Jeremías 37:3 - Bible in Tzeltal Bachajón

³ Te ajwalil Sedequías la sticon bahel te Jucal snich'an Selemías soc te sacerdote Sofonías snich'an Maasías yu'un hich ya yalbeyic te jalwanej Jeremías: Awocoluc, c'opombotic Jehová te Dios cu'untic, xchihic.

Bible in Tzeltal de Oxchuc y Tenejapa

³ Te muc' ajwalil Sedequías la sticun bael te Jucal snich'an Selemías soc te sacerdote Sofonías te snich'an Maasías, ta yilel te j'alwanej Jeremías. Jich c'o yalbeyic: —C'oponbotic Cajwaltic te Dios cu'untique —xiic.

Jeremías 37:3 ပူးပေါင်းရင်းမြစ်များ

1 Reyes 13:6

Ha yu'un te ajwalil la yalbe te winic yu'un Dios: Awocoluc, c'opombon te Jehová te Dios awu'un, scuenta yu'un ya xlecub a te jc'abe, xchi. Hich te winic yu'un Dios la sc'opon te Jehová, hich lecub te sc'ab te ajwalil, hich c'oht te bin ut'il ay ta nahil to.

Éxodo 10:17

Ha yu'un ya calbeyex wocol, pasbonic perdón yu'un jmul junuc xan buelta, soc c'opombonic a te Jehová te Dios awu'unic te yacuc sloq'uesbon ta jtojol te wocol scuenta lajel ini, xchi.

Éxodo 8:28

La yal te faraón: Ya caq'uex bahel yu'un yac awa'beyic milbil smahtan te Jehová te Dios awu'unic ta jochol taquin q'uinal, pero ma ba c'ax namaluc ya xbahex. C'opombonic me Dios, xchi.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Éxodo 9:28

C'opona te Jehová, yu'un tic' a te chahwuc yu'un Dios soc te bat. Ya caq'uex bahel, ma ba ya jcomexix, xchi.

Jeremías 15:11

¡Ac'a c'ohtuc ta pasel yu'unic te sbohlc'opic, Jehová, teme ma ba la jc'oponat yu'un lec ya xc'ohtic teme ma ba la jcalbat wocol yu'un yac ac'uxultay ta yorahil wocol soc mel-o'tan!

Jeremías 2:27

te hich ya yalbeyic te te': Ha'at jtatat, xchihic, soc hich ya yalbeyic te ton: Ha'at la awalatayon, xchihic. La ya'bon quil te spatic, ma ha'uc te sit yelawic. Pero te c'alal ay swocolic hich ya yalic: ¡Hahchan, coltayawotcotic! xchihic.

Jeremías 29:21

Te Jehová te scuentahinej spisil, te Dios yu'un Israel, hich yalbeyej sc'oblal te Acab snich'an Colaías soc sc'oblal te Sedequías snich'an Maasías, te yac yalbelex slotil c'op-jalwanej ta scuenta te jbihile: Ya cac'ticlan ta sc'ab te Nabucodonosor ajwalil yu'un Babilonia, ha ya smilticlan ta atojolic.

Jeremías 29:25

Hich yaloj te Jehová te scuentahinej spisil, te Dios yu'un Israel: Ta scuenta abihil la aticon carta ta stojol spisil te pueblo te ay ta Jerusalén soc ta stojol te sacerdote Sofonías snich'an Maasías, soc spisil te yantic sacerdotehetic, hich la awal:

Jeremías 37:17

Te ajwalil Sedequías la sticon ta iq'uel tal, muquen la sjoc'obe ta sna: ¿Ay bal bin yaloj te Jehová? xchi. Ay, xchi te Jeremías, ya me x'ochat ta sc'ab te ajwalil yu'un Babilonia, xchi.

Jeremías 37:7

Hich yaloj te Jehová, te Dios yu'un Israel: Te ajwalil yu'un Judá te la sticonex tal ta jtojol yu'un yac ajoc'obonic, hich yac awalbe: Te soldadohetic yu'un faraón te loq'uemiquix tal yu'un ya scoltayex, ya suhtic bahel ta Egipto.

Jeremías 38:1

Te Sefatías snich'an Matán, Gedalías snich'an Pasur, Jucal snich'an Selemías, soc Pasur snich'an Malquías la ya'iyic te bin yac yalbel te Jeremías ta stojol spisil te pueblo, te hich la yal:

Jeremías 42:1

Spisil te capitanetic yu'un soldadohetic soc te Johanán snich'an Carea, te Jezanías snich'an Osaías soc spisil te pueblo, muc' biq'uit, talic

Jeremías 42:20

¿Bin yu'un la alo'loy abahic? Ha'ex nix la aticononic ta stojol Jehová te Dios awu'unic, te hich la awalic: C'opombotic Jehová te Dios cu'untic, soc a'botcotic jna'cotic spisil te bin ya yal te Jehová te Dios cu'untic, hich me ya jpascotic, xchihex.

Jeremías 52:24

Te capitán la stsac te Seraías te muc'ul sacerdote, te Sofonías te schebal sacerdote, soc te oxeb jcanan-amac'.

Números 21:7

Ha yu'un te pueblo talic ta stojol Moisés, hich la yalbeyic: La jta jmulcotic ta scontrac'optayel te Jehová soc te ha'ate. C'ambeya Jehová te yacuc sloq'ues te chanetic, xchihic. Hich te Moisés la sc'opombe Dios te pueblo.

Hechos 8:24

La sjac' te Simón: C'opombonic Cajwaltic te manchuc ya xc'oht ta jcuenta te bin la awalique, xchi.

1 Samuel 12:19

Ha yu'un spisil te pueblo hich la yalbeyic te Samuel: C'opona te Jehová te Dios awu'un ta jcuentacotic ho'otcotic te a'batotcotic awu'un, te manchuc ya xchamotcotic, como ta spisil te jmulcotic, la jtahcotic xan yan mulil te la jc'ancotic ajwalil cu'uncotic, xchihic.