Jeremías 39:9 - Bible in Tzeltal Bachajón

⁹ Te Nabuzaradán, capitán yu'un te soldadohetic te ya scanantayic ajwalil, la yic'ticlan bahel ta chuquel ta Babilonia te mach'atic hilemic ta pueblo soc te mach'atic c'axemiquix bahel ta stojol, soc spisil te yantic te hilemique.

Bible in Tzeltal de Oxchuc y Tenejapa

⁹ Ta slajibal, te Nabuzaradán, te comandante yu'un te canantaywanejetic yu'un te muc' ajwalile, la yic' bael ta mosoil ta Babilonia te mach'atic yajwal te lum te ayic to xan tey a, soc te mach'atic c'axemiquix soc te caldeoetique; ja' ta spisil te lume.

Jeremías 39:9 ပူးပေါင်းရင်းမြစ်များ

Génesis 37:36

Te madianetic c'oht schonic te José ta Egipto ta sc'ab Potifar te ay ya'tel ta stojol faraón, ha capitán yu'un te soldadohetic te ya scanantayic ajwalil.

2 Reyes 20:18

Soc ay patil al-nich'anetic awu'un te ya x'ic'otic bahel, ha eunucohetic ya xc'ohtic ta sna te ajwalil yu'un Babilonia, xchi.

2 Reyes 25:11

Te Nabuzaradán la yic'ticlan bahel ta chuquel te mach'atic hilemic ta pueblo, te mach'atic jun yac'oj sbahic soc te ajwalil yu'un Babilonia soc te hich yipal xan hilemique.

2 Reyes 25:20

Te Nabuzaradán capitán yu'un soldadohetic te ya scanantayic ajwalil la yic'ticlan bahel spisilic ta Ribla ta stojol te ajwalil yu'un Babilonia.

Isaías 5:13

Ha yu'un ya x'ic'otic bahel ta chuquel te pueblo cu'un ta scaj te mayuc snopojibal yu'unique. Te winiquetic yu'un te ay sc'oblalic ya xlajic ta wi'nal, soc te tsobolic yu'un, ya ya'iyic bayel taquinti'il.

Jeremías 10:18

yu'un hich yaloj te Jehová: Ta ora ini hich ya jch'oj bahel te bin ut'il jihmuch'il te mach'atic nahinemic ta lumq'uinal; ya cac'ticlambe tulan swocolic scuenta yu'un ya ya'iyic, xchi.

Jeremías 16:13

Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Jeremías 24:8

Pero hich te bin ut'il te higohetic te ma lecuc, te ma xhu' ta lo'el, hich yaloj te Jehová, hich ya jpasbe te Sedequías ajwalil yu'un Judá, te príncipaletic yu'un soc te mach'atic cuxul hilic ta Jerusalén, te hilic ta q'uinal ini soc te ya xnahinic ta sq'uinal Egipto.

Jeremías 38:19

Te Sedequías hich la yalbe te Jeremías: Ya jxi' te judiohetic te ay c'axemiquix ta stojol te caldeohetique; teme ya x'ochon ta sc'abic ya wan yuts'inonic, xchi.

Jeremías 40:1

Ha te sc'op Jehová te tal ta stojol Jeremías te c'alal ac'otix ta libre ta Ramá yu'un te Nabuzaradán, capitán yu'un te soldadohetic te ya scanantayic ajwalil, te c'alal chucul ta cadena a c'oht sta ta yohlil spisil te jchuqueletic yu'un Jerusalén soc Judá te yaquic ta iq'uel bahel ta chuquel ta Babilonia.

Jeremías 40:7

Spisil te capitanetic judiohetic soc te swinictac te ayic ta yohl q'uinal, c'alal la ya'iyic te otsesot ta gobernador te Gedalías snich'an Ahicam yu'un te ajwalil yu'un Babilonia, te a'bot ta scuenta te winiquetic, antsetic soc alaletic, ha te pobrehetic ta q'uinal te ma ba ic'otic bahel ta Babilonia,

Jeremías 52:26

Te Nabuzaradán la yic'ticlan bahel ta stojol te ajwalil yu'un Babilonia ta Ribla.

Jeremías 52:27

Te ajwalil yu'un Babilonia la smilticlan tey ta Ribla ta sq'uinal Hamat. Hich te Judá ic'ot loq'uel ta chuquel ta sq'uinal.

Daniel 2:14

Te Daniel la yutsil c'opon soc sp'ijil yo'tan te Arioc, te capitán yu'un soldadohetic te ya scanantayic te ajwalil, te loq'uemic bahel ta smilticlanel te p'ijil winiquetic yu'un Babilonia.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Deuteronomio 4:27

Te Jehová ya me spuquex bahel ta yantic pueblohetic, soc ma me ayuc bayel ya xhilex ta nacionetic te banti ya yiq'uex bahel te Jehová.