Jeremías 5:23 - Bible in Tzeltal Bachajón

²³ Pero te pueblo ini tulan yo'tan soc toyba-o'tan; la yihquitayonic, loq'uic bahel.

Bible in Tzeltal de Oxchuc y Tenejapa

²³ Te ja'exe tulan te awo'tanic soc toyba-o'tanex; la awijq'uitayonic ta awo'tanic, jich baex.

Jeremías 5:23 ပူးပေါင်းရင်းမြစ်များ

Salmos 78:8

te ma hichuquix te bin ut'il te sme'static, te jcaj ts'umbalil te tulan yo'tanic soc jtoybahetic, te mayuc yip yo'tanic ta stojol Dios soc ma ba jun yo'tanic ta stojol.

Salmos 95:10

Cha'winic (40) ha'bil ilinon ta stojol te jcaj ts'umbalil, hich la jcal: Ha pueblo te ya xhowij yo'tanic, ma ba sna'beyejic sba te behetic cu'une.

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.

Isaías 31:6

Yal-snich'nab Israel, ¡suhtanic bahel ta stojol te mach'a tulan atoyoj abahic ta stojole!

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Jeremías 4:17

Ha ya sjoytayic hich te bin ut'il mach'atic ya scanantayic q'uinal, como la stoy sba ta jtojol, xchi te Jehová.

Jeremías 5:5

Ya xbaht jc'opon te mach'atic muc' sc'oblalic, como ya sna'ic te be yu'un Jehová, te bin ya sc'an te Dios yu'unique, xchihon. ¡Pero ha'ic nix la swuyic te yugo, la stuch'ticlanic te schucojbilique!

Jeremías 6:28

Spisilic ha jtoybahetic, ya xleyawanic ta c'op. Ha bronce soc hierro c'ohemic, spisil chopolic.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Oseas 4:8

Ya xwe'ic ta scuenta smulic te pueblo cu'un, soc ya sc'an yo'tanic te ya sle smulic.

Sofonías 3:1

¡Obol sba te toyba pueblo, te bohloben sc'oblal soc te ha j'uts'inwanej!

Deuteronomio 21:18

Teme ay mach'a ay squerem-nich'an te tulan yo'tan soc toyol yac'oj sba, te ma ba ya sch'uhun spasel te bin ya yal te sme'stat, ma ba ya sch'uhumbe sc'opic aunque ya x'a'bot castigo yu'unic,

Deuteronomio 31:27

Como ya jna'bat atoybahil soc te tulan yac awac' aba. Teme yac atoy abahic ta stojol Jehová te cuxulon to ta awohlilic, ¿ha'uc to balix a te c'alal chamenonix ahe?

Hebreos 3:12

Ha yu'un tsahtaya me abahic, quermanotac, te ma me ayuc mach'a ay chopol yo'tan te ma sch'uhun, te ya spit sba ta stojol te cuxul Dios.