Jeremías 48:14 - Bible in Tzeltal Bachajón

¹⁴ ¿Bin ut'il te hich yac awalic: Tulan soldadohotic, ay quiptic yu'un guerra, te xchihexe?

Bible in Tzeltal de Oxchuc y Tenejapa

¹⁴ “Ma me xyal te Moab: “Jo'otic tulanotic, ay quiptic yu'un guerra”, ma me xiuc.

Jeremías 48:14 ပူးပေါင်းရင်းမြစ်များ

Salmos 11:1

Ha smuc'ulinej co'tan te Jehová; ¿bin yu'un hiche te hich yac awalbon: Ahnan bahel ta wits hich te bin ut'il mut,

Salmos 33:16

Te ajwalil ma ba ya xcoltayot ta scuenta bayel soldadohetic yu'un, soc te mach'a ma xiw ma xhu' ya xloc' ta ahnel ta scuenta bayel yip.

Eclesiastés 9:11

Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Isaías 10:13

Yu'un hich yaloj: Ho'on la jpas ta scuenta yip jc'ab soc ta scuenta sp'ijil co'tan, como ya jna' q'uinal. La jloq'ues te mojonetic yu'un te pueblohetic, la jpojbe te sc'ulejalic, soc hich la jin cohel ajwaliletic te bin ut'il mach'a ay yip.

Isaías 10:16

Ha yu'un te Cajwaltic Jehová te scuentahinej spisil, ya me sticon bahel chamel ta stojol te mach'atic ay yipic; ya xtsacot ta c'ahc' te sbaq'uetalic hich te bin ut'il c'ahc' te yac ta tihlele.

Isaías 16:6

La jca'iybetic sc'oblal te stoybahil te Moab, c'ax muc' te stoybahil, te yich'oj sba ta muc' soc te bayel stoyoj sbahe; pero mayuc scuentahil te bintic ya yal ta lot.

Jeremías 49:16

Ha la slo'loyat te atoybahil soc te stoybahil te awo'tane. Ha'at te nahinemat ta c'ubul tontiquil, te ha awu'un te stoyolil te witsiltic, aunque toyol yac apas apechech hich te bin ut'il muc'ul jxic, tey ya jcohtesat a, xchi te Jehová.

Jeremías 8:8

¿Bin ut'il ya xhu' yac awal: Ho'otic ay jp'ijiltic, ay ta jtojoltic te ley yu'un Jehová, te xchihexe? Melel ha la sutp'in ta lot te lotil pluma yu'un te mach'atic ya xts'ihbajic.

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Ezequiel 30:6

Hich yaloj te Jehová: Soc ya xyahlic te mach'atic ya scoltayic te Egipto, ya xch'ay te stoybahil yu'un te yipe; c'alal Migdol c'alal ta Asuán ya xlajic ta espada tey a, xchi te Jehová, te Ajwalil.

Sofonías 2:10

Hich ya x'a'botic yu'un te stoybahilic, como la yixta'c'optayic te pueblo yu'un Jehová te scuentahinej spisil, soc muc' la yac' sbahic ta stojol.