Jeremías 5:12 - Bible in Tzeltal Bachajón

¹² La smuc ta yo'tanic te Jehová; la yalic: Mayuc te Diose. Mayuc bin chopol ya xtal ta jtojoltic, ma ba ya quiltic espada o wi'nal, xchihic.

Bible in Tzeltal de Oxchuc y Tenejapa

¹² Israel soc Judá la smuc ta yo'tanic te Cajwaltique. La yalic: “Ma'yuc te Diose. Ma'yuc bila amen ya xtal ta jtojoltic, ma xtal guerra ta jtojoltic, ni ma'yuc wi'nal”, xiic.

Jeremías 5:12 ပူးပေါင်းရင်းမြစ်များ

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

Salmos 10:6

Hich ya yal ta yo'tan: Mayuc bin ora ya xyahlon, mayuc bin ora ya stahon wocol, xchi.

Salmos 14:1

Ya yal ta yo'tan te sonso: Mayuc Dios, xchi. Bohlobenic, ilobtic sba te ya'telic, mayuc mach'a ya spas te bin leque.

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Jeremías 14:22

¿Ay bal loc'ombahetic yu'un te nacionetic te ya xhu' ya yac' tal ha'al? ¿Ya bal sticon tal ha'al te ch'ulchan ta stuquel nax? ¿Ma bal ha'ucat, Jehová, te Diosat cu'untique? Ha'at nax atuquel te yac aticon talel, ha yu'un ya jmahliyatcotic como ha'at yac apas spisil ini.

Jeremías 2:6

Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Jeremías 28:4

Soc ya cac' suhtuc tal ta lugar ini te Jeconías snich'an Joacim, ajwalil yu'un Judá, soc spisil te mach'atic yu'un Judá te ic'otic bahel ta Babilonia, xchi te Jehová, yu'un ya jwac'be te yugo yu'un te ajwalil yu'un Babilonia, xchi te Hananías.

Jeremías 4:10

Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Jeremías 43:1

C'alal laj yo'tan te Jeremías ta yalbeyel spisil te pueblo spisil te bin la yal te Jehová te Dios yu'unic, spisil te bintic ticombil yu'un Jehová te ya yalbe ya'iyique,

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Jeremías 6:14

Sba nax ya spoxtaybeyic yehchen te pueblo cu'une, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Ezequiel 13:6

Yilojic lotil nahalsitil soc lotil jna'ojel. Hich ya yalic: Hich yaloj te Jehová, xchihic, pero ma ha'uc ticombilic yu'un Jehová. Pero yac smahliybelic te ya xc'oht ta pasel te bin ya yalique.

Miqueas 2:11

Teme ay mach'a yac snopbel bin ma meleluc, te hich ya yal ta lot: Ya calbat sc'oblal vino soc tulan uch'balil, teme xchihe, ha me jalwanej ya sc'an te pueblo ini.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

Deuteronomio 29:19

te c'alal ya'iyejix a te bin ya yal te chopol c'oblalil ini, ha nix ya ya'be sba smuc'ul yo'tan, te hich ya yal: Ya me ca'iy lamal q'uinal, aunque ya jt'un bahel te co'tan te tulan ay, teme xchihe, ha ya xjihn spisilic ta scuenta.

1 Juan 5:10

Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.

1 Samuel 6:9

Soc ya me awilic bahel; teme ya xmo bahel ta sbehlal te sq'uinal ta Bet-semes, yu'un ha nix la ya'botic te bayel jwocoltic ini; yan teme ma teyuc ya xbaht a, hich ya jna'tic a te ma ha'uc te sc'ab Dios te la ya'botic jwocoltic, yu'unix hich nax talem a, xchihic.