Jeremías 4:8 - Bible in Tzeltal Bachajón

⁸ Ha yu'un lapahic paq'uetic yu'un mel-o'tan, oc'anic soc ahcanajanic, como te sc'ahc'al yilimba Jehová ma ba yihquitayejotic.

Bible in Tzeltal de Oxchuc y Tenejapa

⁸ Jich yu'un, lapaic ch'ixal paq'uetic, oc'anic, soc ajc'anajanic yu'un xc'uxul mel-o'tan. “Melel te sc'ajc'al yilimba Cajwaltic te yac ta tilele, ma ba sq'uejoj bael ta jtojoltic”, xaex me ta yalel —xi' te Cajwaltique.

Jeremías 4:8 ပူးပေါင်းရင်းမြစ်များ

Salmos 78:49

La stihltes bahel yilimba ta stojolic, ha te sc'ahc'al yo'tan, te yilimba soc te sc'uxul wocol, ha a'batetic te ya xlajinwanique.

Isaías 10:4

Mayuquix bin yan ay ta pasel, ha xanix te yac ac'ol abahic ta yohlil te jchuqueletic, te ya xyahlex bahel ta yohlil te mach'atic lajic ta milel. Ta spisil ini, ma ba lahmaj yilimba, shachoj to te sc'ab ta yaq'uel castigo.

Isaías 13:6

¡Ahcanajanic, yu'un nopol ya xc'ohtix te sc'ahc'alel yu'un Jehová! ¡Ya xtal hich te bin ut'il te lajinel ya xtal ta stojol te Mach'a spisil ya xhu' yu'un!

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Isaías 32:11

¡Nihcanic, ha'ex te mayuc bin ay sc'oblal ta awo'tanic; nihcuc awo'tanic, ha'ex te jun awo'tan ayex! ¡Loq'uesa ac'u' apaq'uic, watal me ya xhilex, chuca ach'uhtic soc ch'ixal pac'!

Isaías 5:25

Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.

Isaías 9:12

ha te siriahetic ta banti ya xloc' tal c'ahc'al soc te filisteohetic ta smahlib c'ahc'al; jamal yehic ya me sbiq'uic cohel te Israel. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Isaías 9:17

Ha yu'un te Jehová ma ba lec yo'tan yu'un te ach'ix-queremetic yu'unic, soc ma ba ya sna'be yo'bolil sbahic te me'ba' alaletic soc te me'ba' antsetic, como ta spisilic ma lecuc yo'tanic soc chopolic, spisilic mayuc scuentahil bin ya yalic. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Isaías 9:21

te Manasés ya slajin te Efraín, te Efraín ya slajin te Manasés, schebalic ya scontrahinic te Judá. Ta spisil ini, ma ba lahmaj yilimba, shachoj to te sc'ab ta yaq'uel castigo.

Jeremías 25:34

¡Oc'anic, jcanan-tuminchijetic, awonanic! ¡Bahlana abahic ta sts'ubil lum, ha'ex jtsobawex yu'un te jtsohb tuminchijetic! yu'un c'ohtix yorahil te yac awich'ic milel soc puhquel bahel. Ya me xyahlex hich te bin ut'il t'ujbil vaso.

Jeremías 30:24

Ma ba ya xlahmaj te sc'ahc'al yilimba Jehová ha to c'alal ya xc'oht ta pasel yu'un te bin snopoj ta yo'tane. Ta patil bahel ya xc'oht ta awo'tanic ini.

Jeremías 48:20

Pehc'anotic te Moab como la yich'ix jinel. Oq'uetayahic, awonanic yu'un. Pucahic ta halel ta Arnón te la yich'ix jinel te Moab, xchi te Jehová.

Jeremías 6:26

¡Pueblo cu'un, lapa ch'ixal pac' soc balana aba ta tan! Tulan me ya x'oc'athich te bin ut'il ya yich' oq'uetayel hip jtuhl querem, como ta jts'ihn ya xtal ta jtojoltic te jlajinwanej.

Lamentaciones 1:12

¿Ma bal ayuc sc'oblal ta awo'tanic, ha'ex te ya xc'axex bahel ta be tey a? Ilawilic teme hich ay sc'uxul te bin ut'il te sc'uxul te tal ta jtojol; como te Jehová la ya'bon jwocol ta sc'ahc'alel yilimba.

Ezequiel 21:12

Snich'anat winic, awonan soc oc'an, como ha sc'oblal te pueblo cu'un, ha sc'oblal spisil te jcuentahinwanejetic yu'un Israel: pajal ya xyahlic ta espada soc te pueblo cu'une. ¡Majulana awa' yu'un!

Ezequiel 30:2

Snich'anat winic, hich me xawal ta sc'op-jalwanej: Hich yaloj te Jehová: Hich me xawal ta oq'uel: ¡Ay wocolil ta hich c'ahc'al! xchihex.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Amós 8:10

Ya jsutp'in ta oq'uel te q'uinetic awu'unic soc spisil te c'ayojetic awu'unic ya jsutp'in ta mel-o'tan; ya cac' te yac alapic c'u'ul scuenta mel-o'tan soc ya yich' quits'el spisil stsotsel ajolic. Ya cac' te hich ya xc'oht te q'uinal te bin ut'il oq'uel yu'un te mach'a ch'ayem te hip jtuhl snich'an, soc te slajibal hich ya xc'oht te bin ut'il ch'a te sc'ahc'alele.

Miqueas 1:16

Bula loq'uel, quits'a stsotsel ajol, yu'un te awal-anich'nab te c'ux ta awo'tane; t'axana ajol hich te bin ut'il sjol te hos, como namal ya xbahtic ta chuquel ta atojol.

Números 25:4

Te Jehová hich la yalbe te Moisés: Tsoba spisil te príncipaletic yu'un te pueblo, johc'anlana ta te' ta c'ahc'alel ta stojol Jehová, hich ya xlahmaj a te yilimba Jehová ta stojol Israel, xchi.