Jeremías 4:14 - Bible in Tzeltal Bachajón

¹⁴ Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

Bible in Tzeltal de Oxchuc y Tenejapa

¹⁴ Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Jeremías 4:14 ပူးပေါင်းရင်းမြစ်များ

Salmos 119:113

Ya quihlay te mach'atic jchebal-o'tanetic, pero ha c'ux ta co'tan te ley awu'une.

Salmos 51:2

¡Pocbon loq'uel spisil te bin chopol jpasoj, lecubtesawon yu'un te jmule!

Salmos 66:18

Te ayuc bin chopol jnopoj ta co'tan, ma ba la ya'iybon jc'op te Cajwal te hichuque.

Proverbios 1:22

Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

Jeremías 17:1

Te smul te Judá ts'ihbabil ta cincel-taq'uin soc ta jay sni'il diamante-ton, bojticlambil ochel ta yo'tanic soc ta xulubiletic yu'un te scajtajib ta chiq'uel mahtaniletic yu'unic,

Jeremías 18:11

Halbeya hiche te ants-winiquetic ta Judá soc te mach'atic nahinemic ta Jerusalén: Hich yaloj te Jehová: Yacon ta schahpanel te bin chopol ta atojolic, yacon ta schahpanel te bin ya scontrahinex. Jujutuhl, ihquitayahic hilel te chopol behetic awu'unic; tojobtesahic te behetic awu'unic soc te awa'telic, xchihat.

Jeremías 2:22

Aunque yac apoc aba ta lejía soc yac atuhun bayel xapon, stalel ay ta jtojol te yabaquil te amule, xchi te Cajwaltic Jehová.

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

Zacarías 8:17

Ma me ayuc mach'a ya snop ta yo'tan te bin chopol ta scontrahinel te spat-xuhc, ma me xamulanic yalel ta jamal lot, como ya jp'aj spisil ini, xchi te Jehová.

San Mateo 12:33

Teme lec te te', lec sit ya yac'; teme ma lecuc te te', ma lecuc te sit ya yac', como ta scuenta sit ya xna'bot sba te te'e.

San Lucas 11:39

Pero hich halbot yu'un te Cajwaltique: Ha'ex te fariseohex yac apocbeyic spat te vaso soc te plato, pero ta yutil nojel ta bic'tal-o'tanil soc ta bin chopol.

San Juan 13:9

La yal te Simón Pedro: Cajwal, ma ha'uc nax xapocbon te coque, pocbon ec te jc'ab soc jol, xchi.

Hechos 8:22

Suhtesa awo'tan yu'un achopolil, c'ambeya Dios te yacuc spasbat perdón yu'un bin anopoj ta awo'tan,

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

1 Corintios 3:20

Soc hich ts'ihbabil xan: Te Cajwaltic sna'oj te ma xtuhun te bin snopoj te mach'atic p'ijique, xchi.

Santiago 4:8

Nohpojanic ta stojol Dios, hich ya xnohpoj ta atojolic. Jmulawiletic, poca ac'abic; soc ha'ex te cheb awo'tanique, poca awo'tanic.