Jeremías 4:22 - Bible in Tzeltal Bachajón

²² Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Bible in Tzeltal de Oxchuc y Tenejapa

²² Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 4:22 ပူးပေါင်းရင်းမြစ်များ

Génesis 39:16

La sq'uejbe te sc'u' José ha to c'alal hul ta sna te yajwal.

2 Samuel 13:3

Pero te Amnón ay yamigo, Jonadab sbihil, snich'an Simea, sbanquil te David. Te Jonadab ya sna' lo'loywanej,

Salmos 36:3

Te c'opetic ya xloc' ta ye ha chopol c'op soc lo'loywanej; hilix yu'un te sp'ijil soc spasel te bin leque.

Salmos 36:4

Ta swayib ya snopilan te bin chopol; ay ta banti ma lequil behuc, ma ba ya sp'aj te bin chopole.

Salmos 53:4

¿Ma bal ayuc snopojibal yu'un te mach'atic ya spasic bin chopol, ha te ya slajimbonic te pueblo cu'un hich te bin ut'il ya swe'ic pan, soc te ma xyalbeyic wocol te Diose?

Salmos 82:5

Ma sna'ic, ma xc'oht ta yo'tanic, ya xbehenic ta yihc'al q'uinal; ya xnihquic spisil te yich'o-ip te lumq'uinale.

Proverbios 28:5

Te mach'atic chopol yo'tanic, ma xc'oht ta yo'tanic stojil chahpanel, yan te mach'atic ya slehic te Jehová ya xc'oht ta yo'tanic spisil.

Isaías 1:3

Te j'a'tel-wacax ya sna'be sba te yajwal, te burro ya sna'be sba te yawil swe'el yu'un te yajwal, yan te Israel ma sna', mayuc snopojibal yu'un te pueblo cu'une, xchi.

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.

Jeremías 10:8

Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Jeremías 4:21

¿Jayeb xan c'ahc'al ya sc'an te ya quil te bandera soc te ya ca'iybe sc'op te corneta?

Jeremías 5:21

A'iya awa'iyic ini, ha'ex pueblohex te sonsohex soc mayuc awo'tanic, te ay asitic, pero ma xawilic q'uinal, te ay achiquinic, pero ma xawa'iyic q'uinal.

Jeremías 5:4

La jcal ta co'tan: Melel ha pobrehetic ini, sohquem sjolic, ma sna'beyejic sba te be yu'un Jehová, te bin ya sc'an te Dios yu'unique.

Jeremías 9:2

¡Te ayuc cu'un ta jochol taquin q'uinal wayibal na yu'un mach'atic ya xbehenic, scuenta yu'un ya quihquitay hilel te jlumal, te namal ya xbohon ta stojolic! Como spisilic j'antsiwejetic soc jchahp j'ac'awetic ta c'abal.

Jeremías 9:3

Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Jeremías 9:5

Jujutuhl ya slo'loy te mach'a sjoc sba soc, mayuc mach'a ya yal te bin smelelil. La ya'beyic snop yalel lot te yehique, ya ya'telinic spasel te bintic chopol.

Ezequiel 16:30

¡Mero xyal xmo awo'tan! xchi te Jehová, te Ajwalil, te la apas spisil ini, ha te ya'tel j'antsinel-ants te ma xq'uexaw;

Oseas 4:1

Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

Oseas 4:6

La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Oseas 5:4

Te ya'telic ma xyaq'uic te ya suhtic tal ta stojol te Dios yu'unique, como ha nax ya sc'anic antsiwej, ma sna'beyic sba te Jehová.

Amós 3:10

Ma sna'ic spasel bin toj, xchi te Jehová; ya stsobic ta tulan ts'ahquetic yu'unic bintic elc'ambil soc te bintic pojbile.

Miqueas 2:1

Ay me swocolic te mach'atic ay ta swayibic a te ya snopic spasel bintic chopol, te ya schapic bin chopol ya spasic, c'alal ya sacub q'uinal ya sc'ohtesic ta pasel, como ya xhu' yu'unic te ya spasique.

Miqueas 7:3

Scuenta ts'acal ya spas te bin chopol, te príncipal ay bin ya xc'ambot yu'un, te juez ya sc'an smahtan ta chahpanwanej; te mach'a muc' sc'oblal ya yal chican bin ya sc'an yo'tan, pajal ya yaq'uic c'ohtuc ta pasel.

San Lucas 16:8

Te yajwal la yalbe lec sc'oblal te chopol jcanan-biluc te bin ut'il la sna' bin la yut. Como te mach'atic scuenta bahlumilal c'ax hich ya sna'ic a bin ya yut soc te smohloltac te bin ut'il te mach'atic ayic ta scuenta sacal q'uinal.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

Romanos 1:22

P'ijic ta sc'opic, pero sonso c'ohtic.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Romanos 16:19

Puhquem ac'oblalic ta bayuc te yac ach'uhunic mandar, ha yu'un tse'el co'tan awu'unic. Pero ya jc'an te ay sp'ijil awo'tanic ta spasel te bin lec, te ma xana'ic spasel te bin ma lecuque.

Romanos 3:11

mayuc mach'a ya xc'oht ta yo'tan, mayuc mach'a ya sle te Diose.

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

Deuteronomio 32:28

Como te Israel ha jun nación te mayuc sp'ijil yo'tan, ma ba ya sna' q'uinal.

Deuteronomio 32:6

¿Hich bal yac atojic a te Jehová, jsohquejol pueblohex te mayuc sp'ijil awo'tanic? ¿Ma bal ha'uc atat te la spasat? Ha la spasat soc la yac' ayinucat.