Jeremías 4:16 - Bible in Tzeltal Bachajón

¹⁶ Hich me xawalbe te nacionetic, halbeya te Jerusalén: Yac ta talel ta namal q'uinal mach'atic ya x'ochintaywanic, ya x'awonic yu'un guerra ta scontrahinel te pueblohetic yu'un Judá.

Bible in Tzeltal de Oxchuc y Tenejapa

¹⁶ “Jultesbeya yo'tanic te nacionetic soc Jerusalén te ay lum, c'ubul ay, te banti ya xtal te controetique; ya stoyesic yawic yu'un guerra ta yilbeyel yo'tanic te lumetic yu'un Judá.

Jeremías 4:16 ပူးပေါင်းရင်းမြစ်များ

Isaías 34:1

¡Nohpojanic tal, nacionetic, a'iya me awa'iyic; a'iya awa'iyic, ha'ex pueblohex! Ac'a ya'iy te lumq'uinal soc spisil bintic ay tey a, ac'a ya'iy te bahlumilal soc spisil te bintic ya xloc' tey a.

Isaías 39:3

Ha yu'un te jalwanej Isaías baht ta stojol te ajwalil Ezequías, hich la sjoc'obe: ¿Bin la yalic te winiquetic, soc banti talemic? xchi. La sjac' te Ezequías: Namal talemic, talemic ta Babilonia, xchi.

Jeremías 1:15

Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

Jeremías 16:6

Muc' biq'uitetic ya me xlajic ta q'uinal ini. Ma ba ya yich'ic muquel soc ma ba ya x'oq'uetayotic; mayuc mach'a ya yehchentes sbaq'uetal o te ya squits' loq'uel stsotsel sjolic yu'unic.

Jeremías 2:15

Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.

Jeremías 31:10

A'iybeya awa'iyic te sc'op Jehová, nacionetic, halbeyahic sc'oblal ta sti'il mar te namal ayic: Te mach'a la spuc bahel te Israel ya stsob tal soc ya scanantay, hich te bin ut'il te jcanan ya scanantay te jtsohb tuminchijetic yu'une, xchihex me.

Jeremías 39:1

Ta slajunebal u yu'un te sbalunebal ha'bil yochel ta ajwalil yu'un Judá a te Sedequías, te Nabucodonosor ajwalil yu'un Babilonia soc spisil te soldadohetic yu'un la sjoytayic ta guerra te Jerusalén.

Jeremías 4:17

Ha ya sjoytayic hich te bin ut'il mach'atic ya scanantayic q'uinal, como la stoy sba ta jtojol, xchi te Jehová.

Jeremías 5:15

Sts'umbalex Israel, ya quic' tal ta atojol jun nación te namal ay, xchi te Jehová; jun nación te ay yip soc te nameyix, te ma xana'beyic sc'op, ma xawa'iy te bin ya yalique.

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Jeremías 50:2

Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Jeremías 6:18

Ha yu'un a'iya awa'iyic, nacionetic, c'ohtuc ta awo'tanic, pueblohat, te bin ya xc'oht ta pasel ta stojolic.

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Jeremías 6:22

Hich yaloj te Jehová: Ilawil, yac ta talel jun pueblo ta q'uinal ta stojol norte, jun muc'ul nación ya xhahch ta sti'il te bahlumilale.

Jeremías 6:23

Chapalic soc st'ihmalte'ic soc slanzahic; ha j'uts'inwanejetic, mayuc xc'uxul yo'tanic. Te sc'opic hich ay te bin ut'il ya x'awon te mar, soc cajajtic ta cawu hich te bin ut'il winiquetic chapalic yu'un ya ya'bat guerra yantsil-nich'anat Sión, xchi.

Jeremías 8:19

A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Ezequiel 21:22

Te jna'ojel la yac' ta na'el te swa'el-c'ab, ha te Jerusalén, yu'un ya yal mandar te ya me xhahch ya'be guerra, yu'un ya xhahch te miltamba, yu'un ya xtohy aw yu'un guerra, yu'un ya schahpan a'tejibaletic yu'un sjinel te ochibaletic, yu'un ya spas mohel but'bil lum soc smohibaletic te sts'ahcule.