Jeremías 4:13 - Bible in Tzeltal Bachajón

¹³ Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Bible in Tzeltal de Oxchuc y Tenejapa

¹³ Ilawilic te contro yacalic ta noptsajel tel jichuc tocal, te scarretaic yu'un guerra, pajal soc yilel te mero tulan iq'ue, te caballoetic yu'unique, c'ax to jich ya xbeenic yu'un a te bit'il águilae. Obal jbatic, jo'otic te ch'ayemotique.

Jeremías 4:13 ပူးပေါင်းရင်းမြစ်များ

2 Samuel 1:23

Saúl soc Jonatán, c'uxic ta o'tanil soc mulambil, ma ba la spit sbahic c'alal cuxulic, soc ma ba la spit sbahic te c'alal lajic. C'ax hich ahnimajic a te bin ut'il ya xwihl jxiquetic, c'ax hich yipic a te bin ut'il chojetic.

Isaías 13:5

Talemic ta namal q'uinal, c'alal ta sti'il ch'ulchan, ha te Jehová soc te a'tejibaletic yu'un yilimba, yu'un ya slajin spisil te q'uinale.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Isaías 3:8

Como jihnemix te Jerusalén, yahlemix te Judá; como te sc'opic soc te ya'telic scontrahinejic te Jehová, la stsal sba soc te smuc'ul yutsilale.

Isaías 5:28

Ay ye te ya'tejibalul st'ihmalte'ic, niticlambil spisil te st'ihmalte'ic; te slots' scawuhic hich te bin ut'il tulan ton, soc te yoc te carretahetic yu'unic hich te bin ut'il sutu-ic'.

Isaías 66:15

Como ilawil, te Jehová ya xtal soc c'ahc', te carretahetic yu'un hich ayic te bin ut'il sutu-ic', yu'un ya yac' tal sc'ahc'al te yilimba, soc ya xtal soc yat c'ahc' te utel yu'une.

Jeremías 10:19

¡Obol jba yu'un te jwocole! Mero c'ux te quehchene. Pero hich la jcal ta co'tan: Ha chamel cu'un ini, ya sc'an ya xcuhch cu'un.

Jeremías 4:12

te ic' te ya cac' taluc, c'ax hich ay yip a, como yo'tic ho'onix ya calbe smulic, xchi.

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Jeremías 46:18

Hich te bin ut'il smelelil te cuxulon, xchi te Ajwalil, te ha Jehová te scuentahinej spisil te sbihile, ay mach'a ya xtal te ha pajal soc Tabor ta yohlil te witsiltic, te pajal soc Carmelo ta ti' mar.

Jeremías 48:40

Como hich yaloj te Jehová: Hich te bin ut'il ya xwihl te jxic, hich ya sjam xic' ta scontrahinel te Moab.

Jeremías 49:22

Ya me xwihl bahel hich te bin ut'il jxic, ya sjam te xic' ta stojol Bosra. Ta hich ora, te yo'tan te mach'atic ay yipic yu'un Edom hich ya xc'oht te bin ut'il te yo'tan ants te ya x'alaj, xchi.

Jeremías 6:23

Chapalic soc st'ihmalte'ic soc slanzahic; ha j'uts'inwanejetic, mayuc xc'uxul yo'tanic. Te sc'opic hich ay te bin ut'il ya x'awon te mar, soc cajajtic ta cawu hich te bin ut'il winiquetic chapalic yu'un ya ya'bat guerra yantsil-nich'anat Sión, xchi.

Jeremías 9:19

Como ya xchicnaj oq'uel ta Sión: ¡Jihnemotiquix! Bayel quich'ojtic q'uexlaltesel, yu'un la jquihquitaytic hilel te jq'uinaltic, la sjinic te jnatique.

Lamentaciones 4:19

Te jnutsawal cu'untic c'ax hich ya x'ahnimajic a te bin ut'il jxic ya xwihl ta ch'ulchan; la snutsotic ta witsiltic, la smacliyotic ta jochol taquin q'uinal.

Ezequiel 26:10

Ya smucat ta ts'u'lum ta scaj te bayel cawuhetic yu'un; ya xnihc te ts'ahquetic awu'un yu'un te xnilet te cawuhetic soc carretahetic yu'un, te c'alal ya x'och bahel ta ochibaletic awu'un hich te bin ut'il ya x'ochic bahel ta pueblo te jambilix te sts'ahcule.

Ezequiel 38:9

Ya xmohat bahel hich te bin ut'il ic'al-ha'al; hich te bin ut'il tocal te ya smac te q'uinal ya xc'ohat soc spisil te soldadohetic awu'un, soc te bayel pueblohetic sjoquinejat.

Daniel 11:40

C'alal ya xc'oht yorahil te slajibale, te ajwalil ta sur ya me ya'be guerra te ajwalil ta norte; pero ha ya xloc' tal ta stojol hich te bin ut'il chahwuquil ha'al, ya xtal soc carretahetic yu'un guerra, soldadohetic mohemic ta cawu soc bayel barcohetic; ya yochintay bayel q'uinaletic, soc ya xc'ax xan bahel.

Daniel 7:4

Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Miqueas 2:4

Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.

Nahúm 1:3

Te Jehová ma orahuc ya x'ilin soc ay bayel yu'el, ma ba ya yal te mayuc smul te mach'a ay smule. Te Jehová ya xbehen ta yic'al-ha'al soc ta sutu-ic', soc te tocaletic ha ts'u'lum ta yoc.

Habacuc 1:8

Te cawuhetic yu'unic c'ax hich ya x'ahnimajic a te bin ut'il c'an bo'olay choj, c'ax hich ya xti'awanic a te bin ut'il ha'mal ts'i'etic ta ahc'abal; ya x'ahnimajic bahel te jmoheletic ta cawu, namal ya xtalic, ya xwihlic talel hich te bin ut'il jxic te ora ya xwihl ta tsaquel.

Zacarías 6:1

Yan buelta la jquil mohel, la jquil chicnaj chaneb carretahetic te yacalic ta loq'uel tal ta yohlil cheb witsetic te pasbilic ta bronce.

San Mateo 24:30

Tey ora ya xchicnaj tal ta ch'ulchan a te seña yu'un te Nich'anil ay ta scuenta winic, hich ya xhahch smel yo'tanic spisil te jaychahp mach'atic ayic ta bahlumilal, ya me yilic te Nich'anil ay ta scuenta winic te yac ta talel ta stocalil ch'ulchan soc yu'el soc bayel yutsilal.

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Apocalipsis 1:7

¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.