Jeremías 48:7 - Bible in Tzeltal Bachajón

⁷ Te bin ut'il ha smuc'ulinej awo'tanic te awa'telic soc ac'ulejalic, ha nix hich ya me awich' tsaquel. Te Quemos ya x'ic'ot bahel ta chuquel soc te sacerdotehetic soc te príncipaletic yu'une.

Bible in Tzeltal de Oxchuc y Tenejapa

⁷ “Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Jeremías 48:7 ပူးပေါင်းရင်းမြစ်များ

2 Samuel 5:21

Te filisteohetic la yihquitayic hilel tey a te loc'ombahetic yu'unic, te David soc te winiquetic yu'un la schic'ticlanic.

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

1 Reyes 11:7

Ta wits te ay ta stojol sloq'uib c'ahc'al yu'un Jerusalén te Salomón la spasbe toyol awilal te Quemos te ihlaybil loc'omba yu'un Moab, soc te Moloc te ihlaybil loc'omba yu'un te snich'nab Amón.

Salmos 40:4

Bayel me yutsil te mach'a ha smuc'ulinej yo'tan te Jehová, te ma ha'uc ya sle te mach'atic jtoybahetic soc te mach'atic ya xhowiyic bahel ta stojol te lotil diosetique.

Salmos 52:7

Ha te mach'a ma ha'uc ahnibal c'ohem yu'un te Diose, te ha la smuc'ulin yo'tan te bayel sc'ulejal, soc te la yich' yip ta bin chopol, xchihic.

Jeremías 13:25

Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Jeremías 43:12

Ya me ya'be sc'ahc'al te templohetic yu'un te diosetic yu'un Egipto; ya me ya'be sc'ahc'al soc ya me yic'ticlan bahel ta chuquel te diosetic yu'unique. Ya me spoc te sq'uinal Egipto hich te bin ut'il jtuhl jcanan-tuminchij ya sac' te sc'u'e, hich jun yo'tan ya xloc' bahel.

Jeremías 48:13

Hich te Moab ya xq'uexawan yu'un te Quemos, hich te bin ut'il Israel q'uexawan yu'un Bet-el, te ha smuc'ulinej yo'tan.

Jeremías 48:46

¡Obol aba, Moab! ¡Ch'ayic te pueblohetic yu'un Quemos! como te aquerem-nich'nab soc awantsil-nich'nab ic'otic bahel ta chuquel.

Jeremías 49:3

¡Oc'an, Hesbón, como jihnemix te Hai! ¡awonanic, yantsil-nich'nab Rabá, lapahic ch'ixal-pac', oq'uetaya abahic, ahnimajanic ta jehch ta jehch ta yutil te ts'ahc, como te Milcom ic'ot bahel ta chuquel soc te sacerdotehetic soc príncipaletic yu'unique.

Jeremías 49:4

¿Bin yu'un yac atoy aba yu'un te spamlejetic awu'un, te spamlejetic te bayel ya yac' sit, ha'at, antsat te ma junuc awo'tan, te ha smuc'ulinej awo'tan te ac'ulejal, te hich yac awal: ¿Mach'a c'an tal scontrahinon? te xchihate?

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Oseas 10:13

Pero ha'ex la ats'unic te bin chopol, soc la atsobic te bin ma stojiluc, la awe'be sit te lote. Te bin ut'il la smuc'ulin awo'tanic te be awu'unic soc te ay tsobol soldadohetic awu'un,

Números 21:29

¡Ay me awocol, Moab! ¡Ch'ayematix, pueblohat yu'un Quemos! Bahtic ta ahnel te queremetic yu'un, te yantsil-nich'nab bahtic ta chuquel yu'un Sehón ajwalil yu'un amorreohetic.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

Apocalipsis 18:7

Te hich yipal te la stoy sba soc te la sta te bintic la smulan, hich nix yipal a'beyahic sc'uxul soc smel-o'tan, como hich ya yal ta yo'tan: ¡Ho'on hich huculon te bin ut'il ajwalil-ants, ma ba me'ba' antson, soc mayuc bin ora ya coq'uetay jba! xchi.

Jueces 11:24

Te bin ya ya'bat awu'untay te Quemos te dios awu'un ¿ma bal yac awu'untay? Ha nix hich spisil te bin ya ya'botcotic Jehová te Dios cu'uncotic ya me cu'untaycotic.