Jeremías 48:41 - Bible in Tzeltal Bachajón

⁴¹ Ya yich'ic ochintayel te pueblohetic, soc tsalbilic te toyol ts'ahquetic. Ta hich ora hich ya xc'oht te yo'tanic te soldadohetic yu'un Moab te bin ut'il te yo'tan ants te ya x'alaje.

Bible in Tzeltal de Oxchuc y Tenejapa

⁴¹ Lumetic soc tulanil ts'ajq'uetic ya me x'ochic ta sc'ab te jcontroinwaneje. Te bi c'aalil ya xc'ot ta pasele, te soldadoetic yu'un Moab ya me xnijq'uic jich te bit'il ya x'alaj ants.

Jeremías 48:41 ပူးပေါင်းရင်းမြစ်များ

Isaías 13:8

Bayel me ya xiwic, ya xcuentahinotic yu'un wocol soc sc'uxul; hich sc'uxul te bin ut'il ya x'ayin yal te antse. Xcham yo'tanic jujutuhl te c'alal te ya yil sbahic, stsacoj c'ahc' te sit yelawic.

Isaías 21:3

Ha yu'un te bayel sc'uxul te jbaq'uetal, la stsacon te swocol te sc'uxul, hich te bin ut'il swocol te ya x'ayin yal te antse. Te mel-o'tan ma xya'bon ca'iy c'op, noj te co'tan ta xiwel te c'alal la jquile.

Jeremías 30:6

Joc'oya awa'iyic soc ilawilic, teme ay winic te ya x'alaje. ¿Bin yu'un te ya quil spisil te winiquetic te hich stsacojic sch'uhtic te bin ut'il ants te ya x'ayinix yal, te ch'ayem sch'ich'el spisil sit yelawic?

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Jeremías 4:9

Ta hich ora, xchi te Jehová, ya me xiw yo'tanic te ajwalil soc te príncipaletic, te sacerdotehetic ya me ya'iyic tulan xiwel, te jalwanejetic xcham yo'tanic ya ya'iyic yu'un, xchi.

Jeremías 48:24

Queriot, Bosra soc spisil te pueblohetic yu'un Moab te nopol soc namal ayique.

Jeremías 49:22

Ya me xwihl bahel hich te bin ut'il jxic, ya sjam te xic' ta stojol Bosra. Ta hich ora, te yo'tan te mach'atic ay yipic yu'un Edom hich ya xc'oht te bin ut'il te yo'tan ants te ya x'alaj, xchi.

Jeremías 49:24

Laj yip te Damasco, ya xbaht ta ahnel, tsacot yu'un xiwel soc wocol, tsacot yu'un sc'uxul, hich te bin ut'il ants ya x'alaj.

Jeremías 50:37

Ac'a yich'ic contrahinel yu'un espada te cawuhetic soc te carretahetic yu'unic, soc spisil te jyanlumetic te ay ta yohlil, hich ya xc'ohtic te bin ut'il antsetic; Ac'a yich'ic contrahinel yu'un espada te sc'ulejalic, ya me yich'ic pojbeyel te sbiluquic.

Jeremías 50:43

Te ajwalil yu'un Babilonia la ya'iybe sc'oblal, laj yip sc'ab yu'un, u'untayot yu'un tulan mel-o'tan soc sc'uxul hich te bin ut'il ants te ya x'alaj.

Jeremías 51:30

Te soldadohetic yu'un Babilonia quechajiquix ta yaq'uel guerra, hiliquix ta yutil te ahnibal ts'ahc yu'unique; lajix te yipic, hich c'ohtic te bin ut'il antsetic; a'bot sc'ahc'al te nahetic yu'unic, waq'uemic te sc'atal-te'eletic yu'unique.

Jeremías 6:24

La jca'iybetiquix sc'oblal, mayuc yip te jc'abtique. La yu'untayotic pich'il-o'tanil, hich te bin ut'il sc'uxul ya ya'iy te ants ya x'alaj.

Amós 2:2

Ya ca'be sc'ahc'al te Moab te ya slajinlan te tulan ts'ahquetic yu'un Queriot; ya xlaj Moab ta yohlil xnilet, c'alal ay aw yu'un guerra soc oq'uesinel corneta.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.