Jeremías 4:30 - Bible in Tzeltal Bachajón

³⁰ Ha'at te jihmbilat, ¿bin yacat ta spasel? Aunque yac alap tsajal c'u'ul, aunque yac ach'al aba ta oro, aunque yac abon te asite, tojol yac ach'al aba, como ya sp'ajat te mach'atic smulanejat, ya slehbat acuxlejal.

Bible in Tzeltal de Oxchuc y Tenejapa

³⁰ Ja'at lum, jinematix. ¿Bistuc ya alap t'ujbil c'u'iletic? ¿Bistuc ya ach'al aba ta oroetic? ¿Bistuc ya abon ta ijc'al pintura te asite? Ma xtuun ta jyalel te jelawen awutsil ya awac' abae, melel te mach'atic la smulanate, la xch'ojatix jilel. Te bila ya sleat xan yu'une, ja'ix te alajibe.

Jeremías 4:30 ပူးပေါင်းရင်းမြစ်များ

2 Reyes 9:30

Te Jehú baht ta Jezreel. C'alal hich la ya'iy te Jezabel, la sbon sit, la sch'ahl sjol, baht yil ta ventana.

Proverbios 6:25

Ma me xbic'taj awo'tan yu'un te st'ujbilal, ma me xawac' yu'untayat te site,

Proverbios 7:10

Loc' tal ta tahel yu'un jtuhl ants, slapoj sc'u' yu'un j'antsinel-ants soc ay bin snopoj ta yo'tan.

Isaías 10:3

¿Bin yac apasic ta yorahil ich'el ta c'op, te c'alal namal ya xtal te jinele? ¿Mach'a yac ac'ambe coltayel? ¿Banti yac awaq'uic hilel te ac'ulejalique?

Isaías 20:6

Ta hich ora hich ya yalic te mach'atic nahinemic ta ti'mar li'i: ¡Ilawil te bin c'oht ta pasel ta stojol te mach'a smuc'ulinej co'tantic, te la jc'ambetic coltayel yu'un ya scoltayotic loq'uel ta sc'ab te ajwalil yu'un Asiria! Ta ora ini, ¿bin ut'il ya xloc'otcotic ta ahnel? xchihic yu'un, xchi te Jehová.

Isaías 33:14

Te jmulawiletic ta Sión ya xiwic, ya xnihquic te mach'atic ma tojuc yo'tanic, hich ya yalic: ¿Mach'ahotic a te ya xhu' ya xnahinotic soc te c'ahc' te ya xlajinwan? ¿Mach'ahotic a te ya xhu' ya xnahinotic soc te yat c'ahc' te sbahtel q'uinal ay? xchihic.

Jeremías 13:21

¿Bin yac awal yu'un te c'alal Jehová ya yac' scuentahinat te mach'atic la anohptes te ha awamigo ya xc'ohtic? ¿Ma bal yacuc ya'beyex sc'uxul, hich te bin ut'il ants te ya x'ayin yale?

Jeremías 22:23

Ha'at te nahinemat ta Líbano, te apasoj apechech ta cedrohetic, ya me x'ahcanajat te c'alal ya xtal te sc'uxule, ha te sc'uxul hich te bin ut'il ants ya x'alaj.

Jeremías 30:14

Spisil te mach'atic smulanejat ya xch'ayat ta yo'tanic; ma ba ya slehat, yu'un la jquehchentesat hich te bin ut'il acontra, ha te castigo yu'un j'uts'inwanej, ta scaj te c'ax muc' achopolil soc te bayel amul.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Lamentaciones 1:19

La jcawtay te mach'atic la yantsinonic, pero la slo'loyonic. Te sacerdotehetic soc te mamaletic cu'un lajic ta pueblo c'alal yacalic ta slehel swe'elic yu'un ya xcuxajic.

Lamentaciones 1:2

Pich'il yo'tan ta oq'uel ta ahc'abal, sch'alet ya'lel sit ta scho. Ta spisil te mach'atic antsinot c'ohem yu'un mayuc jtuhluc te ya xmuc'ubtesbot q'uinal ya'iy yu'un; ihquitayot yu'un spisil yamigotac, c'atp'ujemix ta scontratac.

Lamentaciones 4:17

Luhb te jsitique, tojol yac ta smahliyel yil coltayel; quechelotic ta smahliyel te nación te ma xhu' ya xcoltaywan.

Ezequiel 28:13

Ayat ta Edén, ta ts'umbil-te'etic yu'un Dios; ch'albilat ta spisil ta chahp t'ujbil tonetic: chicmulmul, c'anmulmul, sts'aylajan-ton, yax-el'el, yaxcancan, ónice, yaxts'ajts'aj, granate, yaxal-ton; te ch'ahlelaletic soc te staq'uinal chiquiniletic awu'un pasticlambilic ta oro; la yich'ic chahpanel ta acuenta te bin c'ahc'alil pasotat.

Ezequiel 28:9

¿Hich bal ya xc'opojat ta stojol te mach'a ya smilat: Ho'on dioson, xchihat bal? Ha'at winicat, ma diosucat ta sc'ab te mach'a ya smilate.

Abdías 1:7

Spisil te mach'atic jun awo'tan soc la slo'loyat; la yac'at bahel c'alal ta sti'il te q'uinale; Te mach'atic lamal q'uinal yac awa'iy soc, la stsalat; te mach'atic la swe'bat te pan awu'un la spasbat ayacol ta awe'tal. ¡Mayuc sp'ijil yo'tan te Edom!

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Apocalipsis 17:13

Junax bin snopojic, ya me ya'beyic te chambahlam te xiweltic sba te yipic soc te ya'tel yich'ojique.

Apocalipsis 17:2

La yantsinic te ajwaliletic ayic ta bahlumilal, soc te mach'atic nahinemic ta bahlumilal yacubenic ta vino yu'un te yajmul, xchi.

Apocalipsis 17:4

Te antse chi'in-yax soc tsaj te sc'u' slapoj, ch'albil ta oro, t'ujbil tonetic soc ta perlahetic, soc yich'oj ta sc'ab jun copa pasbil ta oro, nojel ta bintic ilobtic sba soc te yajmule.