Jeremías 32:9 - Bible in Tzeltal Bachajón

⁹ ha yu'un la jmambe te sq'uinal Hanameel snich'an jtajun te ay ta Anatot, la jp'isbe huclajuneb (17) siclohetic yu'un plata.

Bible in Tzeltal de Oxchuc y Tenejapa

^9-10 la jmanbey sq'uinal te Hanameel. La cac'bey juclajuneb ta jsejp plata, te jich trato la jchap soc yu'un te stojole. Te contrato la cac' ta ts'ibuyel, la yich' maquel ta sello, soc la yac' sfirmaic te testigoetique.

Jeremías 32:9 ပူးပေါင်းရင်းမြစ်များ

Génesis 24:22

C'alal laj yo'tan ta yuch'el ha' te camellohetic, te winic la ya'be jun ch'ocowil pasbil ta oro te j'ohlil siclo yalal, soc cheb xan staq'uinal snuc' sc'ab pasbil ta oro te lajuneb siclo yalal.

Génesis 37:28

C'alal yacalic ta c'axel tey a te jchombajel madianetic, la sloq'uesic ta ch'en te José, la schombeyic bahel te ismaeletic, jtahb (20) ta sehp plata stojol. La yiq'uic bahel ta Egipto te José.

1 Reyes 20:39

Te c'alal yac ta c'axel a te ajwalil, hich la yawtay te ajwalil: Te a'bat awu'un baht ta yohlil te guerra, tal jtuhl soldado, la yic' tal jtuhl jchuquel, hich la yalbon: Canantaya ha winic ini, teme loc' ta ahnel, ha me ya sjelolin acuxlejal te scuxlejale, o yac' atoj jun talento plata.

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

Ester 3:9

Teme lec ya ya'iy te ajwalil, ac'a yal mandar te ac'a yich'ic lajinel. Ho'on ya ca'be jpic soc ho'bahc' (10,000) talento plata ta sc'abic te mach'atic ya scuentahimbeyic te bintic ay yu'un te ajwalil, yu'un ya x'och ta yawil sc'ulejal te ajwalil, xchi.

Éxodo 21:32

Teme ya scuj jtuhl a'bat o criada, te yajwal ya me stoj lajuneb scha'winic (30) ta sehp plata, soc ya xlaj ta ch'ojel ta ton te wacaxe.

Isaías 55:2

¿Bin yu'un yac alajin ataq'uinic yu'un te bin ma we'eliluc? ¿Bin yu'un yac alajin stojol awa'tel yu'un te bin ma xnoj ach'uhtic yu'une? ¡A'iybon awa'iyic ta lec, we'anic te bin lec, ya me amulan te bintic buhts'an ta we'el!

Ezequiel 4:10

Te yalal te we'elil yac awe' jujun c'ahc'al ha jtahb siclo; p'isbil yorahil yac awe'.

Oseas 3:2

Ha yu'un la jman te ants ta ho'lajuneb (15) ta sehp plata soc j'ohlil scheb homer cebada.