Jeremías 38:2 - Bible in Tzeltal Bachajón

² Hich yaloj te Jehová: Te mach'a ya xhil ta pueblo ya me xlaj ta espada, ta wi'nal o ta jmilawal-chamel; yan te mach'a ya xc'ax bahel ta stojol te caldeohetic, ya xcuxaj. Te scuxlejal hich ya xc'oht te bin ut'il bin pojbil ta guerra, cuxul ya xhil, xchi.

Bible in Tzeltal de Oxchuc y Tenejapa

² —Te Cajwaltic la yal: “Te mach'a ya xjil ta lum, ya me xlaj ta guerra, ta wi'nal o ta chamel. Yan te mach'a ya xloc' bael, soc te ya yac' sba ta c'abal yu'un te caldeoetique, ma x'uts'inbot xcuxlejal stuquel”, xi' te Cajwaltique.

Jeremías 38:2 ပူးပေါင်းရင်းမြစ်များ

Jeremías 21:4

Hich yaloj te Jehová te Dios yu'un Israel: Ya cac' suhtuc bahel te a'tejibaletic yu'un guerra te ay ta ac'abic, te yaquex ta ya'beyel guerra a te ajwalil yu'un Babilonia; soc te caldeohetic te sjoytayejex ta spat ts'ahc ya jtsobticlan tal ta yohlil te pueblo ini.

Jeremías 24:8

Pero hich te bin ut'il te higohetic te ma lecuc, te ma xhu' ta lo'el, hich yaloj te Jehová, hich ya jpasbe te Sedequías ajwalil yu'un Judá, te príncipaletic yu'un soc te mach'atic cuxul hilic ta Jerusalén, te hilic ta q'uinal ini soc te ya xnahinic ta sq'uinal Egipto.

Jeremías 27:11

Yan te nación te ya yac' ta snuc' te yugo yu'un te ajwalil yu'un Babilonia soc te ya yac' sba ta a'batinel yu'une, ya cac' te ya xhil ta sq'uinal, ya schahpan te sq'uinal soc ya xhil ta nahinel tey a, xchi.

Jeremías 27:13

¿Bin yu'un ya xlajat soc te pueblo awu'un ta espada, ta wi'nal soc ta jmilawal-chamel, hich te bin ut'il yaloj te Jehová ta stojol te nación te ma ba ya yac' sba ta a'batinel yu'un te ajwalil yu'un Babilonia?

Jeremías 29:16

Pero te Jehová hich yalbeyej sc'oblal te ajwalil te hucul ta shuctajib David, soc sc'oblal spisil mach'atic te nahinemic ta muc'ul pueblo ini, ha te awermanotac te ma pajaluc ic'otic bahel ta chuquel:

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

Jeremías 39:18

Ya cac'at ta libre, ma ba ya xlajat ta espada, ha pojbil ta guerra ya xc'oht acuxlejal, como la smuc'ulinon awo'tan, xchi te Jehová.

Jeremías 42:17

Spisil te mach'atic hich yo'tanic te ya xbahtic ta nahinel ta Egipto ya me xlajic ta espada, ta wi'nal soc ta jmilawal-chamel. Mayuc mach'a cuxul ya xhil o te ya x'ahn loq'uel ta stojol te bin chopol ya cac' tal ta stojolic, xchi.

Jeremías 42:22

Ha yu'un na'ahic me ta lec te ya me xlajex ta espada, ta wi'nal soc ta jmilawal-chamel tey ta banti yac ac'anic ya xbahex ta nahinel, xchi te Jeremías.

Jeremías 44:13

Te mach'atic nahinemic ta sq'uinal Egipto ya ca'be castigo ta espada, ta wi'nal soc ta jmilawal-chamel, hich te bin ut'il la jca'be castigo te Jerusalén.

Jeremías 45:5

¿yu'un bal ha'at yac ale te muc' ac'oblal ya xc'ohat? ¡Ma me xale! como ya me cac' taluc bin chopol ta stojol spisil mach'atic cuxajtic, xchi te Jehová; pero te ha'ate ya cac' te cuxul ya xhilat bayuc ya xbahat, xchi.

Ezequiel 14:21

Ha yu'un hich yaloj te Jehová, te Ajwalil: ¡C'ax to xan hich a te c'alal ya jticon bahel ta stojol Jerusalén te chaneb castigo te xiweltic sbahic, ha te espada, wi'nal, ti'awal chambahlametic soc jmilawal-chamel, yu'un ya slajinlanic ants-winiquetic soc chambahlametic tey a!

Ezequiel 6:11

Hich yaloj te Jehová, te Ajwalil: Pac'a ac'ab soc pujilana awoc, hich me xawal: ¡Ay swocol! xchihat yu'un spisil te bintic ilobtic sba yu'un te sna Israel. Como ya xyahlic ta scuenta espada, wi'nal soc jmilawal-chamel.

Ezequiel 7:15

Ta sti'il te pueblo ay espada, ta yutil ay jmilawal-chamel soc wi'nal. Te mach'a ay ta aquiltic ya xlajic ta espada, te mach'a ay ta pueblo ya xlajinot ta wi'nal soc jmilawal-chamel.