Jeremías 4:3 - Bible in Tzeltal Bachajón

³ Te Jehová hich ya yalbe spisil te mach'atic yu'un Judá soc Jerusalén: Chahpanahic te lum te ma chahpambiluc awu'unic; soc ma me xawa'iyic ts'umbajel ta yohlil ch'ixileltic.

Bible in Tzeltal de Oxchuc y Tenejapa

³ Te Cajwaltic jich ya yalbey te ants-winiquetic ta Judá soc Jerusalén: —C'altayaic te q'uinal te ma c'altaybiluque; ma ba ya awaiyiquix ts'unbajel ta yolil ch'ixtiquil.

Jeremías 4:3 ပူးပေါင်းရင်းမြစ်များ

Génesis 3:18

Ya xcol bayel ta chahp ch'ixetic, soc yac awe'ic itaj te ya xcol ta q'uinal.

Éxodo 23:11

yan ta shuquebal ha'bil ya me awa'be scux yo'tan, mayuc bin ya yich' awel tey a, scuenta yu'un ha ya swe'ic te pobrehetic te ay ta alumal, soc te bin ya xhil yu'unic ha ya swe' te ha'mal chambahlametique. Ha nix hich xapas soc ats'usubil soc te olivo awu'une.

Oseas 10:12

Ts'unahic te bin toj ta pasel, tsobahic te c'uxul-o'tanil; chahpanahic lum te ma to tucbiluc, como yorahilix slehel te Jehová, ha to c'alal ya xtal soc ya yac' tal ta atojolic te bin toj ta pasel hich te bin ut'il ha'al.

San Mateo 13:22

Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

San Mateo 13:7

Ay c'oht ta yohlil ch'ixileltic, c'alal tohy mohel te ch'ixetic, ha tenot yu'un.

San Marcos 4:7

Ay c'oht ta yohlil ch'ixileltic, pero tohy mohel te ch'ixetic, tenot yu'un, hich ma ba sitin.

San Lucas 8:14

Te c'oht ta yohl ch'ixileltic, ha sc'oblal te mach'atic ya ya'iyic, pero c'alal ya xc'ax c'ahc'al ya xtenotic yu'un te bintic ya xmacotic yu'un, ha te c'uhlejalil soc te yac'oltayel scuxlejal, hich ma xyijub sit.

San Lucas 8:7

Ay c'oht ta yohl ch'ixileltic, pero tenot yu'un te ch'ix te pajal ch'ihy soc.