Jeremías 4:10 - Bible in Tzeltal Bachajón

¹⁰ Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Bible in Tzeltal de Oxchuc y Tenejapa

¹⁰ Jich la cal te jo'one: —Ay, Cajwal, la me alo'lay ta c'op te yajwal Jerusalén. Melel jamal la awalbey te ya xlamaj q'uinal ta stojolique; ja'uc me to, nopolix ya xtaotic yu'un te cuchilloe —la cut.

Jeremías 4:10 ပူးပေါင်းရင်းမြစ်များ

Éxodo 5:22

Ha yu'un te Moisés baht sc'opon xan te Jehová, hich la yal: Cajwal, ¿bin yu'un yac awa'be swocolic te pueblo ini? ¿Bin nix yu'un la aticonon tal a?

Éxodo 9:14

Yu'un ya jticonix tal spisil te castigohetic ta atojol, ta stojol te a'batetic soc te pueblo awu'un scuenta yu'un hich yac ana' a te mayuc yan mach'a pajalon soc ta spahmal q'uinal.

Isaías 30:10

Hich ya yalbeyic te j'ilawetic: Ma me xawilic nahalsitil, xchihic, soc hich ya yalbeyic te jalwanejetic: Ma me xawalbotic te bin stojil ta pasel; halbotic ca'iytic t'ujbil c'opetic nax, halahic te bintic sjel ta lec;

Isaías 37:35

Yu'un ho'on ya jcanantay te pueblo yu'un ya jcoltay ta jcuenta soc ta scuenta te ca'bat David, xchi.

Isaías 63:17

¿Bin yu'un, Jehová, te la awac' howiyotcotic ta behetic awu'un soc te la atulantes co'tancotic yu'un ma ba ya jxi'atcotic? ¡Suhtan talel, ta scuenta sc'uxul awo'tan ta stojol te a'batetic awu'un, suhtan talel ta scuenta te chahpalchahp te mach'atic awu'un!

Jeremías 1:6

Hich la jcal: ¡Ay, Cajwal Jehová! Ma jna' c'op, como queremon to, xchihon.

Jeremías 23:17

Spisil ora hich ya yalbeyic te mach'atic ya sp'ajonic: Ya yal te Jehová te ay me lamal q'uinal ta atojolic, xchihic. Soc hich ya yalbeyic te mach'atic ya st'unic te tulan yo'tanique: Ma ba ya xtal ta atojolic te bin chopol, xchihic.

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Jeremías 4:18

Ha nix ta scaj te atalel soc te bintic apasoj la yac' c'ohtuc ta pasel ini. Ha awocol ini, mero ch'a, c'ohemix c'alal ta awo'tan, xchi.

Jeremías 5:12

La smuc ta yo'tanic te Jehová; la yalic: Mayuc te Diose. Mayuc bin chopol ya xtal ta jtojoltic, ma ba ya quiltic espada o wi'nal, xchihic.

Jeremías 6:14

Sba nax ya spoxtaybeyic yehchen te pueblo cu'une, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Jeremías 8:11

Ta sba nax ya spoxtaybeyic yehchen te pueblo cu'un, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Lamentaciones 2:21

Limilic ta callehetic te alaletic soc mamaletic; lajic ta espada te queremetic soc ach'ixetic cu'un. La amajticlan ta yorahil awilimba; la alajinlan, ma ba la ana'be yo'bolil sbahic.

Ezequiel 11:13

Te c'alal yacon ta yalel sc'op-jalwanej a, cham te Pelatías snich'an Benaías. Hich la jpahcan jba, la jca'be sta lum te jti'ba, tulan awonon, hich la jcal: ¡Ay, Cajwal Jehová! ¿Ya bal alajin spisil te mach'atic hilemic yu'un Israel? xchihon ta aw.

Romanos 1:24

Ha scuentahil te ihquitayotic yu'un Dios ta spasel bintic chopol ya snop ta yo'tanic, hich la sbohlobtes sbaq'uetalic a.

Romanos 1:26

Ha scuentahil te ihquitayotic yu'un Dios ta spasel te bin ya sc'an yo'tanic te q'uexlaltic sba ta pasel. Te antsetic yu'unic la syanijtesic te stalelic te bin ut'il ya sjoquin sba soc winic.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.