Jeremías 39:4 - Bible in Tzeltal Bachajón

⁴ Te Sedequías ajwalil yu'un Judá soc spisil te soldadohetic, c'alal la yilic, loq'uic ta ahnel ta pueblo ta ahc'abal ta sbehlal te ts'umbil nichimetic yu'un te ajwalil, ta ochibal te ay ta ohlil yu'un te cheb ts'ahquetique, loq'uic bahel ta sbehlal te Arabá.

Bible in Tzeltal de Oxchuc y Tenejapa

⁴ C'alal la yil te muc' ajwalil Sedequías, soc te soldadoetic yu'un te bila c'ot ta pasel, anic loq'uel ta lum. Ajc'ubal loq'uic bael ta be ta bay ts'unul nichimetic yu'un te ajwalile, ta yochibal te ay ta yolil xchebal te ts'ajq'uetique, coic bael ta be ta stenlej xatal q'uinal yu'un Jordán.

Jeremías 39:4 ပူးပေါင်းရင်းမြစ်များ

2 Crónicas 32:5

Soc yip yo'tan te Ezequías la scha'pas xan spisil te ts'ahquetic te jihnemic, la spas ilo-q'uinaletic ta sba, soc la spas yan ts'ahc ta fuera; soc la ya'be xan yip te Milo te ay ta Pueblo yu'un David, soc la spas bayel espadahetic soc mahquilaletic.

Isaías 22:11

Ta yohlil schebal te ts'ahquetic la apas yawil ha' ta banti ya x'och te ya'al te antiguo yawil ha'; pero ma ba la awich'ic ta cuenta te mach'a la spas, ma ba la ana'ic te mach'a namey la schahpan.

Isaías 22:3

Spisil te príncipaletic awu'un junax loq'uic bahel ta ahnimal ta stojol te t'ihmalte', la yich'ic chuquel; spisil te mach'atic tahbilic ta awohlil pajal la yich'ic tsaquel, aunque namal loq'uic bahel ta ahnel.

Isaías 29:2

Ya ca'be swocol te Ariel, ya me smel yo'tan soc ya me x'ahcanaj; hich ya xc'oht cu'un te bin ut'il ariel.

Jeremías 32:4

soc te ajwalil Sedequías ma ba ya xcol ta sc'ab te caldeohetic, ya me x'och ta sc'ab te ajwalil yu'un Babilonia, ya me stehc'an sba ta c'op ta stojol, ya me yilbe sit,

Jeremías 32:5

soc ha ya x'ic'ot bahel yu'un ta Babilonia, tey ya x'ayin a ha to c'alal ya jna' xan. Teme yac awa'beyic guerra te caldeohetic, ma xhu' awu'un, te xhihate? xchi.

Ezequiel 12:12

Te ajwalil te ay ta yohlilic ya me scajan sbiluc ta snehquel ta ahc'abal, ya xloc' bahel. Ya me shotic te ts'ahc te banti ya xloc' bahel, soc ya me smac sit yelaw scuenta yu'un ma ba ya yil a te q'uinale.

Ezequiel 12:4

Ta c'ahc'alel ta comon sitil ya me aloq'ues abiluc, hich yilel te ya xbahat ta chuquel; ta tibiltic ta comon sitil ya me xloc'at bahel ha'at, hich yilel te bin ut'il mach'a ya xloc' bahel ta chuquel.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Levítico 26:36

Te mach'atic hilem awu'unic, ya cac' taluc xiwel ta yo'tanic tey ta sq'uinalic te scontrahique; nutsbil ya ya'iy yu'un teme ya ya'iybe sc'op ya'binal te' tembil ta ic', ya me xloq'uic ta ahnel hich te bin ut'il tembilic ta espada ya ya'iyic, soc ya xyahlic aunque mayuc mach'a nutsbilic yu'un.

Amós 2:14

ma xhu' ya xloc' ta ahnel te mach'a tulan ya x'ahnimaj, te mach'a ay yip ma ba ya xcoltayot yu'un te yipe, soc te mach'a ma xiw ma xhu' ya scoltay scuxlejal;

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.