Jeremías 49:3 - Bible in Tzeltal Bachajón

³ ¡Oc'an, Hesbón, como jihnemix te Hai! ¡awonanic, yantsil-nich'nab Rabá, lapahic ch'ixal-pac', oq'uetaya abahic, ahnimajanic ta jehch ta jehch ta yutil te ts'ahc, como te Milcom ic'ot bahel ta chuquel soc te sacerdotehetic soc príncipaletic yu'unique.

Bible in Tzeltal de Oxchuc y Tenejapa

³ “Ac'a ajc'anajuc te Hesbón, melel te lum Hai la yich'ix jinel. Oq'uetaya abaic, antsetic ta Rabá; lapaic ch'ixal pac', maja awo'tanic yu'un; animajanic jichuc mach'atic soquem sjolic, ejch'entesa abaic. Melel te dios Milcom awu'unic ya x'ich'ot bael ta yan q'uinal, soc ya x'ic'otic bael uuc te sacerdoteetic yu'un soc mach'atic muc' sc'oplalic.

Jeremías 49:3 ပူးပေါင်းရင်းမြစ်များ

2 Samuel 11:1

Ta yorahil ya x'ach'ub ya'binal te'etic, te bin ora ya xloq'uic bahel ta guerra te ajwaliletic, te David la sticon bahel te Joab soc te a'batetic yu'un soc spisil Israel. La slajinic te amonetic soc la sjoytayic te Rabá. Pero hil ta Jerusalén te David.

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

1 Reyes 11:5

Te Salomón la st'un te Astoret te antsil-dios yu'un te sidonetic, soc te Milcom te ihlaybil loc'omba yu'un te amonetique.

2 Reyes 23:13

Te ajwalil ha nix hich la sbohlobtesbe sc'oblal te toyol awilaletic te ayic ta stojol sloq'uib c'ahc'al yu'un Jerusalén, ta stojol sur yu'un te Wits yu'un Jinel, te la yich' pasel yu'un te Salomón ajwalil yu'un Israel ta stojol Astoret te loc'omba yu'un te sidoniohetic te ilobtic sba, soc te Quemos te loc'omba yu'un Moab, soc te Milcom te loc'omba yu'un te snich'nab Amón te ilobtic sba.

Esdras 2:28

yu'un Bet-el soc Hai, oxeb slahchaywinic (223);

Isaías 13:6

¡Ahcanajanic, yu'un nopol ya xc'ohtix te sc'ahc'alel yu'un Jehová! ¡Ya xtal hich te bin ut'il te lajinel ya xtal ta stojol te Mach'a spisil ya xhu' yu'un!

Isaías 14:31

¡Awetan, puertahat! ¡awonan, pueblohat! ¡Uhlan bahel yu'un xiwel, ha'at filisteohat! como ya xtal ch'ahil ta stojol norte, mayuc jtuhluc te ya xloc' ta banti scholoj sbahic.

Isaías 15:2

Te mach'atic yu'un Dibón mo bahel ta templo, ta toyol awilaletic yu'un ya x'oq'uic tey a; te Moab ya yoq'uetay te Nebo soc Medeba. Spisilic ya yich'ic loq'uesbeyel stsotsel sjolic soc ya yich'ic loq'uesbeyel spisil yisimic.

Isaías 16:7

Ha yu'un yac ta ahcan te Moab, spisilic ya yoq'uetayic te Moab. C'ux obol abahic te ya x'ahcanajex yu'un te taquijtesbil sit ts'usub yu'un Kir-hareset.

Isaías 23:1

Ha te sc'op jalwanej ta stojol te Tiro: ¡Awetan, barcohetic yu'un Tarsis! como jihnemix te Tiro, mayuquix na o yochibal barcohetic. C'alal ta sq'uinal Chipre halbotic sc'oblal.

Isaías 23:6

C'axanic bahel ta Tarsis, ahcanajanic, ha'ex te nahinemex ta ti'mar.

Jeremías 4:8

Ha yu'un lapahic paq'uetic yu'un mel-o'tan, oc'anic soc ahcanajanic, como te sc'ahc'al yilimba Jehová ma ba yihquitayejotic.

Jeremías 46:25

Hich yaloj te Jehová te scuentahinej spisil, te Dios yu'un Israel: Ya ca'be castigo te Amón te dios yu'un Tebas, te faraón, Egipto soc te diosetic soc te ajwaliletic yu'un, soc te mach'atic smuc'ulinej yo'tanic te faraón.

Jeremías 48:2

¡Ma ba ya xhalbotix yutsil sc'oblal te Moab! ta Hesbón la schahpambeyic chopol sc'oblal, hich la yalic: La'ic, jc'axel ac'a jlajintic ta yohlil te nacionetic. Ha nix hichat, Madmén, yac awich' jinel, ya me snutsat te espada.

Jeremías 48:20

Pehc'anotic te Moab como la yich'ix jinel. Oq'uetayahic, awonanic yu'un. Pucahic ta halel ta Arnón te la yich'ix jinel te Moab, xchi te Jehová.

Jeremías 48:37

Como loq'uesbil stsotsel sjolic spisilic, soc spisil yisimic loq'uesbilic; ehchentesbil spisil sc'abic soc spisil slapojic ch'ixal pac'.

Jeremías 48:7

Te bin ut'il ha smuc'ulinej awo'tanic te awa'telic soc ac'ulejalic, ha nix hich ya me awich' tsaquel. Te Quemos ya x'ic'ot bahel ta chuquel soc te sacerdotehetic soc te príncipaletic yu'une.

Jeremías 49:1

Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Jeremías 51:8

¡Ora nax yahl te Babilonia soc wuybil c'oht! ¡Oq'uetaya! Ich'ahic tal bálsamo-te' yu'un te sc'uxule, ya wan xlecub yu'un, xchi te Jehová.

Jeremías 6:26

¡Pueblo cu'un, lapa ch'ixal pac' soc balana aba ta tan! Tulan me ya x'oc'athich te bin ut'il ya yich' oq'uetayel hip jtuhl querem, como ta jts'ihn ya xtal ta jtojoltic te jlajinwanej.

Amós 1:15

Te ajwalil yu'un ya x'ic'ot bahel ta chuquel, soc spisil te príncipaletic yu'une, xchi te Jehová.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Santiago 5:1

A'iya me awa'iyic, jc'uhlejetic, oc'anic soc awetanic yu'un te wocoletic te ya xtal ta atojolique.

Josué 7:2

Patil te Josué la sticon hahchel winiquetic ta Jericó, bahtic ta Hai te nopol yiloj sba soc te Bet-avén, ta stojol sloq'uib c'ahc'al yu'un Bet-el, hich la yalbe: Mohanic bahel ta stsahtayel te q'uinale, xchi. Hich bahtic ta stsahtayel tal te Hai.

Josué 8:1

Te Jehová la yalbe te Josué: Ma me xiwat soc ma me xpehc'aj awo'tan; tsoba spisil te winiquetic yu'un guerra, hahchan, mohan bahel ta Hai. Ilawil, la jca'batix ta ac'ab te ajwalil yu'un Hai, te ants-winiquetic, te pueblo soc te q'uinal yu'une.

Josué 8:28

Hich te Josué la schic' te Hai soc la yac' te busul hil ta jinel, stalel jochol hil c'alal ora.