Jeremías 42:3 - Bible in Tzeltal Bachajón

³ C'ambeya te Jehová te Dios awu'un te yacuc yac' jna'cotic banti ya sc'an ya xbohotcotic soc bin ya sc'an ya jpascotic, xchihic.

Bible in Tzeltal de Oxchuc y Tenejapa

³ Albotic wocol a te Cajwaltic Dios, ac'a stojtesotic te bit'il ya sc'an ya x'ainotique, soc te bila ya sc'an ya jpastique —xiic.

Jeremías 42:3 ပူးပေါင်းရင်းမြစ်များ

1 Reyes 8:36

a'iybeya sc'opic c'alal ta ch'ulchan, pasbeya perdón te smulic te a'batetic awu'un, ha te pueblo Israel. A'beya snopic te lequil be te ya xbehenic bahel a, soc a'beya tal ha'al li' ta aq'uinal te la awa'be sq'uinalin te pueblo awu'une.

Esdras 8:21

La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Salmos 27:11

A'bon quil te be awu'un, Jehová, soc ic'awon bahel ta stojil be ta scaj te jcontrataque.

Salmos 86:11

A'bon quil, Jehová, te be awu'un, hich ya xbehenon a tey ta smelelil c'op awu'une; a'bon yich' yip te co'tan yu'un hich ya quich' ta muc' te abihile.

Proverbios 3:6

Ta spisil te bintic yac apas, na'a me te Jehová, ha ya stojobtesbat te behetic awu'un.

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Miqueas 4:2

Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

Deuteronomio 5:26

Como ¿mach'a a te ya ya'iybe sc'op te cuxul Dios te ya xc'opoj ta yohlil c'ahc', hich te bin ut'il la jca'iytiquix te ho'otic, te ya to xcuxaj xane?

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!