Jeremías 4:9 - Bible in Tzeltal Bachajón

⁹ Ta hich ora, xchi te Jehová, ya me xiw yo'tanic te ajwalil soc te príncipaletic, te sacerdotehetic ya me ya'iyic tulan xiwel, te jalwanejetic xcham yo'tanic ya ya'iyic yu'un, xchi.

Bible in Tzeltal de Oxchuc y Tenejapa

⁹ Te Cajwaltic jich ya yal: —Te c'alal ya xc'ot sc'aalelal, te muc' ajwalil soc te jtsobwanejetic ya xnijq'uic yu'un xiwel, te sacerdoteetic ya me yaiyic bayal xiwel, te j'alwanejetic jchajp nax me q'uinal ya yaiyic yu'un te xiwtesele —xi'.

Jeremías 4:9 ပူးပေါင်းရင်းမြစ်များ

2 Reyes 25:4

ay banti la sjamic te sts'ahcul te pueblohe. Aunque joytaybil te pueblo yu'un te caldeohetic, spisil te soldadohetic loq'uic ta ahnel ta ahc'abal ta ochibal ta yohlil te cheb ts'ahquetic, ta banti ay te ts'umbil te'etic yu'un te ajwalil. La st'unic bahel te sbehlal Arabá,

Salmos 102:4

Ehchenajem co'tan soc taquijem hich te bin ut'il ac; ha yu'un ya xch'ay ta co'tan te ya jwe' te pan cu'une.

Isaías 19:16

Ta hich ora te egipciohetic hich ya xc'ohtic te bin ut'il antsetic; ya me xnihc yo'tanic yu'un xiwel ta stojol te sc'ab Jehová te scuentahinej spisil te ya stoy ta stojolic.

Isaías 19:3

Ya xlaj yip yo'tanic te egipciohetic, ya jlajimbe te bin schapojique. Ha yu'un ya sjoc'obeyic te yahcananic soc te mach'atic ya sc'oponic ch'uhlelaletic, te jwoyawetic soc te jna'ojeletique.

Isaías 28:19

Te jayeb buelta ya xtal, ya me yiq'uex bahel; jujun c'ahc'al ya xc'ax bahel, c'ahc'al, ahc'abal; mero xiweltic sba ta a'iybeyel sc'oblal te c'op ini.

Jeremías 2:26

Hich te bin ut'il ya xq'uexaw j'elec' te c'alal ya xchicnaj, hich ya xq'uexawic te sna Israel, ha'ic soc te ajwaliletic, príncipaletic sacerdotehetic soc te jalwanejetic yu'unic,

Jeremías 25:34

¡Oc'anic, jcanan-tuminchijetic, awonanic! ¡Bahlana abahic ta sts'ubil lum, ha'ex jtsobawex yu'un te jtsohb tuminchijetic! yu'un c'ohtix yorahil te yac awich'ic milel soc puhquel bahel. Ya me xyahlex hich te bin ut'il t'ujbil vaso.

Jeremías 37:19

¿Banti ayic te jalwanejetic awu'un te hich la yalbeyex: Ma ba ya xtal te ajwalil yu'un Babilonia yu'un ya yac' guerra ta atojolic soc ta q'uinal ini, te xchihique?

Jeremías 48:41

Ya yich'ic ochintayel te pueblohetic, soc tsalbilic te toyol ts'ahquetic. Ta hich ora hich ya xc'oht te yo'tanic te soldadohetic yu'un Moab te bin ut'il te yo'tan ants te ya x'alaje.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Jeremías 52:7

la yich' jamel te sts'ahcul te pueblo, spisil te soldadohetic loq'uic ta ahnel. Ta ahc'abal loq'uic bahel ta pueblo ta ochibal te ay ta yohlil te cheb ts'ahc te nopol ayic ta ts'umbil nichimetic yu'un te ajwalile, bahtic ta sbehlal Arabá, aunque joytaybil yu'un te caldeohetic te pueblohe.

Hechos 13:41

Ilawilic, ha'ex jlabanwanejex, xiwanic soc ch'ayanic ta q'uinal, yu'un ay bin ya jpas ta yorahil awu'unic te ma ba yac ach'uhunic, aunque ya xhalbotex awa'iyic, te xchihe, xchi te Pablo.