loq'uel xan ta yohlil te pueblo sacerdotehetic yu'un te toyol awilaletic. Te mach'atic la sc'anic, la ya'be ya'tel ta sacerdotehil yu'un te toyol awilaletic.

2 Reyes 1:13

Patil te ajwalil la scha'ticon xan ta yoxebal buelta yan capitán soc lajuneb yoxwinic (50) ta tuhl winiquetic. Pero te yoxebal capitán mo bahel, la squejan sba ta stojol te Elías, la yalbe wocol, hich la yal: Winicat yu'un Dios, ayuc me sc'oblal awu'un te jcuxlejal soc te scuxlejalic te lajuneb yoxwinic (50) ta tuhl a'batetic awu'une.

2 Crónicas 16:9

Como te sit Jehová ya yil spisil te q'uinal, yu'un ya ya'be yip te mach'atic jun yo'tanic ta stojol. Sjel ta shoquem ajol te bin la apasix; ha yu'un yo'tic soc li' bahel ay me guerra ta atojol, xchi.

2 Crónicas 28:22

Te bin ora ay swocol te Acaz, la to sta xan smul ta stojol Jehová;

Salmos 51:6

Ha'at yac ac'an te bin melel ay ta o'tanil; ta yutil co'tan la awa'bon jna' p'ijil-o'tanil.

Salmos 51:8

Ac'a ca'iy tse'el-o'tanil soc yutsil-o'tanil; ac'a stse'ejinuc te jbaquel te tembil awu'une.

Salmos 55:20

Te mach'a chopol ya shach sc'ab ta scontrahinel te mach'atic pajal lamal yo'tan sbahic soc; ya slajimbe sc'oblal te chapbil-c'op yu'unique.

Proverbios 21:29

Te mach'a chopol yo'tan tulan ya yac' sba, yan te mach'a toj yo'tan ya stsahtay te be yu'une.

Proverbios 22:12

Te sit te Jehová ya scanantay te bin ay ta na'el, pero ya sjimbe sc'op te mach'a ma junuc yo'tan.

Proverbios 23:35

Hich yac awal: La smajonic, pero ma ba c'ux la jca'iy. La smajonic, pero ma ba la jca'iy. C'alal cux co'tan, ya jle xan yan, xchihat.

Proverbios 27:22

Aunque yac aten ta juch'el te mach'a ma sna' q'uinal, hich te bin ut'il ya yich' juch'el te trigo, ma ba ya yihquitay te sonsohile.

Isaías 26:11

Jehová, atoyoj ac'ab, pero ma ba ya yilic. Ac'a yilic te xut'et awo'tan ta stojol te pueblo awu'un, ac'a q'uexawuquic; ac'a lajuquic ta c'ahc' te chapal awu'un ya xc'oht ta stojol te acontrataque.

Isaías 42:25

Ha yu'un la smal cohel ta stojolic te sc'ahc'al yilimba soc te yip te guerra. La ya'be sc'ahc'al ta bayuc, pero ma ba c'oht ta yo'tanic; lajinotic yu'un, pero ma ba la yich'ic ta cuenta.

Isaías 48:4

Como jna'oj te tulan awo'tan, te ha bahlal taq'uin te anuc', soc ha bronce te ati'bahe.

Isaías 9:13

Pero te pueblo ma ba la suhtes yo'tanic ta stojol te mach'a a'bot castigo yu'une, ma ba la slehic te Jehová te scuentahinej spisil.

Jeremías 15:7

Aunque la jtsulq'uin ta tsulq'uinojibal ta ochibaletic yu'un te q'uinal; soc mayuc yal-snich'nabic hilic cu'un, la jlajin te pueblo cu'une, ma ba jelon te behetic yu'unique.

Jeremías 17:23

Pero ma ba la ya'iyic, ma ba la yac' schiquinic a; la stulanijtes yo'tanic yu'un te ma ba ya ya'iyic soc ma ba ya yich'ic tojobtesel.

Jeremías 19:15

Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Jeremías 32:19

C'ax muc' te bintic anopoj ta awo'tan soc c'ax t'ujbil te a'teliletic awu'une. Yac awil spisil te bintic ya spasic te ants-winiquetic, yac awa'be stoj ta jujutuhl chican bin yilel te stalelic soc te sit te ya'telique.

Jeremías 35:13

Hich yaloj te Jehová te scuentahinej spisil, te Dios yu'un Israel: Bahan, halbeya te winiquetic yu'un Judá soc te mach'atic nahinemic ta Jerusalén: ¿Ma bal yacuc anopic te yac ach'uhumbonic te jc'ope? xchi te Jehová.

Jeremías 44:10

C'alal ora yo'tic ma ba pehc'ajem yo'tanic soc ma ba xi'ojic; ma ba st'unojic te Ley cu'un o te mandariletic te la jca'beyex ta atojolic soc ta stojol te ame'atatique.

Jeremías 7:26

Pero ma ba la ya'iybonic jc'op, ma ba la yac' schiquinic, la stulanijtes yo'tanic, c'ax hich chopol c'ohtic a te bin ut'il te sme'statique.

Jeremías 7:28

Ha yu'un hich yac awalbe: Ha te nación ini te ma ba la sch'uhumbeyic sc'op te Jehová te Dios yu'une, ma ba la sc'anic tojobtesel; ch'ayix te smelelil c'op, loq'uesbilix ta yehic, xchihat me.

Jeremías 8:5

¿Bin yu'unix a te spisil ora howiyem bahel te pueblo Jerusalén ini? La smech'ic te lo'loyel, ma sc'anic ya suhtic talel.

Ezequiel 2:4

Ya jticonat bahel ta stojol te mach'atic tulan sit yelawic soc tulan yo'tanic, hich me xawalbe ta tulan: Hich yaloj te Cajwaltic Jehová, xchihat.

Ezequiel 24:13

Te abohlil ha te bin chopol yac amulan. La jc'an la jpocat pero ma ba pocbil c'ohat yu'un abohlil; ma ba pocbil ya xc'ohat ha to c'alal ya xc'ax co'tan te quilimba ta atojol.

Daniel 9:13

Hich te bin ut'il ts'ihbabil ta ley yu'un Moisés, c'oht ta jtojolcotic spisil te bintic wocol ini; pero ma ba calbeyejcotic wocol Jehová te Dios cu'untic, ma ba la jquihquitaycotic te jchopolilcotic o ma ba la jquich'cotic ta cuenta te smelelil c'op awu'une.

Levítico 26:23

Teme ma ba ya xtojobex yu'un te castigo, teme stalel yac acontrahinonic,

Amós 4:10

La jticombeyex tal jmilawal-chamel hich te bin ut'il ta Egipto; la jmil ta espada te queremetic awu'unic, chucotic bahel te acawuhic, la jcac' mohuc ta ani'ic stuhil te campamento awu'unic, pero ma ba suhtex tal ta jtojol yu'un, xchi te Jehová.

Amós 4:11

La jinex hich te bin ut'il la jin Sodoma soc Gomorra; hich hilat te bin ut'il xutunte' loq'uesbil tal ta c'ahc'; pero ma ba suhtex tal ta jtojol yu'un, xchi te Jehová.

Amós 4:6

Ho'on la jcac' taluc wi'nal ta stojol spisil te muc'ul pueblohetic awu'unic, soc te mayuc we'elil ta spisil te pueblohetic awu'unique, pero ma ba suhtex tal ta jtojol yu'un, xchi te Jehová.

Amós 4:8

Ha yu'un talic che'oxeb pueblohetic ta yan pueblo yu'un ya yuch'ic ha', pero ma ba ch'ay staquinti'il; pero ma ba suhtex tal ta jtojol yu'un, xchi te Jehová.

Amós 4:9

La jmajat ta c'ahc'al ic' soc ta yol, te c'ulub la slajimbat bayel bintic ts'umbil soc te ts'usubiletic awu'unic, te higuerahetic soc te olivohetic awu'unic, pero ma ba suhtex tal ta jtojol yu'un, xchi te Jehová.

Sofonías 3:7

Hich la jcal: Ya me xi'on, ya me yich' tojobtesel, xchihon, hich ma ba ya yich' jinel te banti nahinem te bin ora ya xtalon ta stojol. Pero la suj sbahic ta sjinel spisil te ya'telique.

Romanos 2:2

Jna'ojtic te Dios ya yich' ta c'op ta smelelil te mach'atic hich ya spasique.

Hebreos 12:9

La jquich'tic tojobtesel yu'un te jtatic ta bahlumilal, soc la jquich'tic ta cuenta. ¿Bin yu'un ma ba c'ax hich ya quich'tic ta cuenta a te Jtatic ay ta ch'ulchan, te hich ya xcuxajotic ahe?