Jeremías 4:5 - Bible in Tzeltal Bachajón

⁵ Pucahic ta halel ta Judá, halbeyahic sc'oblal ta Jerusalén, hich me yac awalic: Oq'uesinahic corneta ta q'uinal, xchihex; awonanic, hich me yac awalic: Tsoba abahic, ochucotic bahel ta pueblohetic te ayic sts'ahcul, xchihanic me.

Bible in Tzeltal de Oxchuc y Tenejapa

⁵ “Pucaic ta alel ta Jerusalén soc ta sq'uinal Judá, awunanic soc oq'uesinaic oq'ues ta spuquel ta spamal te lumq'uinale, tulan xawawtayic ta jyalel: “Conic, ya jtsob jbatic, ta lumetic te tulanic sts'ajc'ule”, xaex me.

Jeremías 4:5 ပူးပေါင်းရင်းမြစ်များ

Isaías 28:19

Te jayeb buelta ya xtal, ya me yiq'uex bahel; jujun c'ahc'al ya xc'ax bahel, c'ahc'al, ahc'abal; mero xiweltic sba ta a'iybeyel sc'oblal te c'op ini.

Jeremías 11:2

A'iybeya awa'iyic bin ya yal te chapbil-c'op ini, soc halbeya ya'iyic spisil te winiquetic yu'un Judá soc te mach'atic nahinemic ta Jerusalén.

Jeremías 35:11

Pero c'alal la yochintay te q'uinal te Nabucodonosor ajwalil yu'un Babilonia, hich la jcalcotic: La'ic, ya jnac' jbahcotic ta Jerusalén ta stojol te soldadohetic yu'un te caldeohetic soc yu'un te siriahetic, xchihotcotic. Ha yu'un te nahinemotcotic ta Jerusalén, xchihic.

Jeremías 5:20

Hich me yac apuc ta halel ta stojol te sna Jacob soc hich me yac awal ta Judá:

Jeremías 6:1

¡Ahnanic bahel, sts'umbalex Benjamín, ahnanic loq'uel ta Jerusalén! ¡Oq'uesinahic corneta ta Tecoa, toyahic mohel señahil ta Bet-haquerem! como ay bin chopol ya xtal ta stojol norte, ya xtal muc'ul jinel.

Jeremías 8:14

¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Jeremías 9:12

¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Ezequiel 7:14

Ya yoq'uesinic te corneta soc ya schahpanic spisil; pero mayuc mach'a ya xloc' bahel ta guerra, como ay ta stojol spisilic te quilimba.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Joel 2:1

Oq'uesinahic corneta ta Sión, ac'a ta na'el ta ch'ul wits cu'un. Ac'a nihcuc spisil te mach'atic nahinemic ta q'uinal, yu'un ya xtal te sc'ahc'alel yu'un Jehová, yu'un nopolix.

Amós 3:6

¿Ya bal yich' oq'uesinel corneta ta pueblo te ma ba ya xnihquic ants-winiquetic yu'un? ¿Ay bal wocol ya xc'oht ta pueblo te ma ba ticombil yu'un Jehová?

Amós 3:8

Teme awon te choj ¿mach'a a te ma ba ya xi'e? Teme ay bin ya yal te Jehová ¿mach'a a te ma ba ya yal sc'op-jalwanej?

Números 10:2

Pasa cheb cornetahetic ta plata tembilic ta martillo; ha ya xtuhun awu'unic yu'un stsobel te pueblo soc yu'un shachel te campamento.

Números 10:3

C'alal ya yich' oq'uesinel schebal, spisil te pueblo ya stsob sbahic tal ta atojol ta yochibal te Nahilpac' Templo yu'un tahojibal.

Josué 10:20

Te c'alal hu'ix yu'unic te Josué soc te snich'nab Israel te c'ax bayelic la smilic ha to c'alal lajic spisilic, te jayeb cuxul hilic ochic bahel ta pueblohetic te ay sts'ahcul.