Jeremías 38:16 - Bible in Tzeltal Bachajón

¹⁶ Pero te ajwalil Sedequías muquen la yal ta jamal ta stojol Jeremías: ¡Yiloj Jehová te la ya'botic jcuxlejaltic, ma ba ya jmilat soc ma ba ya cac'at ta sc'abic te winiquetic te ya slehbelat acuxlejal! xchi.

Bible in Tzeltal de Oxchuc y Tenejapa

¹⁶ Ja'uc me to, te muc' ajwalil Sedequías muquen la yalbey te Jeremías, soc jamal la yal ta stojol te bit'il ay te yo'tane: —Ya cal ta stojol Cajwaltic, te la yac'botic jcuxlejaltique, te ma ba ya cac'at ta milel, soc ma ba ya cac'at ta sc'abic te mach'atic ya sc'an smilate —xi'.

Jeremías 38:16 ပူးပေါင်းရင်းမြစ်များ

Jeremías 37:17

Te ajwalil Sedequías la sticon ta iq'uel tal, muquen la sjoc'obe ta sna: ¿Ay bal bin yaloj te Jehová? xchi. Ay, xchi te Jeremías, ya me x'ochat ta sc'ab te ajwalil yu'un Babilonia, xchi.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

Zacarías 12:1

Ha ini te sc'op Jehová sc'oblal Israel. Te Jehová te la slim bahel te ch'ulchan soc te la ya'be yich'o-ip te q'uinal, te ya ya'be sch'uhlel te ants-winiquetic, hich ya yal:

Isaías 57:16

Como ma spisiluc ora ya jtij ta c'op, ma spisiluc ora ya x'ilinon, yu'un ya xlaj yip yo'tanic ta jtojol te hichuque, te sch'uhlelic te jpasoje.

Jeremías 34:20

ya cac'ticlan ta sc'ab te scontratac soc ta sc'ab te mach'atic ya xlehbot scuxlejalic yu'un. Te schamen baq'uetalic ya xti'otic yu'un mutetic ya xwihlic ta toyol soc ha'mal chambahlametic.

Números 27:16

Jehová, Diosat yu'un scuxlejal spisil bintic cuxajtic, tsaha jtuhluc winic te ya scuentahin te pueblo,

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Hebreos 12:9

La jquich'tic tojobtesel yu'un te jtatic ta bahlumilal, soc la jquich'tic ta cuenta. ¿Bin yu'un ma ba c'ax hich ya quich'tic ta cuenta a te Jtatic ay ta ch'ulchan, te hich ya xcuxajotic ahe?

Isaías 42:5

Te Jehová Dios, te la schicnajtes te ch'ulchan soc te la slim bahel, te la slim bahel te bahlumilal soc te bintic ya xcol tey a, te ya ya'be yich' ic' te mach'atic ya xnahinic tey a, soc ya ya'be scuxlejal te mach'atic ya xbehenic tey a, hich ya yal:

Eclesiastés 12:7

o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Hechos 17:25

soc ma smajambe sc'ab winiquetic, como mayuc bin ya xpasot falta yu'un stuquel, como ha nix te ya ya'be scuxlejal ants-winiquetic soc te ya ya'be yich'ic ic' soc spisil bintic ya xtuhun yu'unique.

Hechos 17:28

Como ha ta scuenta te cuxulotic, te ya xbehenotic soc te hich ayotic; hich te bin ut'il yalojic te mach'atic awu'unic te ya sna'ic tsahbil c'opetic: Ha sts'umbalotic, te xchihique.