Jeremías 32:8 - Bible in Tzeltal Bachajón

⁸ Hich te bin ut'il la yal te Jehová, tal ta jtojol ta yamaq'uil te cárcel te Hanameel snich'an jtajun, hich la yalbon: Mambon te jq'uinal te ay ta Anatot ta sq'uinal Benjamín, como ay ta acuenta smanel. Mana yu'un awu'un ya xc'oht, xchi. Hich la jna' te ha sc'op te Jehová;

Bible in Tzeltal de Oxchuc y Tenejapa

⁸ Jich nix te bit'il la yalbon te Cajwaltique, tal yilon te Hanameel ta bay amac' yu'un te soldadoetique. Jich la yalbon te yacuc jmanbey te sq'uinal te ay yu'un ta Anatot, te bay sq'uinal sts'umbal Benjamín, te melel yu'un ay ta jwenta smanel soc te ya cu'unin jilele, ta scaj te mero jun sme'-stat soc te jtate. C'alal la jna' te ja' smandal te Cajwaltique,

Jeremías 32:8 ပူးပေါင်းရင်းမြစ်များ

1 Reyes 2:26

Te ajwalil la yalbe te sacerdote Abiatar: Bahan ta aq'uinal ta Anatot, ya sc'an te ya xlajat, pero ma ba ya jmilat yo'tic como awich'beyej bahel te scaxahul te chapbil-c'op yu'un Jehová ta stojol te jtat David, soc pajal c'ax awocol soc te jtate, xchi sc'oblal.

1 Reyes 22:25

La sjac' te Micaías: Ya me ana' te bin c'ahc'alil ya x'ochat ta yutil nanatic yu'un yac anac' aba tey a, xchi.

1 Crónicas 6:60

Ta sq'uinal Benjamín a'botic Geba, Alemet soc Anatot, soc te aquiltic ta sjoyobalic. Oxlajuneb pueblohetic la yich'ic pucbeyel ta chahpalchahp te mach'atic ay yu'unique.

Jeremías 1:1

Ha sc'op Jeremías snich'an Hilcías, jtuhl sacerdote yu'un te sacerdotehetic ta Anatot te ay ta sq'uinal Benjamín.

Jeremías 32:2

Ha nix yorahil a te soldadohetic yu'un te ajwalil yu'un Babilonia la sjoyintayic ta guerra te Jerusalén, soc te jalwanej Jeremías chucul ta yamaq'uil te cárcel te ay ta sna te ajwalil yu'un Judá.

Jeremías 32:25

¡Ah, Cajwal Jehová! aunque ya x'ac'otix ta sc'ab caldeohetic te pueblo, ¿hich bal yac awalbon: Mana te q'uinal soc ayuc me testigohetic, xchihat bal? xchi ta sc'oponel Dios te Jeremías.

Jeremías 32:7

Te Hanameel snich'an atajun Salum ya xtal yalbat: Mambon te jq'uinal te ay ta Anatot, como ay ta acuenta te bin ut'il amohlol-ats'ahquil, xchi.

Jeremías 33:1

Tal sc'op Jehová ta schebal buelta ta stojol Jeremías te c'alal ay to ta chuquel a ta yamaq'uil te cárcel, hich la yal:

Jeremías 37:12

loc' bahel ta Jerusalén te Jeremías yu'un ya xbaht ta sq'uinal Benjamín ta yich'el te sq'uinal ta yohlil te ants-winiquetic tey a.

Ezequiel 12:7

Hich la jpas te bin ut'il la spason ta mandar. Ta c'ahc'alel la jquich' loq'uel te jbiluque, hich yilel te ya xbohonix ta chuquel, soc ta tibiltic la jot ta jc'ab te ts'ahque; ta yihc'ubel q'uinal ta comon sitil la jcajan ta jnehquel te jbiluc, loc'on bahel.

Zacarías 11:11

Ta hich ora jihn te chapbil-c'op, soc hich la sna'ic te pobrehetic yu'un te jtsohb tuminchijetic te yac yilbelonic te ha te sc'op te Jehová.

San Juan 4:53

Hich te stat la sna' te hich ora halbot yu'un Jesús: Cuxul te anich'an, te xchihe. La sch'uhun Jesús te winic soc spisil mach'atic ay yu'un ta sna.