Jeremías 42:18 - Bible in Tzeltal Bachajón

¹⁸ Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Bible in Tzeltal de Oxchuc y Tenejapa

¹⁸ “Te Cajwaltic te Spisil ya xju' yu'une, te Dios yu'un Israel, ya yal: “Te quilimba til ta stojol te yajwal Jerusalén, jich nix ya xtil ta atojolic teme ya xbaex ta Egipto. Ja' me ya xc'atp'ujex ta ejemplo yu'un te castigo te ya yac' xiwel; soc ma'yuc bi ora ya awil xan in q'uinal to”, xi' xan.

Jeremías 42:18 ပူးပေါင်းရင်းမြစ်များ

2 Crónicas 34:25

ta scaj te la yihquitayonic soc la schic'beyic pom te yantic diosetic, hich la shachbonic quilimba a yu'un spisil te bintic la spasique. Ha yu'un ya xtal quilimba ta stojol te lugar ini, ma ba ya xtup'.

Isaías 30:3

Pero te yip te faraón ya sutp'ij ta aq'uexlal, te canantayel ta yaxinal Egipto, ha apehc'anel ya xc'oht.

Isaías 65:15

Te mach'atic tsahbilic cu'un ya me stuhumbeyex abihilic ta scuenta sc'anel castigo. Te Cajwaltic Jehová ya me smilex, yan te a'batetic yu'un ya yac'ticlambe yan sbihilic.

Jeremías 18:16

La sutp'inic ta jochol q'uinal te sq'uinalic, te labambil spisil ora. Spisil mach'atic ya xc'axic tey a xcham yo'tanic yu'un, ya sjimulan sjolic yu'un.

Jeremías 22:27

Ma ba ya scha'suhtex tal ta q'uinal banti awo'tanuc ya xcha'talex tey a.

Jeremías 23:40

Soc ya caq'uex ta q'uexlal spisil ora, ta pehc'anel sbahtel q'uinal te ma ba ya xch'ayot ta o'tanil, xchi.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 26:6

ya cac' te hich ya xc'oht te na ini te bin ut'il Silo soc te pueblo ini ya cac' te ma lecuc sc'oblal ya xc'oht ta stojol spisil te nacionetic ta bahlumilal, xchi.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 29:22

Spisil te mach'atic ic'otic loq'uel ta Judá, te ayic ta Babilonia, ta scuenta te cheb winiquetic ini ya me yalic te chopol c'oblalil ini: Te Jehová ac'a spasbat hich te bin ut'il la spasbe te Sedequías soc te Acab, te chic'otic ta c'ahc' yu'un te ajwalil yu'un Babilonia, xchihic.

Jeremías 33:5

(como teme ya xloq'uic bahel ta ya'beyel guerra te caldeohetic, ha nax ya xtuhun te nahetic te ya xnojic yu'un ta chamen baq'uet te ya cac'ticlan ta lajel ta scuenta quilimba, yu'un la jnac' jsit quelaw ta stojol te muc'ul pueblo ini),

Jeremías 44:12

Ya jtsac te mach'atic hilemic yu'un Judá te mero hich ya sc'an yo'tanic te ya xnahinic ta sq'uinal Egipto, ya me xlajic tey a. Ya me xlajic ta espada soc ta wi'nal. Muc' biq'uit ya xlajic ta espada soc ta wi'nal, soc ya xc'atp'ujic ta bin chopol sc'oblal, ta bin xiweltic sba, ta bin bohloben sc'oblal soc ta bin p'ajbil.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Jeremías 44:6

Ha yu'un mal cohel ta stojolic te quilimba soc te sc'ahc'al co'tan, soc tihl ta stojol te pueblohetic yu'un Judá soc ta callehetic ta Jerusalén. Hich jihnic soc jochol hilic c'alal ora ini.

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 6:11

Ha yu'un nojel co'tan ta yilimba Jehová, luhbenonix yu'un scomel jba. La yal te Jehová: Mala bahel ta stojol te alaletic ta calle soc ta stojol te queremetic banti stsoboj sbahic; como ya me yich'ic chuquel te winiquetic soc yihnamic, te mamaletic soc te mach'atic c'ax mamalixe.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Lamentaciones 2:4

La snit te st'ihmalte' hich te bin ut'il contra, chapalix te swa'el sc'ab hich te bin ut'il contra, la sjinticlan spisil te bintic t'ujbil ta ilel. Ta snahilpac' yu'un te yantsil-nich'an Sión la smal cohel yilimba hich te bin ut'il c'ahc'.

Lamentaciones 2:6

La sjin te snahilpac' hich te bin ut'il yaxna ta ts'umbil nichimetic, la sjin te yawil banti ya stsob sbahique. Te Jehová la yac' ch'ayuc ta o'tanil ta Sión te q'uinetic soc te sc'ahc'alel cux-o'tan; soc ta scuenta sc'ahc'al yilimba la sp'aj te ajwalil soc te sacerdote.

Lamentaciones 4:11

Te Jehová ts'acal c'oht te yilimba, la smal cohel te sc'ahc'al yo'tan, la ya'be sc'ahc'al te Sión te la slajin c'alal ta yich'o-ip.

Ezequiel 20:34

Ya jloq'uesex tal ta yohlil te pueblohetic soc ya jtsobex tal ta q'uinaletic te banti puhquemex bahel ta scuenta yip jc'ab soc te hachbil jc'ab soc ta scuenta sc'ahc'al te quilimba;

Ezequiel 22:22

Hich te bin ut'il ya x'uhl plata ta horno, hich nix ya x'uhlex ta yohlil te pueblo. Hich me yac ana'ic a te ho'on Jehovahon la jmalix cohel quilimba ta atojolic, xchi.

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Daniel 9:27

Ta jun xan semana ya schap sc'op soc tsobolic, ta j'ohlil semana ya scom ta aq'uel te milbil mahtanil soc te mahtanil yu'un harina. Ya me stehc'an bin ilobtic sba te ya xjinawan, ha to c'alal ya xc'oht ta stojol te jinaw te lajinel te chapal ya yich'e, xchi.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Zacarías 8:13

Hich te bin ut'il bohloben c'oblalil c'ohemex ta yohlil te nacionetic, pueblohex Judá soc pueblohex Israel, ha nix hich ya jcoltayex soc ha bendición ya xc'ohex. ¡Ma me xiwex! ¡A'beyahic yip ac'abic! xchi.

Números 5:27

Teme melel te sbohlobtesej sc'oblal soc te ma junuc yo'tan ta stojol te smamalal, te ha' ya xbohlobteswan ya x'och ta sbaq'uetal soc ya xhahch ta uts'inel yu'un, ya me siht' sch'uht soc ya me slewts'uj scub; ha bohloben me sc'oblal ya xc'oht ta yohlil te pueblo yu'une.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.