Jeremías 4:1 - Bible in Tzeltal Bachajón

¹ Teme ya suhtat talel, Israel, xchi te Jehová, suhtan tal ta jtojol. Teme yac aloq'ues bahel te loc'ombahetic awu'un te ihlaybilic soc teme ma ba bayuc nax ya xbahex,

Bible in Tzeltal de Oxchuc y Tenejapa

¹ Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Jeremías 4:1 ပူးပေါင်းရင်းမြစ်များ

Génesis 35:2

Hich te Jacob la yalbe te mach'atic ay yu'un ta sna soc spisil te mach'atic sjoquinejic: Loq'uesahic te jyanlum diosetic te ay ta awohlilic, poca abahic soc jeltaya ac'u'ic.

2 Reyes 23:13

Te ajwalil ha nix hich la sbohlobtesbe sc'oblal te toyol awilaletic te ayic ta stojol sloq'uib c'ahc'al yu'un Jerusalén, ta stojol sur yu'un te Wits yu'un Jinel, te la yich' pasel yu'un te Salomón ajwalil yu'un Israel ta stojol Astoret te loc'omba yu'un te sidoniohetic te ilobtic sba, soc te Quemos te loc'omba yu'un Moab, soc te Milcom te loc'omba yu'un te snich'nab Amón te ilobtic sba.

2 Reyes 23:24

Te Josías jc'axel la sloq'ueslan te jna'ojeletic, j'ac'-chameletic soc te loc'ombahetic ta nahetic, soc spisil bintic ilobtic sba ta ilel ta Judá soc ta Jerusalén. Hich la spas scuenta yu'un hich ya xc'oht ta pasel a te bin ya yal te Ley te ts'ihbabil ta libro la sta te sacerdote Hilcías ta sna Jehová.

2 Crónicas 15:8

C'alal la ya'iy te Asa te sc'op te jalwanej Azarías snich'an Oded, la sta yip yo'tan yu'un. La sloq'ueslan te ihlaybil loc'ombahetic ta spisil sq'uinal Judá soc Benjamín, soc ta pueblohetic te la yu'untay te ayic ta witsiltic ta sq'uinal Efraín. La spas xan te scajtajib ta chiq'uel mahtanil yu'un Jehová te ay ta stojol te slehchul te sna Jehová.

2 Crónicas 33:8

Ma ba ya jloq'ues xan te Israel ta q'uinal te la jca'be te sme'static, teme ya scanantayic soc ya spasic spisil te Ley, spisil te mandariletic te la jcac' ta scuenta Moisés, te xchihe.

2 Crónicas 34:33

Te Josías la sloq'ueslan spisil te bintic ilobtic sba ta spisil sq'uinal Israel, soc la yac' te spisil mach'atic ayic ta Israel ya yac' sbahic ta a'batinel ta stojol Jehová te Dios yu'unic. Te jayeb c'ahc'al cuxul te Josías ma ba la yihquitayic te Jehová te Dios yu'un te sme'static.

Isaías 31:6

Yal-snich'nab Israel, ¡suhtanic bahel ta stojol te mach'a tulan atoyoj abahic ta stojole!

Jeremías 15:19

Ha yu'un hich la yal te Jehová: Teme yac asuhtes awo'tan, ya jcha'hahchat, soc yac atehc'an aba ta jtojol. Teme parte yac awac' te bin t'ujbil soc te bin ma lecuque, ha'at ya xc'opojat ta jcuenta. Ac'a suhtuquic tal ta atojol te yantique, ma ha'ucat te ya suhtat bahel ta stojolic.

Jeremías 15:4

Ya cac' te xiweltic sba ya xc'ohtic ta stojol te nacionetic ta q'uinal ta scaj te bin la spasic ta Jerusalén te Manasés snich'an Ezequías, ajwalil yu'un Judá.

Jeremías 18:11

Halbeya hiche te ants-winiquetic ta Judá soc te mach'atic nahinemic ta Jerusalén: Hich yaloj te Jehová: Yacon ta schahpanel te bin chopol ta atojolic, yacon ta schahpanel te bin ya scontrahinex. Jujutuhl, ihquitayahic hilel te chopol behetic awu'unic; tojobtesahic te behetic awu'unic soc te awa'telic, xchihat.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 25:5

Hich la yalic: Ihquitayahic hilel te chopol be awu'unic soc te chopol a'teliletic awu'unic, hich ya xhu' ya x'ayinex ta q'uinal te la ya'beyex awu'untayic sbahtel q'uinal te Jehová, ha'ex soc te ame'atatique.

Jeremías 3:1

Ay hich ya yalic: Teme ay mach'a ya yihquitay hilel yihnam, ya xloc' bahel te ants soc ya xnuhpun soc yan winic, ¿ya to bal scha'ic'ot xan yu'un te winique? ¿Ma bal jc'axeluc ya xbohlob te q'uinal yu'un? Pero ha'at la awac' aba ta antsinel soc tsobol mach'atic jun awo'tan aba soc, ¿ya to bal suhtat tal ta jtojol? xchi te Jehová.

Jeremías 3:12

Bahan, hich me xapuc ta halel ta stojol norte: Suhtanic tal ta jtojol, toyba Israel, xchi te Jehová, ma ba soc ilimba ya quilatix, como ho'on jc'uxultaywanejon, xchi te Jehová, ma ba spisil ora ya x'ilinon.

Jeremías 3:14

Suhtanic talel, toyba al-nich'anex, xchi te Jehová, como ho'on amamalalon; ya me quiq'uex, jujutuhl ta jujun pueblo soc cha'cha'tuhl ta jujuchahp ats'umbal, ya quiq'uex talel ta Sión.

Jeremías 3:22

Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 36:3

Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Jeremías 7:3

Hich yaloj te Jehová te scuentahinej spisil, te Dios yu'un Israel: Tojobtesahic te behetic awu'unic soc te awa'telique, hich ya cac' te ya xnahinex li'i.

Jeremías 7:5

Teme melel yac atojobtesic te behetic awu'unic soc te awa'telic, teme melel talel c'axel yac apasbe abahic te bin stojil,

Jeremías 7:7

ya cac' te ya xnahinex ta q'uinal ini, te q'uinal te la jca'be scuenta sbahtel q'uinal te ame'atatique.

Ezequiel 11:18

Ya xcha'suhtic xan talel, soc ya me sloq'uesic spisil te loc'ombahetic tey a soc spisil te bintic ilobtic sba yu'unique.

Ezequiel 18:13

ya sc'ambe sjol te staq'uin ya yac' ta majanel; ¿ya bal xcuxaj te winic ini? ¡Ma ba ya xcuxaj! La spasticlan spisil te bintic ilobtic sba ini, ya me xcham; ha nix ta scuenta ya xc'oht te sch'ich'ele.

Ezequiel 43:9

Ac'a sch'ayic loq'uel ta namal ta jtojol te antsinel yu'unic soc te schamen baq'uetetic yu'un te ajwaliletic yu'unique, hich ya xnahinon ta yohlilic sbahtel q'uinal.

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Oseas 2:2

¡Halbeyahic smul ananic, halbeyahic smul, como ma quihnamuc, soc ma smamalalucon! Ac'a yihquitay hilel ta stojol te antsinel yu'un, te yajmul ta banti stahn.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.

Joel 2:12

Yo'tic ini, xchi te Jehová, suhtanic tal ta jtojol soc spisil awo'tanic, suhtanic ta jtojol ta spisil awo'tanic, coma awe'elic, mela awo'tanic soc oc'anic.

Zacarías 1:4

Ma me hichuquex te bin ut'il ame'atatic te hich halbotic yu'un te nahil jalwanejetic: Hich yaloj te Jehová te scuentahinej spisil: Ihquitayahic hilel te chopol behetic awu'unic soc te chopol awa'telic, te xchihique, pero ma ba la ya'iyic soc ma ba la yich'onic ta cuenta, xchi te Jehová.

Deuteronomio 27:15

Chopol sc'oblal te mach'a ya spas te bin lop'taylambil, o loc'omba pasbil ta uhltesbil taq'uin, ha ya'tel te mach'a ya sna' spasel, te muquen ya stehc'an, ha ihlaybil yu'un Jehová, xchihic. Hichuc, xchihic me spisil te pueblo.

Deuteronomio 4:30

Te c'alal ay awocolic soc te ya stahex spisil te wocol ini, teme ta patil bahel ya suhtex ta stojol Jehová te Dios awu'unic soc yac ach'uhumbeyic te sc'ope,

Josué 24:14

Ha yu'un ich'ahic ta muc' te Jehová soc junuc me awo'tan ac'a abahic ta a'batinel yu'un ta mero melel. Loq'uesa ta awohlilic te diosetic te la sch'uhunic te ame'atatic ta jehch te muc'ul-ha' soc ta Egipto, ac'a abahic ta a'batinel yu'un Jehová.

Jueces 10:16

Hich la sloq'uesic te yantic diosetic, la yac' sbahic ta a'batinel yu'un te Jehová. C'ux la ya'iy te Jehová te ay swocol te Israel.

1 Samuel 7:3

Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.