Jeremías 5:2 - Bible in Tzeltal Bachajón

² Aunque ya yalic: Yiloj Jehová, te xchihique, ma meleluc ya yalic ta jamal, xchi te Jehová.

Bible in Tzeltal de Oxchuc y Tenejapa

² Manchuc me ya stabeyic ta alel sbiil te cuxul Diose, ja'uc me to, ma'yuc swentail ya xc'ot te bila ya yalique —xi' te Cajwaltique.

Jeremías 5:2 ပူးပေါင်းရင်းမြစ်များ

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Jeremías 44:26

Pero a'iybeya awa'iyic sc'op te Jehová, apisilic yu'un Judá te nahinemex ta sq'uinal Egipto, te hich ya yal: Caloj ta jamal ta scuenta te jbihil te muc' sc'oblal, xchi te Jehová, te ma ba ya yich'ix halel te jbihil li' ta sq'uinal Egipto yu'un jtuhluc winic yu'un Judá, te hich ya yal: ¡Cuxul Jehová, te Ajwalil! te xchihe,

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Jeremías 9:2

¡Te ayuc cu'un ta jochol taquin q'uinal wayibal na yu'un mach'atic ya xbehenic, scuenta yu'un ya quihquitay hilel te jlumal, te namal ya xbohon ta stojolic! Como spisilic j'antsiwejetic soc jchahp j'ac'awetic ta c'abal.

Oseas 10:4

Ha nax puro c'op, ya stojol halic ta jamal c'alal ya spasic chapbil-c'op; ha yu'un te chahpanel yu'unic hich ya xcol te bin ut'il te ch'ahco' ta banti chahpambil te q'uinale.

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

Levítico 19:12

Ma me ayuc bin jc'axel yac awalic ta jamal ta lot te yac atahbonic ta halel jbihil a, te hich yac ajimbe sc'oblal a te sbihil te Dios awu'unique. Ho'on, Jehovahon.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

2 Timoteo 3:5

sjel te stojil yaquic ta sch'uhunel Dios yilel, pero ya smuc ta yo'tanic te ay yu'el. Jc'axel ma me xajoquin.

Tito 1:16

Ya sna'beyic sba Dios ta sc'opic, pero chican ta ya'telic te ma hichuc, te bin ut'il ihlaybilic, jc'axun-c'opetic, soc ma sna'ic spasel lequil a'telil.