Jeremías 41:2 - Bible in Tzeltal Bachajón

² te Ismael snich'an Netanías soc te lajuntuhl winiquetic te joquimbil yu'un hahch smilic ta espada te Gedalías snich'an Ahicam, snich'an Safán. Hich la smilic te gobernador yu'un te q'uinal te otsesbil yu'un te ajwalil yu'un Babilonia.

Bible in Tzeltal de Oxchuc y Tenejapa

² te Ismael soc te lajuntul winiquetic te joinbil bael yu'une, jajch'ic ta ora soc spuñalic, la smilic te Gedalías, te ac'bot jilel yat'el ta ajwalil ta Judá yu'un te muc' ajwalil ta Babilonia.

Jeremías 41:2 ပူးပေါင်းရင်းမြစ်များ

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

2 Reyes 25:25

Pero ta shuquebal u, te Ismael snich'an Netanías, snich'an Elisama, sts'umbal ajwalil, tal soc lajuntuhl winiquetic, la yehchentesic te Gedalías, hich laj, soc la smilticlanic te mach'atic yu'un Judá soc te caldeohetic sjoquinejic ta Mizpa.

Salmos 109:5

Ya suhtesbonic ta bin chopol te bin lec, ya suhtesbonic ta il-o'tantayel te sc'uxul co'tan.

Salmos 41:9

Ha nix hich te mach'a c'ux ya ca'iy jba soc, te ha smuc'ul co'tan sc'oblal, te mach'a jun ya xwe'on soc, hahch scontrahinonix.

Jeremías 40:14

hich la yalbeyic: ¿Ya bal ana' te Baalis ajwalil yu'un te amonetic sticonej tal te Ismael snich'an Netanías yu'un ya smilat? xchihic. Pero te Gedalías ma ba la sch'uhun.

Jeremías 40:16

Pero te Gedalías snich'an Ahicam la yalbe te Johanán snich'an Carea: ¡Ma me hichuc xapas! Ma meleluc te bin yac awal yu'un te Ismael, xchi.

Jeremías 40:5

Teme yac ac'an ya xhilate, bahan ta stojol Gedalías snich'an Ahicam, snich'an Safán, te a'bot ya'tel yu'un te ajwalil yu'un Babilonia ta stojol te pueblohetic yu'un Judá, ayinan soc ta yohlil te pueblo, o bahan ta banti lec yac awa'iy, xchi. Te capitán la ya'be swe'el soc smahtan, soc la spatbe hilel yo'tan.

Jeremías 40:7

Spisil te capitanetic judiohetic soc te swinictac te ayic ta yohl q'uinal, c'alal la ya'iyic te otsesot ta gobernador te Gedalías snich'an Ahicam yu'un te ajwalil yu'un Babilonia, te a'bot ta scuenta te winiquetic, antsetic soc alaletic, ha te pobrehetic ta q'uinal te ma ba ic'otic bahel ta Babilonia,

Jeremías 40:8

talic ta stojol te Gedalías ta Mizpa. Te mach'atic te talic, ha te Ismael snich'an Netanías, Johanán soc Jonatán snich'nab Carea; Seraías snich'an Tanhumet; te snich'nab Efai te ay ta Netofa, soc Jezanías snich'an maacateo-winic, soc te swinictaque.

Jeremías 41:3

Te Ismael ha nix hich la smil spisil te judiohetic te sjoquinejic te Gedalías ta Mizpa soc te caldeo soldadohetic te tey ayic a.

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.